ଶ୍ରୀ ଅମରନାଥାଷ୍ଟକମ୍ PDF ଓଡିଆ

ଶ୍ରୀ ଅମରନାଥାଷ୍ଟକମ୍ ଓଡିଆ Lyrics

|| ଶ୍ରୀ ଅମରନାଥାଷ୍ଟକମ୍ ||

ଭାଗୀରଥୀସଲିଲସାନ୍ଦ୍ରଜଟାକଲାପମ୍
ଶୀତାଂଶୁକାନ୍ତି-ରମଣୀୟ-ବିଶାଲ-ଭାଲମ୍ ।
କର୍ପୂରଦୁଗ୍ଧହିମହଂସନିଭଂ ସ୍ୱତୋଜମ୍
ନିତ୍ୟଂ ଭଜାମ୍ୟଽମରନାଥମହଂ ଦୟାଲୁମ୍ ॥

ଗୌରୀପତିଂ ପଶୁପତିଂ ବରଦଂ ତ୍ରିନେତ୍ରମ୍
ଭୂତାଧିପଂ ସକଲଲୋକପତିଂ ସୁରେଶମ୍ ।
ଶାର୍ଦୂଲଚର୍ମଚିତିଭସ୍ମବିଭୂଷିତାଙ୍ଗମ୍
ନିତ୍ୟଂ ଭଜାମ୍ୟଽମରନାଥମହଂ ଦୟାଲୁମ୍ ॥

ଗନ୍ଧର୍ୱୟକ୍ଷରସୁରକିନ୍ନର-ସିଦ୍ଧସଙ୍ଘୈଃ
ସଂସ୍ତୂୟମାନମନିଶଂ ଶ୍ରୁତିପୂତମନ୍ତ୍ରୈଃ ।
ସର୍ୱତ୍ରସର୍ୱହୃଦୟୈକନିବାସିନଂ ତମ୍
ନିତ୍ୟଂ ଭଜାମ୍ୟଽମରନାଥମହଂ ଦୟାଲୁମ୍ ॥

ବ୍ୟୋମାନିଲାନଲଜଲାବନିସୋମସୂର୍ୟ
ହୋତ୍ରୀଭିରଷ୍ଟତନୁଭିର୍ଜଗଦେକନାଥଃ ।
ଯସ୍ତିଷ୍ଠତୀହ ଜନମଙ୍ଗଲଧାରଣାୟ
ତଂ ପ୍ରାର୍ଥୟାମ୍ୟଽମରନାଥମହଂ ଦୟାଲୁମ୍ ॥

ଶୈଲେନ୍ଦ୍ରତୁଙ୍ଗଶିଖରେ ଗିରିଜାସମେତମ୍
ପ୍ରାଲେୟଦୁର୍ଗମଗୁହାସୁ ସଦା ବସନ୍ତମ୍ ।
ଶ୍ରୀମଦ୍ଗଜାନନବିରାଜିତ ଦକ୍ଷିଣାଙ୍କମ୍
ନିତ୍ୟଂ ଭଜାମ୍ୟଽମରନାଥମହଂ ଦୟାଲୁମ୍ ॥

ବାଗ୍ବୁଦ୍ଧିଚିତ୍ତକରଣୈଶ୍ଚ ତପୋଭିରୁଗ୍ରୈଃ
ଶକ୍ୟଂ ସମାକଲୟିତୁଂ ନ ଯଦୀୟରୂପମ୍ ।
ତଂ ଭକ୍ତିଭାବସୁଲଭଂ ଶରଣଂ ନତାନାମ୍
ନିତ୍ୟ ଭଜାମ୍ୟଽମରନାଥମହଂ ଦୟାଲୁମ୍ ॥

ଆଦ୍ୟନ୍ତହୀନମଖିଲାଧିପତିଂ ଗିରୀଶମ୍
ଭକ୍ତପ୍ରିୟଂ ହିତକରଂ ପ୍ରଭୁମଦ୍ୱୟୈକମ୍ ।
ସୃଷ୍ଟିସ୍ଥିତିପ୍ରଲୟଲୀଲମନନ୍ତଶକ୍ତିମ୍
ନିତ୍ୟଂ ଭଜାମ୍ୟଽମରନାଥମହଂ ଦୟାଲୁମ୍ ॥

ହେ ପାର୍ୱତୀଶ ବୃଷଭଧ୍ୱଜ ଶୂଲପାଣେ
ହେ ନୀଲକଣ୍ଠ ମଦନାନ୍ତକ ଶୁଭ୍ରମୂର୍ତେ ।
ହେ ଭକ୍ତକଲ୍ପତରୁରୂପ ସୁଖୈକସିନ୍ଧୋ
ମାଂ ପାହି ପାହି ଭବତୋଽମରନାଥ ନିତ୍ୟମ୍ ॥

ଇତି ସ୍ୱାମୀ ବରଦାନନ୍ଦଭାରତୀବିରଚିତଂ ଶ୍ରୀଅମରନାଥାଷ୍ଟକଂ ସମ୍ପୂର୍ଣମ୍ ।