ବୃନ୍ଦାଦେବ୍ୟଷ୍ଟକମ୍ (Vrindadevya Ashtakam Odia)

ବିଶ୍ୱନାଥଚକ୍ରବର୍ତୀ ଠକୁରକୃତମ୍ ।

ଗାଙ୍ଗେୟଚାମ୍ପେୟତଡିଦ୍ୱିନିନ୍ଦିରୋଚିଃପ୍ରବାହସ୍ନପିତାତ୍ମବୃନ୍ଦେ ।
ବନ୍ଧୂକବନ୍ଧୁଦ୍ୟୁତିଦିବ୍ୟବାସୋବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ବିମ୍ବାଧରୋଦିତ୍ୱରମନ୍ଦହାସ୍ୟନାସାଗ୍ରମୁକ୍ତାଦ୍ୟୁତିଦୀପିତାସ୍ୟେ ।
ବିଚିତ୍ରରତ୍ନାଭରଣଶ୍ରିୟାଢ୍ୟେ ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ସମସ୍ତବୈକୁଣ୍ଠଶିରୋମଣୌ ଶ୍ରୀକୃଷ୍ଣସ୍ୟ ବୃନ୍ଦାବନଧନ୍ୟଧାମିନ୍ ।
ଦତ୍ତାଧିକାରେ ବୃଷଭାନୁପୁତ୍ର୍ୟା ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ତ୍ୱଦାଜ୍ଞୟା ପଲ୍ଲବପୁଷ୍ପଭୃଙ୍ଗମୃଗାଦିଭିର୍ମାଧବକେଲିକୁଞ୍ଜାଃ ।
ମଧ୍ୱାଦିଭିର୍ଭାନ୍ତି ବିଭୂଷ୍ୟମାଣାଃ ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ତ୍ୱଦୀୟଦୌତ୍ୟେନ ନିକୁଞ୍ଜୟୂନୋଃ ଅତ୍ୟୁତ୍କୟୋଃ କେଲିବିଲାସସିଦ୍ଧିଃ ।
ତ୍ୱତ୍ସୌଭଗଂ କେନ ନିରୁଚ୍ୟତାଂ ତଦ୍ୱୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ରାସାଭିଲାଷୋ ବସତିଶ୍ଚ ବୃନ୍ଦାବନେ ତ୍ୱଦୀଶାଙ୍ଘ୍ରିସରୋଜସେବା ।
ଲଭ୍ୟା ଚ ପୁଂସାଂ କୃପୟା ତବୈବ ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ତ୍ୱଂ କୀର୍ତ୍ୟସେ ସାତ୍ୱତତନ୍ତ୍ରବିଦ୍ଭିଃ ଲୀଲାଭିଧାନା କିଲ କୃଷ୍ଣଶକ୍ତିଃ ।
ତବୈବ ମୂର୍ତିସ୍ତୁଲସୀ ନୃଲୋକେ ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ଭକ୍ତ୍ୟା ବିହୀନା ଅପରାଧଲେଶୈଃ କ୍ଷିପ୍ତାଶ୍ଚ କାମାଦିତରଙ୍ଗମଧ୍ୟେ ।
କୃପାମୟି ତ୍ୱାଂ ଶରଣଂ ପ୍ରପନ୍ନାଃ ବୃନ୍ଦେ ନୁମସ୍ତେ ଚରଣାରବିନ୍ଦମ୍ ॥

ବୃନ୍ଦାଷ୍ଟକଂ ଯଃ ଶୃଣୁୟାତ୍ପଠେଚ୍ଚ ବୃନ୍ଦାବନାଧୀଶପଦାବ୍ଜଭୃଙ୍ଗଃ ।
ସ ପ୍ରାପ୍ୟ ବୃନ୍ଦାବନନିତ୍ୟବାସଂ ତତ୍ପ୍ରେମସେବାଂ ଲଭତେ କୃତାର୍ଥଃ ॥

ଇତି ବିଶ୍ୱନାଥଚକ୍ରବର୍ତୀ ଠକୁରକୃତଂ ବୃନ୍ଦାଦେବ୍ୟଷ୍ଟକଂ ସମ୍ପୂର୍ଣମ୍ ।

Read in More Languages:

Found a Mistake or Error? Report it Now