மீனாக்ஷீ ஸ்தோத்ரம் PDF தமிழ்

மீனாக்ஷீ ஸ்தோத்ரம் தமிழ் Lyrics

|| மீனாக்ஷீ ஸ்தோத்ரம் ||

ஶ்ரீவித்³யே ஶிவவாமபா⁴க³நிலயே ஶ்ரீராஜராஜார்சிதே
ஶ்ரீநாதா²தி³கு³ருஸ்வரூபவிப⁴வே சிந்தாமணீபீடி²கே ।
ஶ்ரீவாணீகி³ரிஜாநுதாங்க்⁴ரிகமலே ஶ்ரீஶாம்ப⁴வி ஶ்ரீஶிவே
மத்⁴யாஹ்நே மலயத்⁴வஜாதி⁴பஸுதே மாம் பாஹி மீநாம்பி³கே ॥ 1 ॥

சக்ரஸ்தே²(அ)சபலே சராசரஜக³ந்நாதே² ஜக³த்பூஜிதே
ஆர்தாலீவரதே³ நதாப⁴யகரே வக்ஷோஜபா⁴ராந்விதே ।
வித்³யே வேத³கலாபமௌளிவிதி³தே வித்³யுல்லதாவிக்³ரஹே
மாத꞉ பூர்ணஸுதா⁴ரஸார்த்³ரஹ்ருத³யே மாம் பாஹி மீநாம்பி³கே ॥ 2 ॥

கோடீராங்க³த³ரத்நகுண்ட³லத⁴ரே கோத³ண்ட³பா³ணாஞ்சிதே
கோகாகாரகுசத்³வயோபரிலஸத்ப்ராளம்ப³ஹாராஞ்சிதே ।
ஶிஞ்ஜந்நூபுரபாத³ஸாரஸமணீஶ்ரீபாது³காலங்க்ருதே
மத்³தா³ரித்³ர்யபு⁴ஜங்க³கா³ருட³க²கே³ மாம் பாஹி மீநாம்பி³கே ॥ 3 ॥

ப்³ரஹ்மேஶாச்யுதகீ³யமாநசரிதே ப்ரேதாஸநாந்தஸ்தி²தே
பாஶோத³ங்குஶசாபபா³ணகலிதே பா³லேந்து³சூடா³ஞ்சிதே ।
பா³லே பா³லகுரங்க³ளோலநயநே பா³லார்ககோட்யுஜ்ஜ்வலே
முத்³ராராதி⁴ததை³வதே முநிஸுதே மாம் பாஹி மீநாம்பி³கே ॥ 4 ॥

க³ந்த⁴ர்வாமரயக்ஷபந்நக³நுதே க³ங்கா³த⁴ராளிங்கி³தே
கா³யத்ரீக³ருடா³ஸநே கமலஜே ஸுஶ்யாமளே ஸுஸ்தி²தே ।
கா²தீதே க²லதா³ருபாவகஶிகே² க²த்³யோதகோட்யுஜ்ஜ்வலே
மந்த்ராராதி⁴ததை³வதே முநிஸுதே மாம் பாஹீ மீநாம்பி³கே ॥ 5 ॥

நாதே³ நாரத³தும்பு³ராத்³யவிநுதே நாதா³ந்தநாதா³த்மிகே
நித்யே நீலலதாத்மிகே நிருபமே நீவாரஶூகோபமே ।
காந்தே காமகலே கத³ம்ப³நிலயே காமேஶ்வராங்கஸ்தி²தே
மத்³வித்³யே மத³பீ⁴ஷ்டகல்பலதிகே மாம் பாஹி மீநாம்பி³கே ॥ 6 ॥

வீணாநாத³நிமீலிதார்த⁴நயநே விஸ்ரஸ்தசூலீப⁴ரே
தாம்பூ³லாருணபல்லவாத⁴ரயுதே தாடங்கஹாராந்விதே ।
ஶ்யாமே சந்த்³ரகலாவதம்ஸகலிதே கஸ்தூரிகாபா²லிகே
பூர்ணே பூர்ணகலாபி⁴ராமவத³நே மாம் பாஹி மீநாம்பி³கே ॥ 7 ॥

ஶப்³த³ப்³ரஹ்மமயீ சராசரமயீ ஜ்யோதிர்மயீ வாங்மயீ
நித்யாநந்த³மயீ நிரஞ்ஜநமயீ தத்த்வம்மயீ சிந்மயீ ।
தத்த்வாதீதமயீ பராத்பரமயீ மாயாமயீ ஶ்ரீமயீ
ஸர்வைஶ்வர்யமயீ ஸதா³ஶிவமயீ மாம் பாஹி மீநாம்பி³கே ॥ 8 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ மீநாக்ஷீ ஸ்தோத்ரம் ।