கூர்ம ஸ்தோத்ரம்

|| கூர்ம ஸ்தோத்ரம் ||

ஶ்ரீ க³ணேஶாய நம꞉ ..

நமாம தே தே³வ பதா³ரவிந்த³ம்ʼ ப்ரபன்னதாபோபஶமாதபத்ரம் .
யன்மூலகேதா யதயோ(அ)ஞ்ஜஸோருஸம்ʼஸாரது³꞉க²ம்ʼ ப³ஹிருத்க்ஷிபந்தி ..

தா⁴தர்யத³ஸ்மின்ப⁴வ ஈஶ ஜீவாஸ்தாபத்ரயேணோபஹதா ந ஶர்ம .
ஆத்மம்ˮலப⁴ந்தே ப⁴க³வம்ʼஸ்தவாங்க்⁴ரிச்சா²யாம்ʼ ஸவித்³யாமத ஆஶ்ரயேம ..

மார்க³ந்தி யத்தே முக²பத்³மனீடை³ஶ்ச²ந்த³꞉ஸுபர்ணைர்ருʼஷயோ விவிக்தே .
யஸ்யாக⁴மர்ஷோத³ஸரித்³வராயா꞉ பத³ம்ʼ பத³ம்ʼ தீர்த²பத³꞉ ப்ரபன்னா꞉ ..

யச்ச்²ரத்³த⁴யா ஶ்ருதவத்யாம்ʼ ச ப⁴க்த்யா ஸம்ʼம்ருʼஜ்யமானே ஹ்ருʼத³யே(அ)வதா⁴ய .
ஜ்ஞானேன வைராக்³யப³லேன தீ⁴ரா வ்ரஜேம தத்தே(அ)ங்க்⁴ரிஸரோஜபீட²ம் ..

விஶ்வஸ்ய ஜன்மஸ்தி²திஸம்ʼயமார்தே² க்ருʼதாவதாரஸ்ய பதா³ம்பு³ஜம்ʼ தே .
வ்ரஜேம ஸர்வே ஶரணம்ʼ யதீ³ஶ ஸ்ம்ருʼதம்ʼ ப்ரயச்ச²த்யப⁴யம்ʼ ஸ்வபும்ʼஸாம் ..

யத்ஸானுப³ந்தே⁴(அ)ஸதி தே³ஹகே³ஹே மமாஹமித்யூட⁴து³ராக்³ரஹாணாம் .
பும்ʼஸாம்ʼ ஸுதூ³ரம்ʼ வஸதோ(அ)பி புர்யாம்ʼ ப⁴ஜேம தத்தே ப⁴க³வன்பதா³ப்³ஜம் ..

தான்வா அஸத்³வ்ருʼத்திபி⁴ரக்ஷிபி⁴ர்யே பராஹ்ருʼதாந்தர்மனஸ꞉ பரேஶ .
அதோ² ந பஶ்யந்த்யுருகா³ய நூனம்ʼ யே தே பத³ந்யாஸவிலாஸலக்ஷ்ம்யா꞉ ..

பானேன தே தே³வ கதா²ஸுதா⁴யா꞉ ப்ரவ்ருʼத்³த⁴ப⁴க்த்யா விஶதா³ஶயா யே .
வைராக்³யஸாரம்ʼ ப்ரதிலப்⁴ய போ³த⁴ம்ʼ யதா²ஞ்ஜஸான்வீயுரகுண்ட²தி⁴ஷ்ண்யம் ..

ததா²பரே சாத்மஸமாதி⁴யோக³ப³லேன ஜித்வா ப்ரக்ருʼதிம்ʼ ப³லிஷ்டா²ம் .
த்வாமேவ தீ⁴ரா꞉ புருஷம்ʼ விஶந்தி தேஷாம்ʼ ஶ்ரம꞉ ஸ்யான்ன து ஸேவயா தே ..

தத்தே வயம்ʼ லோகஸிஸ்ருʼக்ஷயாத்³ய த்வயானுஸ்ருʼஷ்டாஸ்த்ரிபி⁴ராத்மபி⁴꞉ ஸ்ம .
ஸர்வே வியுக்தா꞉ ஸ்வவிஹாரதந்த்ரம்ʼ ந ஶக்னுமஸ்தத்ப்ரதிஹர்தவே தே ..

யாவத்³ப³லிம்ʼ தே(அ)ஜ ஹராம காலே யதா² வயம்ʼ சான்னமதா³ம யத்ர .
யதோ²ப⁴யேஷாம்ʼ த இமே ஹி லோகா ப³லிம்ʼ ஹரந்தோ(அ)ன்னமத³ந்த்யனூஹா꞉ ..

த்வம்ʼ ந꞉ ஸுராணாமஸி ஸான்வயானாம்ʼ கூடஸ்த² ஆத்³ய꞉ புருஷ꞉ புராண꞉ .
த்வம்ʼ தே³வஶக்த்யாம்ʼ கு³ணகர்மயோனௌ ரேதஸ்த்வஜாயாம்ʼ கவிமாத³தே⁴(அ)ஜ꞉ ..

ததோ வயம்ʼ ஸத்ப்ரமுகா² யத³ர்தே² ப³பூ⁴விமாத்மன்கரவாம கிம்ʼ தே .
த்வம்ʼ ந꞉ ஸ்வசக்ஷு꞉ பரிதே³ஹி ஶக்த்யா தே³வக்ரியார்தே² யத³னுக்³ரஹாணாம் ..

இதி ஶ்ரீமத்³பா⁴க³வதபுராணாந்தர்க³தம்ʼ கூர்மஸ்தோத்ரம்ʼ ஸமாப்தம் ..

Found a Mistake or Error? Report it Now