ಅಪರ್ಣಾ ಸ್ತೋತ್ರ

|| ಅಪರ್ಣಾ ಸ್ತೋತ್ರ ||

ರಕ್ತಾಮರೀಮುಕುಟಮುಕ್ತಾಫಲ- ಪ್ರಕರಪೃಕ್ತಾಂಘ್ರಿಪಂಕಜಯುಗಾಂ
ವ್ಯಕ್ತಾವದಾನಸೃತ- ಸೂಕ್ತಾಮೃತಾಕಲನ- ಸಕ್ತಾಮಸೀಮಸುಷಮಾಂ.

ಯುಕ್ತಾಗಮಪ್ರಥನಶಕ್ತಾತ್ಮವಾದ- ಪರಿಷಿಕ್ತಾಣಿಮಾದಿಲತಿಕಾಂ
ಭಕ್ತಾಶ್ರಯಾಂ ಶ್ರಯ ವಿವಿಕ್ತಾತ್ಮನಾ ಘನಘೃಣಾಕ್ತಾಮಗೇಂದ್ರತನಯಾಂ.

ಆದ್ಯಾಮುದಗ್ರಗುಣ- ಹೃದ್ಯಾಭವನ್ನಿಗಮಪದ್ಯಾವರೂಢ- ಸುಲಭಾಂ
ಗದ್ಯಾವಲೀವಲಿತ- ಪದ್ಯಾವಭಾಸಭರ- ವಿದ್ಯಾಪ್ರದಾನಕುಶಲಾಂ.

ವಿದ್ಯಾಧರೀವಿಹಿತ- ಪಾದ್ಯಾದಿಕಾಂ ಭೃಶಮವಿದ್ಯಾವಸಾದನಕೃತೇ
ಹೃದ್ಯಾಶು ಧೇಹಿ ನಿರವದ್ಯಾಕೃತಿಂ ಮನನನೇದ್ಯಾಂ ಮಹೇಶಮಹಿಲಾಂ.

ಹೇಲಾಲುಲತ್ಸುರಭಿದೋಲಾಧಿಕ- ಕ್ರಮಣಖೇಲಾವಶೀರ್ಣಘಟನಾ-
ಲೋಲಾಲಕಗ್ರಥಿತಮಾಲಾ- ಗಲತ್ಕುಸುಮಜಾಲಾವ- ಭಾಸಿತತನುಂ.

ಲೀಲಾಶ್ರಯಾಂ ಶ್ರವಣಮೂಲಾವತಂಸಿತ- ರಸಾಲಾಭಿರಾಮಕಲಿಕಾಂ
ಕಾಲಾವಧೀರಣ-ಕರಾಲಾಕೃತಿಂ, ಕಲಯ ಶೂಲಾಯುಧಪ್ರಣಯಿನೀಂ.

ಖೇದಾತುರಃಕಿಮಿತಿ ಭೇದಾಕುಲೇ ನಿಗಮವಾದಾಂತರೇ ಪರಿಚಿತಿ-

ಕ್ಷೋದಾಯ ತಾಮ್ಯಸಿ ವೃಥಾದಾಯ ಭಕ್ತಿಮಯಮೋದಾಮೃತೈಕಸರಿತಂ.

ಪಾದಾವನೀವಿವೃತಿವೇದಾವಲೀ- ಸ್ತವನನಾದಾಮುದಿತ್ವರವಿಪ-

ಚ್ಛಾದಾಪಹಾಮಚಲಮಾದಾಯಿನೀಂ ಭಜ ವಿಷಾದಾತ್ಯಯಾಯ ಜನನೀಂ.

ಏಕಾಮಪಿ ತ್ರಿಗುಣ-ಸೇಕಾಶ್ರಯಾತ್ಪುನರನೇಕಾಭಿಧಾಮುಪಗತಾಂ
ಪಂಕಾಪನೋದಗತ- ತಂಕಾಭಿಷಂಗಮುನಿ- ಶಂಕಾನಿರಾಸಕುಶಲಾಂ.

ಅಂಕಾಪವರ್ಜಿತ- ಶಶಾಂಕಾಭಿರಾಮರುಚಿ- ಸಂಕಾಶವಕ್ತ್ರಕಮಲಾಂ
ಮೂಕಾನಪಿ ಪ್ರಚುರವಾಕಾನಹೋ ವಿದಧತೀಂ ಕಾಲಿಕಾಂ ಸ್ಮರ ಮನಃ.

ವಾಮಾಂ ಗತೇಪ್ರಕೃತಿರಾಮಾಂ ಸ್ಮಿತೇ ಚಟುಲದಾಮಾಂಚಲಾಂ ಕುಚತಟೇ
ಶ್ಯಾಮಾಂ ವಯಸ್ಯಮಿತಭಾಮಾಂ ವಪುಷ್ಯುದಿತಕಾಮಾಂ ಮೃಗಾಂಕಮುಕುಟೇ.

ಮೀಮಾಂಸಿಕಾಂ ದುರಿತಸೀಮಾಂತಿಕಾಂ ಬಹಲಭೀಮಾಂ ಭಯಾಪಹರಣೇ
ನಾಮಾಂಕಿತಾಂ ದ್ರುತಮುಮಾಂ ಮಾತರಂ ಜಪ ನಿಕಾಮಾಂಹಸಾಂ ನಿಹತಯೇ.

ಸಾಪಾಯಕಾಂಸ್ತಿಮಿರಕೂಪಾನಿವಾಶು ವಸುಧಾಪಾನ್ ಭುಜಂಗಸುಹೃದೋ
ಹಾಪಾಸ್ಯ ಮೂಢ ಬಹುಜಾಪಾವಸಕ್ತಮುಹುರಾಪಾದ್ಯ ವಂದ್ಯಸರಣಿಂ.

ತಾಪಾಪಹಾಂ ದ್ವಿಷದಕೂಪಾರಶೋಷಣಕರೀಂ ಪಾಲಿನೀಂ ತ್ರಿಜಗತಾಂ
ಪಾಪಾಹಿತಾಂ ಭೃಶದುರಾಪಾಮಯೋಗಿಭಿರುಮಾಂ ಪಾವನೀಂ ಪರಿಚರ.

ಸ್ಫಾರೀಭವತ್ಕೃತಿಸುಧಾರೀತಿದಾಂ ಭವಿಕಪಾರೀಮುದರ್ಕರಚನಾ-

ಕಾರೀಶ್ವರೀಂ ಕುಮತಿವಾರೀಮೃಷಿ- ಪ್ರಕರಭೂರೀಡಿತಾಂ ಭಗವತೀಂ.
ಚಾರೀವಿಲಾಸಪರಿಚಾರೀ ಭವದ್ಗಗನಚಾರೀ ಹಿತಾರ್ಪಣಚಣಾಂ

ಮಾರೀಭಿದೇ ಗಿರಿಶನಾರೀಮಮೂಂ ಪ್ರಣಮ ಪಾರೀಂದ್ರಪೃಷ್ಠನಿಲಯಾಂ.
ಜ್ಞಾನೇನ ಜಾತೇಽಪ್ಯಪರಾಧಜಾತೇ ವಿಲೋಕಯಂತೀ ಕರುಣಾರ್ದ್ರ-ದೃಷ್ಟ್ಯಾ.
ಅಪೂರ್ವಕಾರುಣ್ಯಕಲಾಂ ವಹಂತೀ ಸಾ ಹಂತು ಮಂತೂನ್ ಜನನೀ ಹಸಂತೀ.

Found a Mistake or Error? Report it Now