ಶ್ರೀ ಕಾಳೀ ಕವಚಂ (ಜಗನ್ಮಂಗಳಂ) PDF ಕನ್ನಡ

ಶ್ರೀ ಕಾಳೀ ಕವಚಂ (ಜಗನ್ಮಂಗಳಂ) ಕನ್ನಡ Lyrics

|| ಶ್ರೀ ಕಾಳೀ ಕವಚಂ (ಜಗನ್ಮಂಗಳಂ) ||

ಭೈರವ್ಯುವಾಚ |
ಕಾಳೀಪೂಜಾ ಶ್ರುತಾ ನಾಥ ಭಾವಾಶ್ಚ ವಿವಿಧಾಃ ಪ್ರಭೋ |
ಇದಾನೀಂ ಶ್ರೋತುಮಿಚ್ಛಾಮಿ ಕವಚಂ ಪೂರ್ವಸೂಚಿತಮ್ || ೧ ||

ತ್ವಮೇವ ಶರಣಂ ನಾಥ ತ್ರಾಹಿ ಮಾಂ ದುಃಖಸಂಕಟಾತ್ |
ಸರ್ವದುಃಖಪ್ರಶಮನಂ ಸರ್ವಪಾಪಪ್ರಣಾಶನಮ್ || ೨ ||

ಸರ್ವಸಿದ್ಧಿಪ್ರದಂ ಪುಣ್ಯಂ ಕವಚಂ ಪರಮಾದ್ಭುತಮ್ |
ಅತೋ ವೈ ಶ್ರೋತುಮಿಚ್ಛಾಮಿ ವದ ಮೇ ಕರುಣಾನಿಧೇ || ೩ ||

ಶ್ರೀ ಭೈರವ ಉವಾಚ |
ರಹಸ್ಯಂ ಶೃಣು ವಕ್ಷ್ಯಾಮಿ ಭೈರವಿ ಪ್ರಾಣವಲ್ಲಭೇ |
ಶ್ರೀಜಗನ್ಮಂಗಳಂ ನಾಮ ಕವಚಂ ಮಂತ್ರವಿಗ್ರಹಮ್ || ೪ ||

ಪಠಿತ್ವಾ ಧಾರಯಿತ್ವಾ ಚ ತ್ರೈಲೋಕ್ಯಂ ಮೋಹಯೇತ್ ಕ್ಷಣಾತ್ |
ನಾರಾಯಣೋಽಪಿ ಯದ್ಧೃತ್ವಾ ನಾರೀ ಭೂತ್ವಾ ಮಹೇಶ್ವರಮ್ || ೫ ||

ಯೋಗಿನಂ ಕ್ಷೋಭಮನಯದ್ಯದ್ಧೃತ್ವಾ ಚ ರಘೂದ್ವಹಃ |
ವರದೀಪ್ತಾಂ ಜಘಾನೈವ ರಾವಣಾದಿನಿಶಾಚರಾನ್ || ೬ ||

ಯಸ್ಯ ಪ್ರಸಾದಾದೀಶೋಽಪಿ ತ್ರೈಲೋಕ್ಯವಿಜಯೀ ಪ್ರಭುಃ |
ಧನಾಧಿಪಃ ಕುಬೇರೋಽಪಿ ಸುರೇಶೋಽಭೂಚ್ಛಚೀಪತಿಃ || ೭ ||

ಏವಂ ಚ ಸಕಲಾ ದೇವಾಃ ಸರ್ವಸಿದ್ಧೀಶ್ವರಾಃ ಪ್ರಿಯೇ |
ಶ್ರೀಜಗನ್ಮಂಗಳಸ್ಯಾಸ್ಯ ಕವಚಸ್ಯ ಋಷಿಃ ಶಿವಃ || ೮ ||

ಛಂದೋಽನುಷ್ಟುಪ್ ದೇವತಾ ಚ ಕಾಳಿಕಾ ದಕ್ಷಿಣೇರಿತಾ |
ಜಗತಾಂ ಮೋಹನೇ ದುಷ್ಟವಿಜಯೇ ಭುಕ್ತಿಮುಕ್ತಿಷು |
ಯೋವಿದಾಕರ್ಷಣೇ ಚೈವ ವಿನಿಯೋಗಃ ಪ್ರಕೀರ್ತಿತಃ || ೯ ||

ಅಥ ಕವಚಮ್ |
ಶಿರೋ ಮೇ ಕಾಳಿಕಾ ಪಾತು ಕ್ರೀಂಕಾರೈಕಾಕ್ಷರೀ ಪರಾ |
ಕ್ರೀಂ ಕ್ರೀಂ ಕ್ರೀಂ ಮೇ ಲಲಾಟಂ ಚ ಕಾಳಿಕಾ ಖಡ್ಗಧಾರಿಣೀ || ೧೦ ||

ಹೂಂ ಹೂಂ ಪಾತು ನೇತ್ರಯುಗ್ಮಂ ಹ್ರೀಂ ಹ್ರೀಂ ಪಾತು ಶ್ರುತಿದ್ವಯಮ್ |
ದಕ್ಷಿಣೇ ಕಾಳಿಕೇ ಪಾತು ಘ್ರಾಣಯುಗ್ಮಂ ಮಹೇಶ್ವರೀ || ೧೧ ||

ಕ್ರೀಂ ಕ್ರೀಂ ಕ್ರೀಂ ರಸನಾಂ ಪಾತು ಹೂಂ ಹೂಂ ಪಾತು ಕಪೋಲಕಮ್ |
ವದನಂ ಸಕಲಂ ಪಾತು ಹ್ರೀಂ ಹ್ರೀಂ ಸ್ವಾಹಾ ಸ್ವರೂಪಿಣೀ || ೧೨ ||

ದ್ವಾವಿಂಶತ್ಯಕ್ಷರೀ ಸ್ಕಂಧೌ ಮಹಾವಿದ್ಯಾಖಿಲಪ್ರದಾ |
ಖಡ್ಗಮುಂಡಧರಾ ಕಾಳೀ ಸರ್ವಾಂಗಮಭಿತೋಽವತು || ೧೩ ||

ಕ್ರೀಂ ಹೂಂ ಹ್ರೀಂ ತ್ರ್ಯಕ್ಷರೀ ಪಾತು ಚಾಮುಂಡಾ ಹೃದಯಂ ಮಮ |
ಐಂ ಹೂಂ ಓಂ ಐಂ ಸ್ತನದ್ವಂದ್ವಂ ಹ್ರೀಂ ಫಟ್ ಸ್ವಾಹಾ ಕಕುತ್ಸ್ಥಲಮ್ || ೧೪ ||

ಅಷ್ಟಾಕ್ಷರೀ ಮಹಾವಿದ್ಯಾ ಭುಜೌ ಪಾತು ಸಕರ್ತೃಕಾ |
ಕ್ರೀಂ ಕ್ರೀಂ ಹೂಂ ಹೂಂ ಹ್ರೀಂ ಹ್ರೀಂ ಪಾತು ಕರೌ ಷಡಕ್ಷರೀ ಮಮ || ೧೫ ||

ಕ್ರೀಂ ನಾಭಿಂ ಮಧ್ಯದೇಶಂ ಚ ದಕ್ಷಿಣೇ ಕಾಳಿಕೇಽವತು |
ಕ್ರೀಂ ಸ್ವಾಹಾ ಪಾತು ಪೃಷ್ಠಂ ಚ ಕಾಳಿಕಾ ಸಾ ದಶಾಕ್ಷರೀ || ೧೬ ||

ಕ್ರೀಂ ಮೇ ಗುಹ್ಯಂ ಸದಾ ಪಾತು ಕಾಳಿಕಾಯೈ ನಮಸ್ತತಃ |
ಸಪ್ತಾಕ್ಷರೀ ಮಹಾವಿದ್ಯಾ ಸರ್ವತಂತ್ರೇಷು ಗೋಪಿತಾ || ೧೭ ||

ಹ್ರೀಂ ಹ್ರೀಂ ದಕ್ಷಿಣೇ ಕಾಳಿಕೇ ಹೂಂ ಹೂಂ ಪಾತು ಕಟಿದ್ವಯಮ್ |
ಕಾಳೀ ದಶಾಕ್ಷರೀ ವಿದ್ಯಾ ಸ್ವಾಹಾಂತಾ ಚೋರುಯುಗ್ಮಕಮ್ || ೧೮ ||

ಓಂ ಹ್ರೀಂ ಕ್ರೀಂ ಮೇ ಸ್ವಾಹಾ ಪಾತು ಜಾನುನೀ ಕಾಳಿಕಾ ಸದಾ |
ಕಾಳೀ ಹೃನ್ನಾಮವಿಧೇಯಂ ಚತುರ್ವರ್ಗಫಲಪ್ರದಾ || ೧೯ ||

ಕ್ರೀಂ ಹೂಂ ಹ್ರೀಂ ಪಾತು ಸಾ ಗುಲ್ಫಂ ದಕ್ಷಿಣೇ ಕಾಳಿಕೇಽವತು |
ಕ್ರೀಂ ಹೂಂ ಹ್ರೀಂ ಸ್ವಾಹಾ ಪದಂ ಪಾತು ಚತುರ್ದಶಾಕ್ಷರೀ ಮಮ || ೨೦ ||

ಖಡ್ಗಮುಂಡಧರಾ ಕಾಳೀ ವರದಾಭಯಧಾರಿಣೀ |
ವಿದ್ಯಾಭಿಃ ಸಕಲಾಭಿಃ ಸಾ ಸರ್ವಾಂಗಮಭಿತೋಽವತು || ೨೧ ||

ಕಾಳೀ ಕಪಾಲಿನೀ ಕುಲ್ಲಾ ಕುರುಕುಲ್ಲಾ ವಿರೋಧಿನೀ |
ವಿಪ್ರಚಿತ್ತಾ ತಥೋಗ್ರೋಗ್ರಪ್ರಭಾ ದೀಪ್ತಾ ಘನತ್ವಿಷಃ || ೨೨ ||

ನೀಲಾ ಘನಾ ಬಲಾಕಾ ಚ ಮಾತ್ರಾ ಮುದ್ರಾ ಮಿತಾ ಚ ಮಾಮ್ |
ಏತಾಃ ಸರ್ವಾಃ ಖಡ್ಗಧರಾ ಮುಂಡಮಾಲಾವಿಭೂಷಣಾಃ || ೨೩ ||

ರಕ್ಷಂತು ಮಾಂ ದಿಗ್ವಿದಿಕ್ಷು ಬ್ರಾಹ್ಮೀ ನಾರಾಯಣೀ ತಥಾ |
ಮಾಹೇಶ್ವರೀ ಚ ಚಾಮುಂಡಾ ಕೌಮಾರೀ ಚಾಽಪರಾಜಿತಾ || ೨೪ ||

ವಾರಾಹೀ ನಾರಸಿಂಹೀ ಚ ಸರ್ವಾಶ್ರಯಾತಿಭೂಷಣಾಃ |
ರಕ್ಷಂತು ಸ್ವಾಯುಧೇರ್ದಿಕ್ಷುಃ ದಶಕಂ ಮಾಂ ಯಥಾ ತಥಾ || ೨೫ ||

ಇತಿ ತೇ ಕಥಿತಂ ದಿವ್ಯಂ ಕವಚಂ ಪರಮಾದ್ಭುತಮ್ |
ಶ್ರೀಜಗನ್ಮಂಗಳಂ ನಾಮ ಮಹಾಮಂತ್ರೌಘವಿಗ್ರಹಮ್ || ೨೬ ||

ತ್ರೈಲೋಕ್ಯಾಕರ್ಷಣಂ ಬ್ರಹ್ಮಕವಚಂ ಮನ್ಮುಖೋದಿತಮ್ |
ಗುರುಪೂಜಾಂ ವಿಧಾಯಾಥ ವಿಧಿವತ್ ಪ್ರಪಠೇತ್ತತಃ || ೨೭ ||

ಕವಚಂ ತ್ರಿಃಸಕೃದ್ವಾಪಿ ಯಾವಜ್ಜ್ಞಾನಂ ಚ ವಾ ಪುನಃ |
ಏತಚ್ಛತಾರ್ಧಮಾವೃತ್ಯ ತ್ರೈಲೋಕ್ಯವಿಜಯೀ ಭವೇತ್ || ೨೮ ||

ತ್ರೈಲೋಕ್ಯಂ ಕ್ಷೋಭಯತ್ಯೇವ ಕವಚಸ್ಯ ಪ್ರಸಾದತಃ |
ಮಹಾಕವಿರ್ಭವೇನ್ಮಾಸಾತ್ ಸರ್ವಸಿದ್ಧೀಶ್ವರೋ ಭವೇತ್ || ೨೯ ||

ಪುಷ್ಪಾಂಜಲೀನ್ ಕಾಳಿಕಾಯೈ ಮೂಲೇನೈವ ಪಠೇತ್ ಸಕೃತ್ |
ಶತವರ್ಷಸಹಸ್ರಾಣಾಂ ಪೂಜಾಯಾಃ ಫಲಮಾಪ್ನುಯಾತ್ || ೩೦ ||

ಭೂರ್ಜೇ ವಿಲಿಖಿತಂ ಚೈತತ್ ಸ್ವರ್ಣಸ್ಥಂ ಧಾರಯೇದ್ಯದಿ |
ಶಿಖಾಯಾಂ ದಕ್ಷಿಣೇ ಬಾಹೌ ಕಂಠೇ ವಾ ಧಾರಣಾದ್ಬುಧಃ || ೩೧ ||

ತ್ರೈಲೋಕ್ಯಂ ಮೋಹಯೇತ್ ಕ್ರೋಧಾತ್ ತ್ರೈಲೋಕ್ಯಂ ಚೂರ್ಣಯೇತ್ ಕ್ಷಣಾತ್ |
ಪುತ್ರವಾನ್ ಧನವಾನ್ ಶ್ರೀಮಾನ್ ನಾನಾವಿದ್ಯಾನಿಧಿರ್ಭವೇತ್ || ೩೨ ||

ಬ್ರಹ್ಮಾಸ್ತ್ರಾದೀನಿ ಶಸ್ತ್ರಾಣಿ ತದ್ಗಾತ್ರಸ್ಪರ್ಶನಾತ್ತತಃ |
ನಾಶಮಾಯಾಂತಿ ಸರ್ವತ್ರ ಕವಚಸ್ಯಾಸ್ಯ ಕೀರ್ತನಾತ್ || ೩೩ ||

ಮೃತವತ್ಸಾ ಚ ಯಾ ನಾರೀ ವಂಧ್ಯಾ ವಾ ಮೃತಪುತ್ರಿಣೀ |
ಬಹ್ವಪತ್ಯಾ ಜೀವವತ್ಸಾ ಭವತ್ಯೇವ ನ ಸಂಶಯಃ || ೩೪ ||

ನ ದೇಯಂ ಪರಶಿಷ್ಯೇಭ್ಯೋ ಹ್ಯಭಕ್ತೇಭ್ಯೋ ವಿಶೇಷತಃ |
ಶಿಷ್ಯೇಭ್ಯೋ ಭಕ್ತಿಯುಕ್ತೇಭ್ಯೋ ಹ್ಯನ್ಯಥಾ ಮೃತ್ಯುಮಾಪ್ನುಯಾತ್ || ೩೫ ||

ಸ್ಪರ್ಧಾಮುದ್ಧೂಯ ಕಮಲಾ ವಾಗ್ದೇವೀ ಮಂದಿರೇ ಮುಖೇ |
ಪೌತ್ರಾಂತಂ ಸ್ಥೈರ್ಯಮಾಸ್ಥಾಯ ನಿವಸತ್ಯೇವ ನಿಶ್ಚಿತಮ್ || ೩೬ ||

ಇದಂ ಕವಚಮಜ್ಞಾತ್ವಾ ಯೋ ಜಪೇದ್ದಕ್ಷಕಾಳಿಕಾಮ್ |
ಶತಲಕ್ಷಂ ಪ್ರಜಪ್ತ್ವಾಪಿ ತಸ್ಯ ವಿದ್ಯಾ ನ ಸಿದ್ಧ್ಯತಿ || ೩೭ ||

ಸಹಸ್ರಘಾತಮಾಪ್ನೋತಿ ಸೋಽಚಿರಾನ್ಮೃತ್ಯುಮಾಪ್ನುಯಾತ್ |
ಜಪೇದಾದೌ ಜಪೇದಂತೇ ಸಪ್ತವಾರಾಣ್ಯನುಕ್ರಮಾತ್ || ೩೮ ||

ನೋಧೃತ್ಯ ಯತ್ರ ಕುತ್ರಾಪಿ ಗೋಪನೀಯಂ ಪ್ರಯತ್ನತಃ |
ಲಿಖಿತ್ವಾ ಸ್ವರ್ಣಪಾತ್ರೇ ವೈ ಪೂಜಾಕಾಲೇ ತು ಸಾಧಕಃ |
ಮೂರ್ಧ್ನಿಂ ಧಾರ್ಯ ಪ್ರಯತ್ನೇನ ವಿದ್ಯಾರತ್ನಂ ಪ್ರಪೂಜಯೇತ್ || ೩೯ ||

ಇತಿ ಶ್ರೀ ಕಾಳೀ ಜಗನ್ಮಂಗಳ ಕವಚ ಸ್ತೋತ್ರಮ್ |