ஶ்ரீ ஶிவ ஸ்துதி꞉ (லங்கேஶ்வர க்ருதம்)

|| ஶ்ரீ ஶிவ ஸ்துதி꞉ (லங்கேஶ்வர க்ருதம்) ||

க³லே கலிதகாலிம꞉ ப்ரகடிதேந்து³பா²லஸ்த²லே
வினாடிதஜடோத்கரம் ருசிரபாணிபாதோ²ருஹே |
உத³ஞ்சிதகபாலஜம் ஜக⁴னஸீம்னி ஸந்த³ர்ஶித
த்³விபாஜினமனுக்ஷணம் கிமபி தா⁴ம வந்தா³மஹே || 1 ||

வ்ருஷோபரி பரிஸ்பு²ரத்³த⁴வலதா³மதா⁴மஶ்ரியா
குபே³ரகி³ரி-கௌ³ரிமப்ரப⁴வக³ர்வனிர்வாஸி தத் |
க்வசித்புனருமா-குசோபசிதகுங்குமை ரஞ்ஜிதம்
க³ஜாஜினவிராஜிதம் வ்ருஜினப⁴ங்க³பீ³ஜம் ப⁴ஜே || 2 ||

உதி³த்வர-விலோசனத்ரய-விஸ்ருத்வரஜ்யோதிஷா
கலாகரகலாகர-வ்யதிகரேண சாஹர்னிஶம் |
விகாஸித ஜடாடவீ விஹரணோத்ஸவப்ரோல்லஸ-
த்தராமர தரங்கி³ணீ தரல-சூட³மீடே³ ம்ருட³ம் || 3 ||

விஹாய கமலாலயாவிலஸிதானி வித்³யுன்னடீ-
விட³ம்ப³னபடூனி மே விஹரணம் வித⁴த்தாம் மன꞉ |
கபர்தி³னி குமுத்³வதீரமணக²ண்ட³சூடா³மணௌ
கடீ தடபடீ ப⁴வத்கரடிசர்மணி ப்³ரஹ்மணி || 4 ||

ப⁴வத்³ப⁴வனதே³ஹலீ-விகடதுண்ட³-த³ண்டா³ஹதி
த்ருடன்முகுடகோடிபி⁴-ர்மக⁴வதா³தி³பி⁴ர்பூ⁴யதே |
வ்ரஜேம ப⁴வத³ந்திகம் ப்ரக்ருதிமேத்ய பைஶாசகீம்
கிமித்யமரஸம்பத³꞉ ப்ரமத²னாத² நாதா²மஹே || 5 ||

த்வத³ர்சனபராயண-ப்ரமத²கன்யகாலுண்டி²த
ப்ரஸூனஸப²லத்³ருமம் கமபி ஶைலமாஶான்மஹே |
அலம் தடவிதர்தி³காஶயிதஸித்³த⁴-ஸீமந்தினீ
ப்ரகீர்ண ஸுமனோமனோ-ரமணமேருணாமேருணா || 6 ||

ந ஜாது ஹர யாது மே விஷயது³ர்விலாஸம் மனோ
மனோப⁴வகதா²ஸ்து மே ந ச மனோரதா²தித்²யபூ⁴꞉ |
ஸ்பு²ரத்ஸுரதரங்கி³ணீ-தடகுடீரகோடா வஸ-
ந்னயே ஶிவ தி³வானிஶம் தவ ப⁴வானி பூஜாபர꞉ || 7 ||

விபூ⁴ஷண ஸுராபகா³ ஶுசிதராலவாலாவலீ-
வலத்³ப³ஹலஸீகர-ப்ரகரஸேகஸம்வர்தி⁴தா |
மஹேஶ்வர ஸுரத்³ருமஸ்பு²ரித-ஸஜ்ஜடாமஞ்ஜரீ
நமஜ்ஜனப²லப்ரதா³ மம நு ஹந்த பூ⁴யாதி³யம் || 8 ||

ப³ஹிர்விஷயஸங்க³தி-ப்ரதினிவர்திதாக்ஷாபலே-
ஸ்ஸமாதி⁴கலிதாத்மன꞉ பஶுபதேரஶேஷாத்மன꞉ |
ஶிரஸ்ஸுரஸரித்தடீ-குடிலகல்பகல்பத்³ருமம்
நிஶாகர கலாமஹம் வடுவிம்ருஷ்யமாணாம் ப⁴ஜே || 9 ||

த்வதீ³ய ஸுரவாஹினீ விமலவாரிதா⁴ராவல-
ஜ்ஜடாக³ஹனகா³ஹினீ மதிரியம் மம க்ராமது |
ஸுரோத்தமஸரித்தடீ-விடபிதாடவீ ப்ரோல்லஸ-
த்தபஸ்வி-பரிஷத்துலாமமல மல்லிகாப⁴ ப்ரபோ⁴ || 10 ||

இதி ஶ்ரீலங்கேஶ்வரவிரசித ஶிவஸ்துதி꞉ ||

Found a Mistake or Error? Report it Now