ಭಯಹಾರಕ ಶಿವ ಸ್ತೋತ್ರ PDF ಕನ್ನಡ

ಭಯಹಾರಕ ಶಿವ ಸ್ತೋತ್ರ ಕನ್ನಡ Lyrics

|| ಭಯಹಾರಕ ಶಿವ ಸ್ತೋತ್ರ ||

ವ್ಯೋಮಕೇಶಂ ಕಾಲಕಾಲಂ ವ್ಯಾಲಮಾಲಂ ಪರಾತ್ಪರಂ|

ದೇವದೇವಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಶೂಲಹಸ್ತಂ ಕೃಪಾಪೂರ್ಣಂ ವ್ಯಾಘ್ರಚರ್ಮಾಂಬರಂ ಶಿವಂ|

ವೃಷಾರೂಢಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಅಷ್ಟಮೂರ್ತಿಂ ಮಹಾದೇವಂ ವಿಶ್ವನಾಥಂ ಜಟಾಧರಂ|

ಪಾರ್ವತೀಶಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಸುರಾಸುರೈಶ್ಚ ಯಕ್ಷಶ್ಚ ಸಿದ್ಧೈಶ್ಚಾಽಪಿ ವಿವಂದಿತಂ|

ಮೃತ್ಯುಂಜಯಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ನಂದೀಶಮಕ್ಷರಂ ದೇವಂ ಶರಣಾಗತವತ್ಸಲಂ|

ಚಂದ್ರಮೌಲಿಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಲೋಹಿತಾಕ್ಷಂ ಭವಾಂಬೋಧಿತಾರಕಂ ಸೂರ್ಯತೇಜಸಂ|

ಶಿತಿಕಂಠಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಶಂಕರಂ ಲೋಕಪಾಲಂ ಚ ಸುಂದರಂ ಭಸ್ಮಧಾರಿಣಂ|

ವಾಮದೇವಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ತ್ರಿನೇತ್ರಂ ತ್ರಿಪುರಧ್ವಾಂತಧ್ವಂಸಿನಂ ವಿಶ್ವರೂಪಿಣಂ|

ವಿರೂಪಾಕ್ಷಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಕೈಲಾಸಶೈಲನಿಲಯಂ ತಪಃಸಕ್ತಂ ಪಿನಾಕಿನಂ|

ಕಂಠೇಕಾಲಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಪ್ರೀತಾತ್ಮಾನಂ ಮಹೈಶ್ವರ್ಯದಾನಂ ನಿರ್ವಾಣರೂಪಿಣಂ|

ಗಂಗಾಧರಂ ಪ್ರಪನ್ನೋಽಸ್ಮಿ ಕಥಂ ಮೇ ಜಾಯತೇ ಭಯಂ|

ಯ ಇದಂ ಸ್ತೋತ್ರರತ್ನಾಖ್ಯಂ ಶಿವಸ್ಯ ಭಯಹಾರಕಂ|

ಪಠೇದನುದಿನಂ ಧೀಮಾನ್ ತಸ್ಯ ನಾಸ್ತಿ ಭಯಂ ಭುವಿ|