ವಿಘ್ನೇಶ ಅಷ್ಟಕ ಸ್ತೋತ್ರ PDF ಕನ್ನಡ

ವಿಘ್ನೇಶ ಅಷ್ಟಕ ಸ್ತೋತ್ರ ಕನ್ನಡ Lyrics

|| ವಿಘ್ನೇಶ ಅಷ್ಟಕ ಸ್ತೋತ್ರ ||

ವಿಘ್ನೇಶ್ವರಂ ಚತುರ್ಬಾಹುಂ ದೇವಪೂಜ್ಯಂ ಪರಾತ್ಪರಂ|
ಗಣೇಶಂ ತ್ವಾಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಲಂಬೋದರಂ ಗಜೇಶಾನಂ ವಿಶಾಲಾಕ್ಷಂ ಸನಾತನಂ|
ಏಕದಂತಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಆಖುವಾಹನಮವ್ಯಕ್ತಂ ಸರ್ವಶಾಸ್ತ್ರವಿಶಾರದಂ|
ವರಪ್ರದಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಅಭಯಂ ವರದಂ ದೋರ್ಭ್ಯಾಂ ದಧಾನಂ ಮೋದಕಪ್ರಿಯಂ|
ಶೈಲಜಾಜಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಭಕ್ತಿತುಷ್ಟಂ ಜಗನ್ನಾಥಂ ಧ್ಯಾತೃಮೋಕ್ಷಪ್ರದಂ ದ್ವಿಪಂ|
ಶಿವಸೂನುಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಸಂಸಾರಾಬ್ಧಿತರಿಂ ದೇವಂ ಕರಿರೂಪಂ ಗಣಾಗ್ರಗಂ|
ಸ್ಕಂದಾಗ್ರಜಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಕಾರುಣ್ಯಾಮೃತಜೀಮೂತಂ ಸುರಾಸುರನಮಸ್ಕೃತಂ|
ಶೂಲಹಸ್ತಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ಪರೇಶ್ವರಂ ಮಹಾಕಾಯಂ ಮಹಾಭಾರತಲೇಖಕಂ|
ವೇದವೇದ್ಯಂ ಪ್ರಪನ್ನೋಽಹಂ ವಿಘ್ನಾನ್ ಮೇ ನಾಶಯಾಽಽಶು ಭೋಃ|

ವಿಘ್ನೇಶಾಷ್ಟಕಮೇತದ್ಯಃ ಸರ್ವವಿಘ್ನೌಘನಾಶನಂ|
ಪಠೇತ್ ಪ್ರತಿದಿನಂ ಪ್ರಾತಸ್ತಸ್ಯ ನಿರ್ವಿಘ್ನತಾ ಭವೇತ್|