ശ്രീമൻ ന്യായസുധാസ്തോത്രം PDF മലയാളം

ശ്രീമൻ ന്യായസുധാസ്തോത്രം മലയാളം Lyrics

|| ശ്രീമൻ ന്യായസുധാസ്തോത്രം ||

യദു താപസലഭ്യമനന്തഭവൈസ്ദുതോ പരതത്ത്വമിഹൈകപദാത് .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 1..

വിഹിതം ക്രിയതേ നനു യസ്യ കൃതേ സ ച ഭക്തിഗുണോ യദിഹൈകപദാത് .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 2..

വനവാസമുഖം യദവാപ്തിഫലം തദനാരതമത്ര ഹരിസ്മരണം .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 3..

നിഗമൈരവിഭാവ്യമിദം വസു യത് സുഗമം പദമേകപദാദപി തത് .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 4..

യദലഭ്യമനേകഭവൈഃ സ്വഗുരോഃ സുപദം സ്വപദം തദിഹൈകപദാത് .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 5..

ഗുരുപാദസരോജരതിം കുരുതേ ഹരിപാദവിനമ്രസുധീഃ സ്വഫലം .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 6..

ഉദയാദപഗച്ഛതി ഗൂഢതമഃ പ്രതിപക്ഷകൃതം ഖലു യത്സുകൃതേഃ .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 7..

ദശമാന്ത്യപതിഃ സദനം ന കദാഽപ്യഥ മുഞ്ചതി യത്സ്വയമേവ രസാത് .
ജയതീർഥകൃതൗ പ്രവണോ ന പുനർഭവഭാഗ്ഭവതീതി മതിർഹി മമ .. 8..

ഇതി ശ്രീമാദനൂരുവിഷ്ണുതീർഥവിരചിതം ശ്രീന്യായസുധാസ്തോത്രം സമ്പൂർണം .