શ્રી અમરનાથાષ્ટકમ્ PDF ગુજરાતી

શ્રી અમરનાથાષ્ટકમ્ ગુજરાતી Lyrics

|| શ્રી અમરનાથાષ્ટકમ્ ||

ભાગીરથીસલિલસાન્દ્રજટાકલાપમ્
શીતાંશુકાન્તિ-રમણીય-વિશાલ-ભાલમ્ .
કર્પૂરદુગ્ધહિમહંસનિભં સ્વતોજમ્
નિત્યં ભજામ્યઽમરનાથમહં દયાલુમ્ ..

ગૌરીપતિં પશુપતિં વરદં ત્રિનેત્રમ્
ભૂતાધિપં સકલલોકપતિં સુરેશમ્ .
શાર્દૂલચર્મચિતિભસ્મવિભૂષિતાઙ્ગમ્
નિત્યં ભજામ્યઽમરનાથમહં દયાલુમ્ ..

ગન્ધર્વયક્ષરસુરકિન્નર-સિદ્ધસઙ્ઘૈઃ
સંસ્તૂયમાનમનિશં શ્રુતિપૂતમન્ત્રૈઃ .
સર્વત્રસર્વહૃદયૈકનિવાસિનં તમ્
નિત્યં ભજામ્યઽમરનાથમહં દયાલુમ્ ..

વ્યોમાનિલાનલજલાવનિસોમસૂર્ય
હોત્રીભિરષ્ટતનુભિર્જગદેકનાથઃ .
યસ્તિષ્ઠતીહ જનમઙ્ગલધારણાય
તં પ્રાર્થયામ્યઽમરનાથમહં દયાલુમ્ ..

શૈલેન્દ્રતુઙ્ગશિખરે ગિરિજાસમેતમ્
પ્રાલેયદુર્ગમગુહાસુ સદા વસન્તમ્ .
શ્રીમદ્ગજાનનવિરાજિત દક્ષિણાઙ્કમ્
નિત્યં ભજામ્યઽમરનાથમહં દયાલુમ્ ..

વાગ્બુદ્ધિચિત્તકરણૈશ્ચ તપોભિરુગ્રૈઃ
શક્યં સમાકલયિતું ન યદીયરૂપમ્ .
તં ભક્તિભાવસુલભં શરણં નતાનામ્
નિત્ય ભજામ્યઽમરનાથમહં દયાલુમ્ ..

આદ્યન્તહીનમખિલાધિપતિં ગિરીશમ્
ભક્તપ્રિયં હિતકરં પ્રભુમદ્વયૈકમ્ .
સૃષ્ટિસ્થિતિપ્રલયલીલમનન્તશક્તિમ્
નિત્યં ભજામ્યઽમરનાથમહં દયાલુમ્ ..

હે પાર્વતીશ વૃષભધ્વજ શૂલપાણે
હે નીલકણ્ઠ મદનાન્તક શુભ્રમૂર્તે .
હે ભક્તકલ્પતરુરૂપ સુખૈકસિન્ધો
માં પાહિ પાહિ ભવતોઽમરનાથ નિત્યમ્ ..

ઇતિ સ્વામી વરદાનન્દભારતીવિરચિતં શ્રીઅમરનાથાષ્ટકં સમ્પૂર્ણમ્ .