ಶ್ರೀ ಉಮಮಹೇಶ್ವರಾಷ್ಟಕಂ (ಸಂಘಿಲ ಕೃತಂ)

|| ಶ್ರೀ ಉಮಮಹೇಶ್ವರಾಷ್ಟಕಂ (ಸಂಘಿಲ ಕೃತಂ) ||

ಪಿತಾಮಹಶಿರಚ್ಛೇದಪ್ರವೀಣಕರಪಲ್ಲವ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರ || ೧ ||

ನಿಶುಂಭಶುಂಭಪ್ರಮುಖದೈತ್ಯಶಿಕ್ಷಣದಕ್ಷಿಣೇ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರಿ || ೨ ||

ಶೈಲರಾಜಸ್ಯ ಜಾಮಾತಃ ಶಶಿರೇಖಾವತಂಸಕ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರ || ೩ ||

ಶೈಲರಾಜಾತ್ಮಜೇ ಮಾತಃ ಶಾತಕುಂಭನಿಭಪ್ರಭೇ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರಿ || ೪ ||

ಭೂತನಾಥ ಪುರಾರಾತೇ ಭುಜಂಗಾಮೃತಭೂಷಣ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರ || ೫ ||

ಪಾದಪ್ರಣತಭಕ್ತಾನಾಂ ಪಾರಿಜಾತಗುಣಾಧಿಕೇ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರಿ || ೬ ||

ಹಾಲಾಸ್ಯೇಶ ದಯಾಮೂರ್ತೇ ಹಾಲಾಹಲಲಸದ್ಗಳ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರ || ೭ ||

ನಿತಂಬಿನಿ ಮಹೇಶಸ್ಯ ಕದಂಬವನನಾಯಿಕೇ |
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ಮಹೇಶ್ವರಿ || ೮ ||

ಇತಿ ಶ್ರೀಹಾಲಾಸ್ಯಮಾಹಾತ್ಮ್ಯೇ ಸಂಘಿಲಕೃತಂ ಉಮಾಮಹೇಶ್ವರಾಷ್ಟಕಮ್ |

Found a Mistake or Error? Report it Now