|| ଅଘମର୍ଷଣ ସୂକ୍ତମ୍ ||
ହିର॑ଣ୍ୟଶୃଂଗଂ॒-ଵଁରୁ॑ଣଂ॒ ପ୍ରପ॑ଦ୍ୟେ ତୀ॒ର୍ଥଂ ମେ॑ ଦେହି॒ ୟାଚି॑ତଃ ।
ୟ॒ନ୍ମୟା॑ ଭୁ॒କ୍ତମ॒ସାଧୂ॑ନାଂ ପା॒ପେଭ୍ୟ॑ଶ୍ଚ ପ୍ର॒ତିଗ୍ର॑ହଃ ।
ୟନ୍ମେ॒ ମନ॑ସା ଵା॒ଚା॒ କ॒ର୍ମ॒ଣା ଵା ଦୁ॑ଷ୍କୃତଂ॒ କୃତମ୍ ।
ତନ୍ନ॒ ଇଂଦ୍ରୋ॒ ଵରୁ॑ଣୋ॒ ବୃହ॒ସ୍ପତିଃ॑ ସଵି॒ତା ଚ॑ ପୁନଂତୁ॒ ପୁନଃ॑ ପୁନଃ ।
ନମୋ॒ଽଗ୍ନୟେ᳚ଽପ୍ସୁ॒ମତେ॒ ନମ॒ ଇଂଦ୍ରା॑ୟ॒ ନମୋ॒ ଵରୁ॑ଣାୟ॒ ନମୋ ଵାରୁଣ୍ୟୈ॑ ନମୋ॒ଽଦ୍ଭ୍ୟଃ ॥
ୟଦ॒ପାଂ କ୍ରୂ॒ରଂ-ୟଁଦ॑ମେ॒ଧ୍ୟଂ-ୟଁଦ॑ଶାଂ॒ତଂ ତଦପ॑ଗଚ୍ଛତାତ୍ ।
ଅ॒ତ୍ୟା॒ଶ॒ନାଦ॑ତୀ-ପା॒ନା॒-ଦ୍ୟ॒ଚ୍ଚ ଉ॒ଗ୍ରାତ୍ପ୍ର॑ତି॒ଗ୍ରହା᳚ତ୍ ।
ତନ୍ନୋ॒ ଵରୁ॑ଣୋ ରା॒ଜା॒ ପା॒ଣିନା᳚ ହ୍ୟଵ॒ମର୍ଶତୁ ।
ସୋ॑ଽହମ॑ପା॒ପୋ ଵି॒ରଜୋ॒ ନିର୍ମୁ॒କ୍ତୋ ମୁ॑କ୍ତକି॒ଲ୍ବିଷଃ॑ ।
ନାକ॑ସ୍ୟ ପୃ॒ଷ୍ଠ-ମାରୁ॑ହ୍ୟ॒ ଗଚ୍ଛେ॒ଦ୍ ବ୍ରହ୍ମ॑ସଲୋ॒କତାମ୍ ।
ୟଶ୍ଚା॒ପ୍ସୁ ଵରୁ॑ଣ॒ସ୍ସ ପୁ॒ନାତ୍ଵ॑ଘମର୍ଷ॒ଣଃ ।
ଇ॒ମଂ ମେ॑ ଗଂଗେ ୟମୁନେ ସରସ୍ଵତି॒ ଶୁତୁ॑ଦ୍ରି॒-ସ୍ତୋମଗ୍ମ୍॑ ସଚତା॒ ପରୁ॒ଷ୍ଣିୟା ।
ଅ॒ସି॒କ୍ନି॒ୟା ମ॑ରୁଦ୍ଵୃଧେ ଵି॒ତସ୍ତ॒ୟାଽଽର୍ଜୀ॑କୀୟେ ଶୃଣୁ॒ହ୍ୟା ସୁ॒ଷୋମ॑ୟା ।
ଋ॒ତଂ ଚ॑ ସ॒ତ୍ୟଂ ଚା॒ଭୀ᳚ଦ୍ଧା॒-ତ୍ତପ॒ସୋଽଧ୍ୟ॑ଜାୟତ ।
ତତୋ॒ ରାତ୍ରି॑ରଜାୟତ॒ ତତ॑-ସ୍ସମୁ॒ଦ୍ରୋ ଅ॑ର୍ଣ॒ଵଃ ॥
ସ॒ମୁ॒ଦ୍ରାଦ॑ର୍ଣ॒ଵା ଦଧି॑ ସଂଵଁଥ୍ସ॒ରୋ ଅ॑ଜାୟତ ।
ଅ॒ହୋ॒ରା॒ତ୍ରାଣି॑ ଵି॒ଦଧ॒ଦ୍ଵିଶ୍ଵ॑ସ୍ୟ ମିଷ॒ତୋ ଵ॒ଶୀ ।
ସୂ॒ର୍ୟା॒ଚଂ॒ଦ୍ର॒ମସୌ॑ ଧା॒ତା ୟ॑ଥା ପୂ॒ର୍ଵମ॑କଲ୍ପୟତ୍ ।
ଦିଵଂ॑ ଚ ପୃଥି॒ଵୀଂ ଚାଂ॒ତରି॑କ୍ଷ॒-ମଥୋ॒ ସୁଵଃ॑ ।
ୟତ୍ପୃ॑ଥି॒ଵ୍ୟାଗ୍ମ୍ ରଜଃ॑ ସ୍ଵ॒ମାଂତରି॑କ୍ଷେ ଵି॒ରୋଦ॑ସୀ ।
ଇ॒ମାଗ୍ଗ୍ମ୍ ସ୍ତଦା॒ପୋ ଵ॑ରୁଣଃ ପୁ॒ନାତ୍ଵ॑ଘମର୍ଷ॒ଣଃ ।
ପୁ॒ନଂତୁ॒ ଵସ॑ଵଃ ପୁ॒ନାତୁ॒ ଵରୁ॑ଣଃ ପୁ॒ନାତ୍ଵ॑ଘମର୍ଷ॒ଣଃ ।
ଏ॒ଷ ଭୂ॒ତସ୍ୟ॑ ମ॒ଧ୍ୟେ ଭୁଵ॑ନସ୍ୟ ଗୋ॒ପ୍ତା ।
ଏ॒ଷ ପୁ॒ଣ୍ୟକୃ॑ତାଂ-ଲୋଁ॒କା॒ନେ॒ଷ ମୃ॒ତ୍ୟୋର୍ ହି॑ର॒ଣ୍ମୟମ୍᳚ ।
ଦ୍ୟାଵା॑ପୃଥି॒ଵ୍ୟୋର୍ ହି॑ର॒ଣ୍ମୟ॒ଗ୍ମ୍॒ ସଗ୍ଗ୍ମ୍ ଶ୍ରି॑ତ॒ଗ୍ମ୍॒ ସୁଵଃ॑ ॥
ସନ॒-ସ୍ସୁଵ॒-ସ୍ସଗ୍ମ୍ଶି॑ଶାଧି ।
ଆର୍ଦ୍ରଂ॒ ଜ୍ଵଲ॑ତି॒ ଜ୍ୟୋତି॑ର॒ହମ॑ସ୍ମି ।
ଜ୍ୟୋତି॒ର୍ଜ୍ଵଲ॑ତି॒ ବ୍ରହ୍ମା॒ହମ॑ସ୍ମି ।
ୟୋ॑ଽହମ॑ସ୍ମି॒ ବ୍ରହ୍ମା॒ହମ॑ସ୍ମି ।
ଅ॒ହମ॑ସ୍ମି॒ ବ୍ରହ୍ମା॒ହମ॑ସ୍ମି ।
ଅ॒ହମେ॒ଵାହଂ ମାଂ ଜୁ॑ହୋମି॒ ସ୍ଵାହା᳚ ।
ଅ॒କା॒ର୍ୟ॒କା॒ର୍ୟ॑ଵକୀ॒ର୍ଣୀସ୍ତେ॒ନୋ ଭ୍ରୂ॑ଣ॒ହା ଗୁ॑ରୁତ॒ଲ୍ପଗଃ ।
ଵରୁ॑ଣୋ॒ଽପାମ॑ଘମର୍ଷ॒ଣ-ସ୍ତସ୍ମା᳚ତ୍ ପା॒ପାତ୍ ପ୍ରମୁ॑ଚ୍ୟତେ ।
ର॒ଜୋଭୂମି॑-ସ୍ତ୍ଵ॒ମାଗ୍ମ୍ ରୋଦ॑ୟସ୍ଵ॒ ପ୍ରଵ॑ଦଂତି॒ ଧୀରାଃ᳚ ।
ଆକ୍ରାଂ᳚ଥ୍ସମୁ॒ଦ୍ରଃ ପ୍ର॑ଥ॒ମେ ଵିଧ॑ର୍ମଂଜ॒ନୟ॑ନ୍ ପ୍ର॒ଜା ଭୁଵ॑ନସ୍ୟ॒ ରାଜା᳚ ।
ଵୃଷା॑ ପ॒ଵିତ୍ରେ॒ ଅଧି॒ସାନୋ॒ ଅଵ୍ୟେ॑ ବୃ॒ହତ୍ସୋମୋ॑ ଵାଵୃଧେ ସୁଵା॒ନ ଇଂଦୁଃ॑ ॥
Found a Mistake or Error? Report it Now
