ആത്മേശ്വര പഞ്ചരത്ന സ്തോത്രം PDF മലയാളം

ആത്മേശ്വര പഞ്ചരത്ന സ്തോത്രം മലയാളം Lyrics

|| ആത്മേശ്വര പഞ്ചരത്ന സ്തോത്രം ||

ഷഡാധാരോർധ്വസന്നിഷ്ഠം ഷഡുത്കർഷസ്ഥലേശ്വരം .
ഷട്സഭാരമണം വന്ദേ ഷഡധ്വാരാധനക്ഷമം ..

ശ്രീമത്ശ്രീകുന്ദമൂലസ്ഥലലസിതമഹായോഗപീഠേ നിഷണ്ണഃ
സർവാധാരോ മഹാത്മാഽപ്യനുപമിതമഹാസ്വാദികൈലാസവാസീ .
യസ്യാസ്തേ കാമിനീ യാ നതജനവരദാ യോഗമാതാ മഹേശീ
സോഽവ്യാദാത്മേശ്വരോ മാം ശിവപുരരമണഃ സച്ചിദാനന്ദമൂർതിഃ ..

യോ വേദാന്തവിചിന്ത്യരൂപമഹിമാ യം യാതി സർവം ജഗത്
യേനേദം ഭുവനം ഭൃതം വിധിമുഖാഃ കുർവന്തി യസ്മൈ നമഃ .
യസ്മാത് സമ്പ്രഭവന്തി ഭൂതനികരാഃ യസ്യ സ്മൃതിർമോക്ഷകൃത്
യസ്മിൻ യോഗരതിഃശിവേതി സ മഹാനാത്മേശ്വരഃ പാതു നഃ ..

തുര്യാതീതപദോർധ്വഗം ഗുണപരം സത്താമയം സർവഗം
സംവേദ്യം ശ്രുതിശീർഷകൈരനുപമം സർവാധികം ശാശ്വതം .
ഓങ്കാരാന്തരബിന്ദുമധ്യസദനം ഹ്രീങ്കാരലഭ്യം നുമോ
വ്യോമാകാരശിഖാവിഭാവിമുനിസന്ദൃശ്യം ചിദാത്മേശ്വരം ..

വേദാന്താർഥവിചക്ഷണൈരതിതരാം ബ്രഹ്മേതി യഃ കഥ്യതേഽ-
പ്യന്യൈര്യോഗിജനൈർമഹാപുരുഷ ഇത്യഷ്ടാംഗിഭിശ്ചിന്തിതഃ .
കൈശ്ചില്ലോകവിപത്തികൃത് ത്രിനയനഃശ്രീനീലകണ്ഠഃ സ്മൃതഃ
തം വന്ദേ പരമാത്മനാഥമനിശം കുന്ദദ്രുമാധഃ സ്ഥിതം ..