ଧ୍ୟାନମ୍
ରକ୍ତାଂବରୋ ରକ୍ତଵପୁଃ କିରୀଟୀ ଚତୁର୍ଭୁଜୋ ମେଷଗମୋ ଗଦାଭୃତ୍ ।
ଧରାସୁତଃ ଶକ୍ତିଧରଶ୍ଚ ଶୂଲୀ ସଦା ମମ ସ୍ୟାଦ୍ଵରଦଃ ପ୍ରଶାଂତଃ ॥
ଅଥ ଅଂଗାରକ କଵଚମ୍
ଅଂଗାରକଃ ଶିରୋ ରକ୍ଷେତ୍ ମୁଖଂ ଵୈ ଧରଣୀସୁତଃ ।
ଶ୍ରଵୌ ରକ୍ତଂବରଃ ପାତୁ ନେତ୍ରେ ମେ ରକ୍ତଲୋଚନଃ ॥ 1 ॥
ନାସାଂ ଶକ୍ତିଧରଃ ପାତୁ ମୁଖଂ ମେ ରକ୍ତଲୋଚନଃ ।
ଭୁଜୌ ମେ ରକ୍ତମାଲୀ ଚ ହସ୍ତୌ ଶକ୍ତିଧରସ୍ତଥା ॥2 ॥
ଵକ୍ଷଃ ପାତୁ ଵରାଂଗଶ୍ଚ ହୃଦୟଂ ପାତୁ ରୋହିତଃ ।
କଟିଂ ମେ ଗ୍ରହରାଜଶ୍ଚ ମୁଖଂ ଚୈଵ ଧରାସୁତଃ ॥ 3 ॥
ଜାନୁଜଂଘେ କୁଜଃ ପାତୁ ପାଦୌ ଭକ୍ତପ୍ରିୟଃ ସଦା ।
ସର୍ଵାଣ୍ୟନ୍ୟାନି ଚାଂଗାନି ରକ୍ଷେନ୍ମେ ମେଷଵାହନଃ ॥ 4 ॥
ଫଲଶ୍ରୁତିଃ
ୟ ଇଦଂ କଵଚଂ ଦିଵ୍ୟଂ ସର୍ଵଶତ୍ରୁନିଵାରଣମ୍ ।
ଭୂତପ୍ରେତପିଶାଚାନାଂ ନାଶନଂ ସର୍ଵସିଦ୍ଧିଦମ୍ ॥
ସର୍ଵରୋଗହରଂ ଚୈଵ ସର୍ଵସଂପତ୍ପ୍ରଦଂ ଶୁଭମ୍ ।
ଭୁକ୍ତିମୁକ୍ତିପ୍ରଦଂ ନୄଣାଂ ସର୍ଵସୌଭାଗ୍ୟଵର୍ଧନମ୍ ॥
ରୋଗବଂଧଵିମୋକ୍ଷଂ ଚ ସତ୍ୟମେତନ୍ନ ସଂଶୟଃ ॥
॥ ଇତି ଶ୍ରୀ ମାର୍କଂଡେୟପୁରାଣେ ଅଂଗାରକ କଵଚଂ ସଂପୂର୍ଣମ୍ ॥
