বৃন্দাদেব্যষ্টকম্ PDF বাংলা

বৃন্দাদেব্যষ্টকম্ বাংলা Lyrics

|| বৃন্দাদেব্যষ্টকম্ ||

বিশ্বনাথচক্রবর্তী ঠকুরকৃতম্ ।

গাঙ্গেয়চাম্পেয়তডিদ্বিনিন্দিরোচিঃপ্রবাহস্নপিতাত্মবৃন্দে ।
বন্ধূকবন্ধুদ্যুতিদিব্যবাসোবৃন্দে নুমস্তে চরণারবিন্দম্ ॥

বিম্বাধরোদিত্বরমন্দহাস্যনাসাগ্রমুক্তাদ্যুতিদীপিতাস্যে ।
বিচিত্ররত্নাভরণশ্রিয়াঢ্যে বৃন্দে নুমস্তে চরণারবিন্দম্ ॥

সমস্তবৈকুণ্ঠশিরোমণৌ শ্রীকৃষ্ণস্য বৃন্দাবনধন্যধামিন্ ।
দত্তাধিকারে বৃষভানুপুত্র্যা বৃন্দে নুমস্তে চরণারবিন্দম্ ॥

ত্বদাজ্ঞয়া পল্লবপুষ্পভৃঙ্গমৃগাদিভির্মাধবকেলিকুঞ্জাঃ ।
মধ্বাদিভির্ভান্তি বিভূষ্যমাণাঃ বৃন্দে নুমস্তে চরণারবিন্দম্ ॥

ত্বদীয়দৌত্যেন নিকুঞ্জয়ূনোঃ অত্যুৎকয়োঃ কেলিবিলাসসিদ্ধিঃ ।
ত্বৎসৌভগং কেন নিরুচ্যতাং তদ্বৃন্দে নুমস্তে চরণারবিন্দম্ ॥

রাসাভিলাষো বসতিশ্চ বৃন্দাবনে ত্বদীশাঙ্ঘ্রিসরোজসেবা ।
লভ্যা চ পুংসাং কৃপয়া তবৈব বৃন্দে নুমস্তে চরণারবিন্দম্ ॥

ত্বং কীর্ত্যসে সাত্বততন্ত্রবিদ্ভিঃ লীলাভিধানা কিল কৃষ্ণশক্তিঃ ।
তবৈব মূর্তিস্তুলসী নৃলোকে বৃন্দে নুমস্তে চরণারবিন্দম্ ॥

ভক্ত্যা বিহীনা অপরাধলেশৈঃ ক্ষিপ্তাশ্চ কামাদিতরঙ্গমধ্যে ।
কৃপাময়ি ত্বাং শরণং প্রপন্নাঃ বৃন্দে নুমস্তে চরণারবিন্দম্ ॥

বৃন্দাষ্টকং যঃ শৃণুয়াৎপঠেচ্চ বৃন্দাবনাধীশপদাব্জভৃঙ্গঃ ।
স প্রাপ্য বৃন্দাবননিত্যবাসং তৎপ্রেমসেবাং লভতে কৃতার্থঃ ॥

ইতি বিশ্বনাথচক্রবর্তী ঠকুরকৃতং বৃন্দাদেব্যষ্টকং সম্পূর্ণম্ ।