শ্রী বটুক ভৈরব হৃদয়ম PDF বাংলা

শ্রী বটুক ভৈরব হৃদয়ম বাংলা Lyrics

|| শ্রী বটুক ভৈরব হৃদয়ম ||

পূর্বপীঠিকা

কৈলাশশিখরাসীনং দেবদেবং জগদ্গুরুম্ ।
দেবী পপ্রচ্ছ সর্বজ্ঞং শঙ্করং বরদং শিবম্ ॥ ১॥

॥ শ্রীদেব্যুবাচ ॥

দেবদেব পরেশান ভক্ত্তাভীষ্টপ্রদায়ক ।
প্রব্রূহি মে মহাভাগ গোপ্যং যদ্যপি ন প্রভো ॥ ২॥

বটুকস্যৈব হৃদয়ং সাধকানাং হিতায় চ ।

॥ শ্রীশিব উবাচ ॥

শৃণু দেবি প্রবক্ষ্যামি হৃদয়ং বটুকস্য চ ॥ ৩॥

গুহ্যাদ্গুহ্যতরং গুহ্যং তচ্ছৃণুষ্ব তু মধ্যমে ।
হৃদয়াস্যাস্য দেবেশি বৃহদারণ্যকো ঋষিঃ ॥ ৪॥

ছন্দোঽনুষ্টুপ্ সমাখ্যাতো দেবতা বটুকঃ স্মৃতঃ ।
প্রয়োগাভীষ্টসিদ্ধয়র্থং বিনিয়োগঃ প্রকীর্তিতঃ ॥ ৫॥

॥ সবিধি হৃদয়স্তোত্রস্য বিনিয়োগঃ ॥

ওঁ অস্য শ্রীবটুকভৈরবহৃদয়স্তোত্রস্য শ্রীবৃহদারণ্যক ঋষিঃ ।
অনুষ্টুপ্ ছন্দঃ । শ্রীবটুকভৈরবঃ দেবতা ।
অভীষ্টসিদ্ধ্যর্থং পাঠে বিনিয়োগঃ ॥

॥ অথ ঋষ্যাদিন্যাসঃ ॥

শ্রী বৃহদারণ্যকঋষয়ে নমঃ শিরসি ।
অনুষ্টুপ্ছন্দসে নমঃ মুখে ।
শ্রীবটুকভৈরবদেবতায়ৈ নমঃ হৃদয়ে ।
অভীষ্টসিদ্ধ্যর্থং পাঠে বিনিয়োগায় নমঃ সর্বাঙ্গে ॥

॥ ইতি ঋষ্যাদিন্যাসঃ ॥

ওঁ প্রণবেশঃ শিরঃ পাতু ললাটে প্রমথাধিপঃ ।
কপোলৌ কামবপুষো ভ্রূভাগে ভৈরবেশ্বরঃ ॥ ১॥

নেত্রয়োর্বহ্নিনয়নো নাসিকায়ামঘাপহঃ ।
ঊর্ধ্বোষ্ঠে দীর্ঘনয়নো হ্যধরোষ্ঠে ভয়াশনঃ ॥ ২॥

চিবুকে ভালনয়নো গণ্ডয়োশ্চন্দ্রশেখরঃ ।
মুখান্তরে মহাকালো ভীমাক্ষো মুখমণ্ডলে ॥ ৩॥

গ্রীবায়াং বীরভদ্রোঽব্যাদ্ ঘণ্টিকায়াং মহোদরঃ ।
নীলকণ্ঠো গণ্ডদেশে জিহ্বায়াং ফণিভূষণঃ ॥ ৪॥

দশনে বজ্রদশনো তালুকে হ্যমৃতেশ্বরঃ ।
দোর্দণ্ডে বজ্রদণ্ডো মে স্কন্ধয়োঃ স্কন্দবল্লভঃ ॥ ৫॥

কূর্পরে কঞ্জনয়নো ফণৌ ফেৎকারিণীপতিঃ ।
অঙ্গুলীষু মহাভীমো নখেষু অঘহাঽবতু ॥ ৬॥

কক্ষে ব্যাঘ্রাসনো পাতু কট্যাং মাতঙ্গচর্মণী ।
কুক্ষৌ কামেশ্বরঃ পাতু বস্তিদেশে স্মরান্তকঃ ॥ ৭॥

শূলপাণির্লিঙ্গদেশে গুহ্যে গুহ্যেশ্বরোঽবতু ।
জঙ্ঘায়াং বজ্রদমনো জঘনে জৃম্ভকেশ্বরঃ ॥ ৮॥

পাদৌ জ্ঞানপ্রদঃ পাতু ধনদশ্চাঙ্গুলীষু চ ।
দিগ্বাসো রোমকূপেষু সন্ধিদেশে সদাশিবঃ ॥ ৯॥

পূর্বাশাং কামপীঠস্থঃ উড্ডীশস্থোঽগ্নিকোণকে ।
যাম্যাং জালন্ধরস্থো মে নৈরৃত্যাং কোটিপীঠগঃ ॥ ১০॥

বারুণ্যাং বজ্রপীঠস্থো বায়ব্যাং কুলপীঠগঃ ।
উদীচ্যাং বাণপীঠস্থঃ ঐশান্যামিন্দুপীঠগঃ ॥ ১১॥

ঊর্ধ্বং বীজেন্দ্রপীঠস্থঃ খেটস্থো ভূতলোঽবতু ।
রুরুঃ শয়ানেঽবতু মাং চণ্ডো বাদে সদাঽবতু ॥ ১২॥

গমনে তীব্রনয়নঃ আসীনে ভূতবল্লভঃ ।
যুদ্ধকালে মহাভীমো ভয়কালে ভবান্তকঃ ॥ ১৩॥

রক্ষ রক্ষ পরেশান ভীমদংষ্ট্র ভয়াপহ ।
মহাকাল মহাকাল রক্ষ মাং কালসঙ্কটাৎ ॥ ১৪॥

॥ ফলশ্রুতিঃ ॥

ইতীদং হৃদয়ং দিব্যং সর্বপাপপ্রণাশনম্ ।
সর্বসম্পৎপ্রদং ভদ্রে সর্বসিদ্ধিফলপ্রদম্ ॥

॥ ইতি শ্রীবটুকভৈরবহৃদয়স্তোত্রং সম্পূর্ণম্ ॥