|| ನಿಶುಂಭಸೂದನೀ ಸ್ತೋತ್ರ ||
ಸರ್ವದೇವಾಶ್ರಯಾಂ ಸಿದ್ಧಾಮಿಷ್ಟಸಿದ್ಧಿಪ್ರದಾಂ ಸುರಾಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ರತ್ನಹಾರಕಿರೀಟಾದಿಭೂಷಣಾಂ ಕಮಲೇಕ್ಷಣಾಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಚೇತಸ್ತ್ರಿಕೋಣನಿಲಯಾಂ ಶ್ರೀಚಕ್ರಾಂಕಿತರೂಪಿಣೀಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಯೋಗಾನಂದಾಂ ಯಶೋದಾತ್ರೀಂ ಯೋಗಿನೀಗಣಸಂಸ್ತುತಾಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಜಗದಂಬಾಂ ಜನಾನಂದದಾಯಿನೀಂ ವಿಜಯಪ್ರದಾಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಸಿದ್ಧಾದಿಭಿಃ ಸಮುತ್ಸೇವ್ಯಾಂ ಸಿದ್ಧಿದಾಂ ಸ್ಥಿರಯೋಗಿನೀಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಮೋಕ್ಷಪ್ರದಾತ್ರೀಂ ಮಂತ್ರಾಂಗೀಂ ಮಹಾಪಾತಕನಾಶಿನೀಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಮತ್ತಮಾತಂಗಸಂಸ್ಥಾಂ ಚ ಚಂಡಮುಂಡಪ್ರಮರ್ದ್ದಿನೀಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ವೇದಮಂತ್ರೈಃ ಸುಸಂಪೂಜ್ಯಾಂ ವಿದ್ಯಾಜ್ಞಾನಪ್ರದಾಂ ವರಾಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
ಮಹಾದೇವೀಂ ಮಹಾವಿದ್ಯಾಂ ಮಹಾಮಾಯಾಂ ಮಹೇಶ್ವರೀಂ|
ನಿಶುಂಭಸೂದನೀಂ ವಂದೇ ಚೋಲರಾಜಕುಲೇಶ್ವರೀಂ|
Found a Mistake or Error? Report it Now
