ଅର୍ଡାନେଶ୍ୱର ଷ୍ଟୋଟମ୍ | PDF ଓଡିଆ

ଅର୍ଡାନେଶ୍ୱର ଷ୍ଟୋଟମ୍ | ଓଡିଆ Lyrics

|| ଅର୍ଧନାରୀଶ୍ୱରସ୍ତୋତ୍ରମ୍ (Ardhanareeswara Stotram Oriya PDF) ||

ଚାମ୍ପେୟଗୌରାର୍ଧଶରୀରକାୟୈ
କର୍ପୂରଗୌରାର୍ଧଶରୀରକାୟ ।
ଧମ୍ମିଲ୍ଲକାୟୈ ଚ ଜଟାଧରାୟ ନମଃ
ଶିବାୟୈ ଚ ନମଃ ଶିବାୟ ॥

କସ୍ତୂରିକାକୁଙ୍କୁମଚର୍ଚିତାୟୈ
ଚିତାରଜଃପୁଞ୍ଜବିଚର୍ଚିତାୟ ।
କୃତସ୍ମରାୟୈ ବିକୃତସ୍ମରାୟ ନମଃ
ଶିବାୟୈ ଚ ନମଃ ଶିବାୟ ॥

ଝଣତ୍କ୍ୱଣତ୍କଙ୍କଣନୂପୁରାୟୈ
ପାଦାବ୍ଜରାଜତ୍ଫଣିନୂପୁରାୟ ।
ହେମାଙ୍ଗଦାୟୈ ଭୁଜଗାଙ୍ଗଦାୟ
ନମଃ ଶିବାୟୈ ଚ ନମଃ ଶିବାୟ ॥

ବିଶାଲନୀଲୋତ୍ପଲଲୋଚନାୟୈ
ବିକାସିପଙ୍କେରୁହଲୋଚନାୟ ।
ସମେକ୍ଷଣାୟୈ ବିଷମେକ୍ଷଣାୟ ନମଃ
ଶିବାୟୈ ଚ ନମଃ ଶିବାୟ ॥

ମନ୍ଦାରମାଲାକଲିତାଲକାୟୈ
କପାଲମାଲାଙ୍କିତକନ୍ଧରାୟ ।
ଦିବ୍ୟାମ୍ବରାୟୈ ଚ ଦିଗମ୍ବରାୟ
ନମଃ ଶିବାୟୈ ଚ ନମଃ ଶିବାୟ ॥

ଅମ୍ଭୋଧରଶ୍ୟାମଲକୁନ୍ତଲାୟୈ
ତଡିତ୍ପ୍ରଭାତାମ୍ରଜଟାଧରାୟ ।
ନିରୀଶ୍ୱରାୟୈ ନିଖିଲେଶ୍ୱରାୟ
ନମଃ ଶିବାୟୈ ଚ ନମଃ ଶିବାୟ ॥

ପ୍ରପଞ୍ଚସୃଷ୍ଟ୍ୟୁନ୍ମୁଖଲାସ୍ୟକାୟୈ
ସମସ୍ତସଂହାରକତାଣ୍ଡବାୟ ।
ଜଗଜ୍ଜନନ୍ୟୈ ଜଗଦେକପିତ୍ରେ
ନମଃ ଶିବାୟୈ ଚ ନମଃ ଶିବାୟ ॥

ପ୍ରଦୀପ୍ତରତ୍ନୋଜ୍ଜ୍ୱଲକୁଣ୍ଡଲାୟୈ
ସ୍ଫୁରନ୍ମହାପନ୍ନଗଭୂଷଣାୟ ।
ଶିବାନ୍ୱିତାୟୈ ଚ ଶିବାନ୍ୱିତାୟ
ନମଃ ଶିବାୟୈ ଚ ନମଃ ଶିବାୟ ॥

ଏତତ୍ପଠେଦଷ୍ଟକମିଷ୍ଟଦଂ ଯୋ ଭକ୍ତ୍ୟା
ସ ମାନ୍ୟୋ ଭୁବି ଦୀର୍ଘଜୀବୀ ।
ପ୍ରାପ୍ନୋତି ସୌଭାଗ୍ୟମନନ୍ତକାଲଂ
ଭୂୟାତ୍ସଦା ତସ୍ୟ ସମସ୍ତସିଦ୍ଧିଃ ॥

ଇତି ଶ୍ରୀମତ୍ପରମହଂସପରିବ୍ରାଜକାଚାର୍ୟସ୍ୟ
ଶ୍ରୀଗୋବିନ୍ଦଭଗବତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଙ୍କରଭଗବତଃ କୃତୌ
ଅର୍ଧନାରୀଶ୍ୱରସ୍ତୋତ୍ରମ୍ ସମ୍ପୂର୍ଣମ୍ ॥