ಅಭಿಲಾಷಾಷ್ಟಕಂ

|| ಅಭಿಲಾಷಾಷ್ಟಕಂ ||

ಏಕಂ ಬ್ರಹ್ಮೈವಽಽದ್ವಿತೀಯಂ ಸಮಸ್ತಂ
ಸತ್ಯಂ ಸತ್ಯಂ ನೇಹ ನಾನಾಸ್ತಿ ಕಿಂಚಿತ್ |
ಏಕೋ ರುದ್ರೋ ನ ದ್ವಿತೀಯೋವ ತಸ್ಥೇ
ತಸ್ಮಾದೇಕಂ ತ್ವಾಂ ಪ್ರಪದ್ಯೇ ಮಹೇಶಂ || ೧ ||

ಕರ್ತಾ ಹರ್ತಾ ತ್ವಂ ಹಿ ಸರ್ವಸ್ಯ ಶಂಭೋ
ನಾನಾ ರೂಪೇಷು ಏಕರೂಪೋಪಿ ಅರೂಪಃ |
ಯದ್ವತ್ ಪ್ರತ್ಯಕ್ ಧರ್ಮ ಏಕೋಽಪಿ ಅನೇಕಃ
ತಸ್ಮಾತ್ ನಾನ್ಯಂ ತ್ವಾಂ ವಿನೇಶಂ ಪ್ರಪದ್ಯೇ || ೨ ||

ರಜ್ಜೌ ಸರ್ಪಃ ಶುಕ್ತಿಕಾಯಾಂ ಚ ರೌಪ್ಯಂ
ನೀರೈಃ ಪೂರಃ ತನ್ಮೃಗಾಖ್ಯೇ ಮರೀಚೌ |
ಯದ್ವತ್ ತದ್ವತ್ ವಿಷ್ವಕ್ ಏಷಃ ಪ್ರಪಂಚಃ
ಯಸ್ಮಿನ್ ಜ್ಞಾತೇ ತಂ ಪ್ರಪದ್ಯೇ ಮಹೇಶಂ || ೩ ||

ತೋಯೇ ಶೈತ್ಯಂ ದಾಹಕತ್ವಂ ಚ ವಹ್ನೌ
ತಾಪೋ ಭಾನೌ ಶೀತ ಭಾನೌ ಪ್ರಸಾದಃ |
ಪುಷ್ಪೇ ಗಂಧಃ ದುಗ್ಧ ಮಧ್ಯೇಽಪಿ ಸರ್ಪಿಃ
ಯತ್ತತ್ ಶಂಭೋ ತ್ವಂ ತತಃ ತ್ವಾಂ ಪ್ರಪದ್ಯೇ || ೪ ||

ಶಬ್ದಂ ಗೃಹ್ಣಾಸಿ ಅಶ್ರವಾಃ ತ್ವಂ ಹಿ ಜಿಘ್ರೇಃ
ಅಗ್ರಾಣಃ ತ್ವಂ ವ್ಯಂಘ್ರಿಃ ಆಯಾಸಿ ದೂರಾತ್ |
ವ್ಯಕ್ಷಃ ಪಶ್ಯೇಃ ತ್ವಂ ರಸಜ್ಞೋಽಪಿ ಅಜಿಹ್ವಃ
ಕಃ ತ್ವಾಂ ಸಮ್ಯಕ್ ವೇತ್ತಿ ಅತಃ ತ್ವಾಂ ಪ್ರಪದ್ಯೇ || ೫ ||

ನೋ ವೇದ ತ್ವಾಂ ಈಶ ಸಾಕ್ಷಾತ್ ವಿವೇದ
ನೋ ವಾ ವಿಷ್ಣುಃ ನೋ ವಿಧಾತಾಽಖಿಲಸ್ಯ |
ನೋ ಯೋಗೀಂದ್ರಾಃ ನೇಂದ್ರ ಮುಖ್ಯಾಶ್ಚ ದೇವಾಃ
ಭಕ್ತೋ ವೇದತ್ವಾಂ ಅತಸ್ತ್ವಾಂ ಪ್ರಪದ್ಯೇ || ೬ ||

ನೋ ತೇ ಗೋತ್ರಂ ನೇಶ ಜನ್ಮಾಪಿ ನಾಖ್ಯಾ
ನೋ ವಾ ರೂಪಂ ನೈವ ಶೀಲಂ ನ ತೇಜಃ |
ಇತ್ಥಂ ಭೂತೋಪಿ ಈಶ್ವರಃ ತ್ವಂ ತ್ರಿಲೋಕ್ಯಾಃ
ಸರ್ವಾನ್ ಕಾಮಾನ್ ಪೂರಯೇಃ ತತ್ ಭಜೇ ತ್ವಾಮ್ || ೭ ||

ತ್ವತ್ತಃ ಸರ್ವಂ ತ್ವಂ ಹಿ ಸರ್ವಂ ಸ್ಮರಾರೇ
ತ್ವಂ ಗೌರೀಶಃ ತ್ವಂ ಚ ನಗ್ನಃ ಅತಿಶಾಂತಃ |
ತ್ವಂ ವೈ ವೃದ್ಧಃ ತ್ವಂ ಯುವಾ ತ್ವಂ ಚ ಬಾಲಃ
ತತ್ವಂ ಯತ್ಕಿಂ ನಾಸಿ ಅತಃ ತ್ವಾಂ ನತೋಽಹಮ್ || ೮ ||

Found a Mistake or Error? Report it Now