ಅಷ್ಟ ಮಹಿಷೀ ಕೃಷ್ಣ ಸ್ತೋತ್ರ PDF ಕನ್ನಡ

ಅಷ್ಟ ಮಹಿಷೀ ಕೃಷ್ಣ ಸ್ತೋತ್ರ ಕನ್ನಡ Lyrics

|| ಅಷ್ಟ ಮಹಿಷೀ ಕೃಷ್ಣ ಸ್ತೋತ್ರ ||

ಹೃದ್ಗುಹಾಶ್ರಿತಪಕ್ಷೀಂದ್ರ- ವಲ್ಗುವಾಕ್ಯೈಃ ಕೃತಸ್ತುತೇ.

ತದ್ಗರುತ್ಕಂಧರಾರೂಢ ರುಕ್ಮಿಣೀಶ ನಮೋಽಸ್ತು ತೇ.

ಅತ್ಯುನ್ನತಾಖಿಲೈಃ ಸ್ತುತ್ಯ ಶ್ರುತ್ಯಂತಾತ್ಯಂತಕೀರ್ತಿತ.

ಸತ್ಯಯೋಜಿತಸತ್ಯಾತ್ಮನ್ ಸತ್ಯಭಾಮಾಪತೇ ನಮಃ.

ಜಾಂಬವತ್ಯಾಃ ಕಂಬುಕಂಠಾಲಂಬ- ಜೃಂಭಿಕರಾಂಬುಜ.

ಶಂಭುತ್ರ್ಯಂಬಕಸಂಭಾವ್ಯ ಸಾಂಬತಾತ ನಮೋಽಸ್ತು ತೇ.

ನೀಲಾಯ ವಿಲಸದ್ಭೂಷಾ- ಜಲಯೋಜ್ಜ್ವಾಲಮಾಲಿನೇ.

ಲೋಲಾಲಕೋದ್ಯತ್ಫಾಲಾಯ ಕಾಲಿಂದೀಪತಯೇ ನಮಃ.

ಜೈತ್ರಚಿತ್ರಚರಿತ್ರಾಯ ಶಾತ್ರವಾನೀಕಮೃತ್ಯವೇ.

ಮಿತ್ರಪ್ರಕಾಶಾಯ ನಮೋ ಮಿತ್ರವಿಂದಾಪ್ರಿಯಾಯ ತೇ.

ಬಾಲನೇತ್ರೋತ್ಸವಾನಂತ- ಲೀಲಾಲಾವಣ್ಯಮೂರ್ತಯೇ.

ನೀಲಾಕಾಂತಾಯ ತೇ ಭಕ್ತವಾಲಾಯಾಸ್ತು ನಮೋ ನಮಃ.

ಭದ್ರಾಯ ಸ್ವಜನಾವಿದ್ಯಾನಿದ್ರಾ- ವಿದ್ರವಣಾಯ ವೈ.

ರುದ್ರಾಣೀಭದ್ರಮೂಲಾಯ ಭದ್ರಾಕಾಂತಾಯ ತೇ ನಮಃ.

ರಕ್ಷಿತಾಖಿಲವಿಶ್ವಾಯ ಶಿಕ್ಷಿತಾಖಿಲರಕ್ಷಸೇ.

ಲಕ್ಷಣಾಪತಯೇ ನಿತ್ಯಂ ಭಿಕ್ಷುಶ್ಲಕ್ಷ್ಣಾಯ ತೇ ನಮಃ.