அநாமய ஸ்தோத்ரம் PDF தமிழ்

அநாமய ஸ்தோத்ரம் தமிழ் Lyrics

|| அநாமய ஸ்தோத்ரம் ||

த்ருʼஷ்ணாதந்த்ரே மனஸி தமஸா து³ர்தி³னே ப³ந்து⁴வர்தீ
மாத்³ருʼக்³ஜந்து꞉ கத²மதி⁴கரோத்யைஶ்வரம்ʼ ஜ்யோதிரக்³ர்யம் .
வாச꞉ ஸ்பீ²தா ப⁴க³வதி ஹரேஸ்ஸன்னிக்ருʼஷ்டாத்மரூபா-
ஸ்ஸ்துத்யாத்மானஸ்ஸ்வயமிவமுகா²த³ஸ்ய மே நிஷ்பதந்தி ..

வேதா⁴ விஷ்ணுர்வருணத⁴னதௌ³ வாஸவோ ஜீவிதேஶ-
ஶ்சந்த்³ராதி³த்யே வஸவ இதி யா தே³வதா பி⁴ன்னகக்ஷ்யா .
மன்யே தாஸாமபி ந ப⁴ஜதே பா⁴ரதீ தே ஸ்வரூபம்ʼ
ஸ்தூ²லே த்வம்ʼஶே ஸ்ப்ருʼஶதி ஸத்³ருʼஶம்ʼ தத்புனர்மாத்³ருʼஶோ(அ)பி ..

தன்னஸ்தா²ணோஸ்ஸ்துதிரதிப⁴ரா ப⁴க்திருச்சைர்முகீ² சேத்³
க்³ராம்யஸ்தோதா ப⁴வதி புருஷ꞉ கஶ்சிதா³ரண்யகோ வா .
நோ சேத்³ப⁴க்திஸ்த்வயி ச யதி³ வா ப்³ரஹ்மவித்³யாத்வதீ⁴தே
நானுத்⁴யேயஸ்தவ பஶுரஸாவாத்மகர்மானபி⁴ஜ்ஞ꞉ ..

விஶ்வம்ʼ ப்ராது³ர்ப⁴வதி லப⁴தே த்வாமதி⁴ஷ்டா²யகம்ʼ சேத்
நேஹோத்பத்திர்யதி³ ஜனயிதா நாஸ்தி சைதன்யயுக்த꞉ .
க்ஷித்யாதீ³னாம்ʼ ப⁴வ நிஜகலாவத்தயா ஜன்மவத்தா
ஸித்⁴யத்யேவம்ʼ ஸதி ப⁴க³வதஸ்ஸர்வலோகாதி⁴பத்யம் ..

போ⁴க்³யாமாஹு꞉ ப்ரக்ருʼதிம்ருʼஷயஶ்சேதநாஶக்திஶூன்யாம்ʼ
போ⁴க்தா சைனாம்ʼ பரிணமயிதும்ʼ பு³த்³தி⁴வர்தீ ஸமர்த²꞉ .
போ⁴கோ³ப்யஸ்மின் ப⁴வதி மிது²னே புஷ்கலஸ்தத்ர ஹேது꞉
நீலக்³ரீவ த்வமஸி பு⁴வனஸ்தா²பனாஸூத்ரதா⁴ர꞉ ..

பி⁴ன்னாவஸ்த²ம்ʼ ஜக³தி ப³ஹுனா தே³ஶகாலப்ரபே⁴தா³த்³
த்³வாப்⁴யாம்ʼ பாபான்யபி⁴கி³ரி ஹரன் யோனவத்³ய க்ரமாப்⁴யாம் .
ப்ரேக்ஷ்யாரூட⁴ஸ்ஸ்ருʼஜதி நியமாத³ஸ்ய ஸர்வம்ʼ ஹி யத்தத்
ஸர்வஜ்ஞத்வம்ʼ த்ரிபு⁴வன ஸ்ருʼஜா யத்ர ஸூத்ரம்ʼ ந கிஞ்சித் ..

சாரூத்³ரேகே ரஜஸி ஜக³தாம்ʼ ஜன்மஸத்வே ப்ரக்ருʼஷ்டே
யாத்ராம்ʼ பூ⁴யஸ்தமஸி ப³ஹுலே பி³ப்⁴ரதஸ்ஸம்ʼஹ்ருʼதிம்ʼ ச .
ப்³ரஹ்மாத்³யைதத்ப்ரக்ருʼதிக³ஹனம்ʼ ஸ்தம்ப⁴பர்யந்தமாஸீத்
க்ரீடா³வஸ்து த்ரிநயன மனோவ்ருʼத்திமாத்ரானுக³ம்ʼ தே ..

க்ருʼத்திஶ்சித்ரா நிவஸனபதே³ கல்பிதா பௌண்ட³ரீகோ
வாஸாகா³ரம்ʼ பித்ருʼவனபு⁴வம்ʼ வாஹனம்ʼ கஶ்சிது³க்ஷா .
ஏவம்ʼ ப்ராஹு꞉ ப்ரலகு⁴ஹ்ருʼத³யா யத்³யபி ஸ்வார்த²போஷம்ʼ
த்வாம்ʼ ப்ரத்யேகம்ʼ த்⁴வனதி ப⁴க³வன்னீஶ இத்யேஷ ஶப்³த³꞉ ..

க்ல்ருʼப்தாகல்ப꞉ கிமயமஶிவைரஸ்தி²முக்²யை꞉ பதா³ர்தை²꞉
கஸ்ஸ்யாத³ஸ்ய ஸ்தனகலஶயோர்பா⁴ரனம்ரா ப⁴வானீ .
பா³ணௌ க²ட்³க³꞉ பரஶுரித³மப்யக்ஷஸூத்ரம்ʼ கிமஸ்யேத்
யா சக்ஷாணோ ஹர க்ருʼதவியாமஸ்து ஹாஸ்யைகவேத்³ய꞉ ..

யத்காபாலவ்ரதமபி மஹத்³ ப்ருʼஷ்டமேகாந்தகோ⁴ரம்ʼ
முக்தேரத்⁴வா ஸ புனரமல꞉ பாவன꞉ கிம்ʼ ந ஜாத꞉ .
தா³க்ஷாயண்யாம்ʼ ப்ரியதமதயா வர்ததே யோக³மாயா
ஸா ஸ்யாத்³த⁴த்தே மிது²னசரிதம்ʼ வ்ருʼத்³தி⁴மூலம்ʼ ப்ரஜானாம் ..

கஶ்சின்மர்த்ய꞉ க்ரதுக்ருʼஶதனுர்நீலகண்ட² த்வயா சேத்³
த்³ருʼஷ்டிஸ்னிக்³த⁴ஸ்ஸ புனரமரஸ்த்ரீபு⁴ஜக்³ராஹ்யகண்ட²꞉ .
அப்யாரூட⁴ஸ்ஸுபரிவ்ருʼதம்ʼ ஸ்தா²னமாக²ண்ட³லீயம்ʼ
த்வம்ʼ சேத்க்ருத்³த⁴ஸ்ஸ பததி நிராலம்ப³னோ த்⁴வாந்தஜாலே ..

ஶஶ்வத்³பா³ல்யம்ʼ ஶரவணப⁴வம்ʼ ஷண்முக²ம்ʼ த்³வாத³ஶாக்ஷம்ʼ
தேஜோ யத்தே கனகநலினீபத்³மபத்ராவதா³தம் .
விஸ்மார்யந்தே ஸுரயுவதயஸ்தேன ஸேந்த்³ராவரோதா⁴
தை³த்யேந்த்³ராணாமஸுரஜயினாம்ʼ ப³ந்த⁴நாகா³ரவாஸம் ..

வேகா³க்ருʼஷ்டக்³ரஹரவிஶஶிவ்யஶ்னுவானம்ʼ தி³க³ந்தாத்
ந்யக்குர்வாணம்ʼ ப்ரலயபயஸாமூர்மிப⁴ங்கா³வலேபம் .
முக்தாகாரம்ʼ ஹர தவ ஜடாப³த்³த⁴ஸம்ʼஸ்பர்ஶி ஸத்³யோ
ஜஜ்ஞே சூடா³ குஸுமஸுப⁴க³ம்ʼ வாரி பா⁴கீ³ரதீ²யம் ..

கல்மாஷஸ்தே மரகதஶிலாப⁴ங்க³காந்திர்ன கண்டே²
ந வ்யாசஷ்டே பு⁴வனவிஷயீம்ʼ த்வத்ப்ரஸாத³ப்ரவ்ருʼத்திம் .
வாராம்ʼ க³ர்ப⁴ஸ்ய ஹி விஷமயோ மந்த³ரக்ஷோப⁴ஜன்மா
நைவம்ʼ ருத்³தோ⁴ யதி³ ந ப⁴வதி ஸ்தா²வரம்ʼ ஜங்க³மம்ʼ வா ..

ஸந்தா⁴யாஸ்த்ரம்ʼ த⁴னுஷி நியமோன்மாயி ஸம்மோஹனாக்²யம்ʼ
பார்ஶ்வே திஷ்ட²ன் கி³ரிஶஸத்³ருʼஶே பஞ்சபா³ணோ முஹூர்தம் .
தஸ்மாதூ³ர்த்⁴வம்ʼ த³ஹனபரிதௌ⁴ ராஷத்³ருʼஷ்டிப்ரஸூதே
ரக்தாஶோகஸ்தவகித இவ ப்ராந்ததூ⁴மத்³விரேப²꞉ ..

லங்காநாத²ம்ʼ லவணஜலதி⁴ஸ்தூ²லவேலோர்மிதீ³ர்கை⁴꞉
கைலாஸம்ʼ தே நிலயநக³ரீம்ʼ பா³ஹுபி⁴꞉ கம்பயந்தம் .
ஆக்ரோஶத்³பி⁴ர்வமிதருதி⁴ரைரானனைராப்லுதாக்ஷை-
ராபாதாலானயத³லஸாப³த்³த⁴மங்கு³ஷ்ட²கர்ம ..

ஐஶ்வர்யம்ʼ தே(அ)ப்யந்ருʼணதபதன்னேகமூர்தா⁴வஶேஷ꞉
பாத³த்³வந்த்³வம்ʼ த³ஶமுக²ஶிர꞉ புண்ட³ரீகோபஹார꞉ .
யேனைவாஸாவதி⁴க³தப²லோ ராக்ஷஸஶ்ரீவிதே⁴ய-
ஶ்சக்ரே தே³வாஸுரபரிஷதோ³ லோகபாலைகஶத்ரு꞉ ..

ப⁴க்திர்பா³ணாஸுரமபி ப⁴யத்பாத³பத்³ய ஸ்ப்ருʼஶந்தம்ʼ
ஸ்தா²னம்ʼ சந்த்³ராப⁴ரண க³மயாமாஸ லோகஸ்ய மூர்த்⁴னி .
நஹ்யஸ்யாபி ப்⁴ருகுடிநயநாத³க்³னித³ம்ʼஷ்ட்ராகராலம்ʼ
த்³ரஷ்டும்ʼ கஶ்சித்³வத³னமஶகத்³தே³வதை³த்யேஶ்வரேஷு ..

பாத³ந்யாஸான்னமதி வஸுதா⁴ பன்னக³ஸ்கந்த⁴லக்³னா
பா³ஹுக்ஷேபாத்³ க்³ரஹக³ணயுதம்ʼ கூ⁴ர்ணதே மேக⁴வ்ருʼந்த³ம் .
உத்ஸாத்³யந்தே க்ஷணமிவ தி³ஶோ ஹுங்க்ருʼதேனாதிமாத்ரம்ʼ
பி⁴ன்னாவஸ்த²ம்ʼ ப⁴வதி பு⁴வனம்ʼ த்வய்யுபக்ராந்தவ்ருʼத்தே ..

நோர்த்⁴வம்ʼ க³ம்யம்ʼ ஸரஸிஜபு⁴வோ நாப்யத⁴ஶ்ஶார்ங்க³பாணே-
ராஸீத³ன்யஸ்தவ ஹுதவஹஸ்தம்ப⁴மூர்த்யா ஸ்தி²தஸ்ய .
பூ⁴யஸ்தாப்⁴யாமுபரி லகு⁴னா விஸ்மயேன ஸ்துவத்³ப்⁴யாம்ʼ
கண்டே² காலம்ʼ கபிலநயனம்ʼ ரூபமாவிர்ப³பூ⁴வ ..

ஶ்லாத்⁴யாம்ʼ த்³ருʼஷ்டிம்ʼ து³ஹிதரி கி³ரேர்ன்யஸ்ய சாபோர்த்⁴வகோட்யாம்ʼ
க்ருʼத்வா பா³ஹும்ʼ த்ரிபுரவிஜயானந்தரம்ʼ தே ஸ்தி²தஸ்ய .
மந்தா³ராணாம்ʼ மது⁴ரஸுரப⁴யோ வ்ருʼஷ்டய꞉ பேதுரார்த்³ரா꞉
ஸ்வர்கோ³த்³யானப்⁴ரமரவனிதாத³த்ததீ³ர்கா⁴னுயாதா꞉ ..

உத்³த்⁴ருʼத்யைகம்ʼ நயனமருணம்ʼ ஸ்னிக்³த⁴தாராபராக³ம்ʼ
பூர்ணேதா⁴த்³ய꞉ பரமஸுலபே⁴ து³ஷ்கராணாம்ʼ ஸஹஸ்ரே .
சக்ரம்ʼ பே⁴ஜே த³ஹனஜடிலம்ʼ த³க்ஷிணம்ʼ தஸ்ய ஹஸ்தம்ʼ
பா³லஸ்யேவ த்³யூதிவலயிதம்ʼ மண்ட³லம்ʼ பா⁴ஸ்கரஸ்ய ..

விஷ்ணுஶ்சக்ரே கரதலக³தே விஷ்டபானாம்ʼ த்ரயாணாம்ʼ
த³த்தாஶ்வாஸோ த³னுஸுதஶிரஶ்சே²த³தீ³க்ஷாம்ʼ ப³ப³ந்த⁴ .
ப்ரத்யாஸன்னம்ʼ தத³பி நயனம்ʼ புண்ட³ரீகாதுகாரி
ஶ்லாக்⁴யா ப⁴க்திஸ்த்ரிநயன ப⁴வத்யர்பிதா கிம்ʼ ந ஸூதே ..

ஸவ்யே ஶூலம்ʼ த்ரிஶிக²ரமபரே தோ³ஷ்ணி பி⁴க்ஷாகபாலம்ʼ
ஸோமோ முக்³த⁴ஶ்ஶிரஸி பு⁴ஜக³꞉ கஶ்சித³ம்ʼஶோத்தரீய꞉ .
கோ(அ)யம்ʼ வேஷஸ்த்ரிநயன குதோ த்³ருʼஷ்ட இத்யத்³ரிகன்யா
ப்ராயேண த்வாம்ʼ ஹஸதி ப⁴க³வன் ப்ரேமநிர்யந்த்ரிதாத்மா ..

ஆர்த்³ரம்ʼ நாகா³ஜினமவயவக்³ரந்தி²மத்³பி³ப்⁴ரத³ம்ʼஸே
ரூபம்ʼ ப்ராவ்ருʼட்³க⁴னருசிமஹாபை⁴ரவம்ʼ த³ர்ஶயித்வா .
பஶ்யன் கௌ³ரீம்ʼ ப⁴யசலகராலம்பி³தஸ்கந்த⁴ஹஸ்தாம்ʼ
மன்யே ப்ரீத்யா த்³ருʼட⁴ இதி ப⁴வான் வஜ்ரதே³ஹே(அ)பி ஜாத꞉ ..

வ்யாலாகல்பா விஷமநயனா வித்³ருமாதாம்ரபா⁴ஸோ
ஜாயாமிஶ்ரா ஜடிலஶிரஶ்சந்த்³ரரேகா²வதம்ʼஸா꞉ .
நித்யானந்தா³ நியதலலிதா꞉ ஸ்னிக்³த⁴கல்மாஷகண்டா²꞉
தே³வா ருத்³ரா த்⁴ருʼதபரஶவஸ்தே ப⁴விஷ்யந்தி ப⁴க்தா꞉ ..

மந்த்ராப்⁴யாஸோ நியமவித⁴யஸ்தீர்த²யாத்ரானுரோதோ⁴
க்³ராமே பி⁴க்ஷாசரணமுடஜே பீ³ஜவ்ருʼத்திர்வனே வா
இத்யாயாஸே மஹதி ரமதாமப்ரக³ல்ப⁴꞉ ப²லார்தே²
ஸ்ம்ருʼத்யேவாஹம்ʼ தவசரணயோர்நிர்வ்ருʼதிம்ʼ ஸாத⁴யாமி ..

ஆஸ்தாம்ʼ தாவத்ஸ்னபனமுபரிக்ஷீரதா⁴ராப்ரவாஹை꞉
ஸ்னேஹாப்⁴யங்கோ³ ப⁴வனகரணம்ʼ க³ந்த⁴புஷ்பார்பணம்ʼ வா .
யஸ்தே கஶ்சித்கிரதி குஸுமான்யுத்³தி³ஶன் பாத³பீட²ம்ʼ
பூ⁴யோ நைவ ப்⁴ரமதி ஜனனீக³ர்ப⁴காராக்³ருʼஹேஷு ..

ஶுக்தாகாரம்ʼ முனிபி⁴ரநிஶம்ʼ சேதஸி த்⁴யாயமானம்ʼ
முக்தாகீ³ரம்ʼ ஶிரஸிஜடிலே ஜாஹ்னவீமுத்³வஹந்தம் .
நானாகாரம்ʼ நவஶஶிகலாஶேக²ரம்ʼ நாக³ஹாரம்ʼ
நாரீமிஶ்ரம்ʼ த்⁴ருʼதனரஶிரோமால்யமீஶம்ʼ நமாமி ..

திர்யக்³யோனௌ த்ரித³ஶநிலயே மானுஷே ராக்ஷஸே வா
யக்ஷாவாஸே விஷத⁴ரபுரே தே³வ வித்³யாத⁴ரே வா .
யஸ்மின் கஸ்மின்ஸுக்ருʼதநிலயே ஜன்மனி ஶ்ரேயஸோ வா
பூ⁴யாத்³யுஷ்மச்சரணகமலத்⁴யாயினீ சித்தவ்ருʼத்தி꞉ ..

வந்தே³ ருத்³ரம்ʼ வரத³மமலம்ʼ த³ண்டி³னம்ʼ முண்ட³தா⁴ரிம்ʼ
தி³வ்யஜ்ஞானம்ʼ த்ரிபுரத³ஹனம்ʼ ஶங்கரம்ʼ ஶூலபாணிம் .
தேஜோராஶிம்ʼ த்ரிபு⁴வனகு³ரும்ʼ தீர்த²மௌலிம்ʼ த்ரிநேத்ரம்ʼ
கைலாஸஸ்த²ம்ʼ த⁴னபதிஸக²ம்ʼ பார்வதீநாத²மீஶம் ..

யோகீ³ போ⁴கீ³ விஷபு⁴க³ம்ருʼதப்⁴ருʼக் ஶஸ்த்ரபாணிஸ்தபஸ்வீ
ஶாந்த꞉ க்ரூர꞉ ஶமிதவிஷய꞉ ஶைலகந்யாஸஹாய꞉ .
பி⁴க்ஷாவ்ருʼத்திஸ்த்ரிபு⁴வனபதி꞉ ஶுத்³தி⁴மானஸ்தி²மாலீ
ஶக்யோ ஜ்ஞாதும்ʼ கத²மிவ ஶிவ த்வம்ʼ விருத்³த⁴ஸ்வபா⁴வ꞉ ..

உபதி³ஶதி யது³ச்சைர்ஜ்யோதிராம்னாயவித்³யாம்ʼ
பரம பரமதூ³ரம்ʼ தூ³ரமாத்³யந்தஶூன்யாம் .
த்ரிபுரஜயினீ தஸ்மின் தே³வதே³வே நிவிஷ்டாம்ʼ
ப⁴க³வதி பரிவர்தோன்மாதி³னீ ப⁴க்திரஸ்து ..

இதி விரசிதமேதச்சாருசந்த்³ரார்த⁴மௌலே-
ர்லலிதபத³முதா³ரம்ʼ த³ண்டி³னா பண்டி³தேன .
ஸ்தவனமவனகாமேனாத்மனோ(அ)நாமயாக்²யம்ʼ
ப⁴வதி விக³தரோகீ³ ஜந்துரேதஜ்ஜபேன ..

ஸ்தோத்ரம்ʼ ஸம்யக்பரமவிது³ஷா த³ண்டி³னாம்ʼ வாச்யவ்ருʼத்தான்
மந்தா³க்ராந்தான் த்ரிபு⁴வனகு³ரோ꞉ பார்வதீவல்லப⁴ஸ்ய .
க்ருʼத்வா ஸ்தோத்ரம்ʼ யதி³ ஸுப⁴க³மாப்னோதி நித்யம்ʼ ஹி புண்யம்ʼ
தேன வ்யாதி⁴ம்ʼ ஹர ஹர ந்ருʼணாம்ʼ ஸ்தோத்ரபாடே²ன ஸத்யம் ..

இதி த³ண்டி³விரசிதமநாமயஸ்தோத்ரம்ʼ ஸம்பூர்ணம் ..