ಶ್ರೀ ಶಿವ ಸ್ತುತಿಃ (ದೇವಾಚಾರ್ಯ ಕೃತಂ) PDF ಕನ್ನಡ

ಶ್ರೀ ಶಿವ ಸ್ತುತಿಃ (ದೇವಾಚಾರ್ಯ ಕೃತಂ) ಕನ್ನಡ Lyrics

|| ಶ್ರೀ ಶಿವ ಸ್ತುತಿಃ (ದೇವಾಚಾರ್ಯ ಕೃತಂ) ||

ಆಂಗೀರಸ ಉವಾಚ
ಜಯ ಶಂಕರ ಶಾಂತಶಶಾಂಕರುಚೇ
ರುಚಿರಾರ್ಥದ ಸರ್ವದ ಸರ್ವಶುಚೇ |
ಶುಚಿದತ್ತಗೃಹೀತ ಮಹೋಪಹೃತೇ
ಹೃತಭಕ್ತಜನೋದ್ಧತತಾಪತತೇ || ೧ ||

ತತ ಸರ್ವಹೃದಂಬರ ವರದನತೇ
ನತ ವೃಜಿನ ಮಹಾವನದಾಹಕೃತೇ |
ಕೃತವಿವಿಧಚರಿತ್ರತನೋ ಸುತನ
ಽತನು ವಿಶಿಖವಿಶೋಷಣ ಧೈರ್ಯನಿಧೇ || ೨ ||

ನಿಧನಾದಿವಿವರ್ಜಿತಕೃತನತಿ ಕ
ತ್ಕೃತಿ ವಿಹಿತ ಮನೋರಥ ಪನ್ನಗಭೃತ್ |
ನಗಭರ್ತೃನುತಾರ್ಪಿತ ವಾಮನವಪು-
ಸ್ಸ್ವವಪುಃಪರಿಪೂರಿತ ಸರ್ವಜಗತ್ || ೩ ||

ತ್ರಿಜಗನ್ಮಯರೂಪ ವಿರೂಪ ಸುದೃ
ಗ್ದೃಗುದಂಚನ ಕುಂಚನಕೃತ ಹುತಭುಕ್ |
ಭವ ಭೂತಪತೇ ಪ್ರಮಥೈಕಪತೇ
ಪತಿತೇಷ್ವಪಿ ದತ್ತಕರ ಪ್ರಸೃತೇ || ೪ ||

ಪ್ರಸೃತಾಖಿಲ ಭೂತಲ ಸಂವರಣ
ಪ್ರಣವಧ್ವನಿಸೌಧ ಸುಧಾಂಶುಧರ |
ಧರರಾಜ ಕುಮಾರಿಕಯಾ ಪರಯಾ
ಪರಿತಃ ಪರಿತುಷ್ಟನತೋಸ್ಮಿ ಶಿವ || ೫ ||

ಶಿವ ದೇವ ಗಿರೀಶ ಮಹೇಶ ವಿಭೋ
ವಿಭವಪ್ರದ ಶರ್ವ ಶಿವೇಶ ಮೃಡ |
ಮೃಡಯೋಡುಪತಿಧ್ರಜಗತ್ತ್ರಿತಯಂ
ಕೃತಯಂತ್ರಣಭಕ್ತಿ ವಿಘಾತಕೃತಾಮ್ || ೬ ||

ನ ಕೃತಾಂ ತತ ಏಷ ಬಿಭೇಮಿ ಹರ
ಪ್ರಹರಾಶು ಮಮಾಘಮಮೋಘಮತೇ |
ನಮತಾಂತರಮನ್ಯದವೈಮಿ ಶಿವಂ
ಶಿವಪಾದನತೇಃ ಪ್ರಣತೋಽಸ್ಮಿತತಃ || ೭ ||

ವಿತತೇತ್ರ ಜಗತ್ಯಖಿಲಾಘಹರ
ಹರತೋಷಣಮೇವ ಪರಂಗುಣವತ್ |
ಗುಣಹೀನಮಹೀನಮಹಾವಲಯಂ
ಲಯಪಾವಕಮೀಶನತೋಸ್ಮಿ ತತಃ || ೮ ||

ಇತಿ ಸ್ತುತ್ವಾ ಮಹಾದೇವಂ ವಿರರಾಮಾಂಗಿರಸ್ಸುತಃ |
ವ್ಯತರಚ್ಚ ಮಹಾದೇವಸ್ಸ್ತುತ್ಯಾ ತುಷ್ಟೋ ವರಾನ್ಬಹೂನ್ || ೯ ||

ಶ್ರೀಮಹಾದೇವ ಉವಾಚ
ಬೃಹತಾ ತಪಸಾನೇನ ಬೃಹತಾಂ ಪತಿರಸ್ಯಹೋ |
ನಾಮ್ನಾ ಬೃಹಸ್ಪತಿರಿತಿ ಗ್ರಹೇಷ್ವರ್ಚ್ಯೋ ಭವ ದ್ವಿಜ || ೧೦ ||

ಅಸ್ಮಾಲ್ಲಿಂಗಾರ್ಚನಾನ್ನಿತ್ಯಂ ಜೀವಭೂತೋಸಿ ಮೇ ಯತಃ |
ಅತೋಜೀವ ಇತಿ ಖ್ಯಾತಿಂ ತ್ರಿಷು ಲೋಕೇಷು ಯಾಸ್ಯಸಿ || ೧೧ ||

ವಾಚಾಂ ಪ್ರಪಂಚೈಶ್ಚತುರೈರ್ನಿಷ್ಪ್ರಪಂಚಂ ಯತಸ್ಸ್ತುತಃ |
ಅತೋ ವಾಚಾಂ ಪ್ರಪಂಚಸ್ಯ ಪತಿರ್ವಾಚಸ್ಪತಿರ್ಭವ || ೧೨ ||

ಅಸ್ಯ ಸ್ತೋತ್ರಸ್ಯ ಪಠನಾದವಾತಿಷ್ಠತಿ ಯಃ ಪುಮಾನ್ |
ತಸ್ಯ ಸ್ಯಾತ್ಸಂಸ್ಕೃತಾ ವಾಣೀ ತ್ರಿಭಿರ್ವರ್ಷೈ-ಸ್ತ್ರಿಕಾಲತಃ || ೧೩ ||

ಇತಿ ಶ್ರೀ ದೇವಾಚಾರ್ಯ ಕೃತ ಶಿವ ಸ್ತೋತ್ರಮ್ |