മഹാഗണപതി വേദപാദ സ്തോത്രം

|| മഹാഗണപതി വേദപാദ സ്തോത്രം ||

ശ്രീകണ്ഠതനയ ശ്രീശ ശ്രീകര ശ്രീദലാർചിത.

ശ്രീവിനായക സർവേശ ശ്രിയം വാസയ മേ കുലേ.

ഗജാനന ഗണാധീശ ദ്വിജരാജവിഭൂഷിത.

ഭജേ ത്വാം സച്ചിദാനന്ദ ബ്രഹ്മണാം ബ്രഹ്മണാസ്പതേ.

ണഷാഷ്ഠവാച്യനാശായ രോഗാടവികുഠാരിണേ.

ഘൃണാപാലിതലോകായ വനാനാം പതയേ നമഃ.

ധിയം പ്രയച്ഛതേ തുഭ്യമീപ്സിതാർഥപ്രദായിനേ.

ദീപ്തഭൂഷണഭൂഷായ ദിശാം ച പതയേ നമഃ.

പഞ്ചബ്രഹ്മസ്വരൂപായ പഞ്ചപാതകഹാരിണേ.

പഞ്ചതത്ത്വാത്മനേ തുഭ്യം പശൂനാം പതയേ നമഃ.

തടിത്കോടിപ്രതീകാശ- തനവേ വിശ്വസാക്ഷിണേ.

തപസ്വിധ്യായിനേ തുഭ്യം സേനാനിഭ്യശ്ച വോ നമഃ.

യേ ഭജന്ത്യക്ഷരം ത്വാം തേ പ്രാപ്നുവന്ത്യക്ഷരാത്മതാം.

നൈകരൂപായ മഹതേ മുഷ്ണതാം പതയേ നമഃ.

നഗജാവരപുത്രായ സുരരാജാർചിതായ ച.

സുഗുണായ നമസ്തുഭ്യം സുമൃഡീകായ മീഢുഷേ.

മഹാപാതക- സംഘാതതമഹാരണ- ഭയാപഹ.

ത്വദീയകൃപയാ ദേവ സർവാനവ യജാമഹേ.

നവാർണരത്നനിഗമ- പാദസമ്പുടിതാം സ്തുതിം.

ഭക്ത്യാ പഠന്തി യേ തേഷാം തുഷ്ടോ ഭവ ഗണാധിപ.

Found a Mistake or Error? Report it Now