Ashtakam (अष्टकम संग्रह)

|| श्रीमहाबलेशाष्टकम् || विशालकरुणं विभुं तरुणचन्द्र सद्भूषणं धराधरसुतापतिं तरुणचन्द्रकोटिप्रभम् । मनोरथविवर्धनं दुरितवर्गविध्वंसनं महाबलशिवं भजे महितसर्वकल्याणदम् ॥ १॥ समाहितमनोनुतं शमितदैत्यदम्भं प्रभुं भवार्णवविशोषणं विहितभक्तसन्तोषणम् । चराचरसुमन्दिरं विधृतबालचन्द्रं शिवं नमामि गिरिजापतिं नलिननेत्रमित्रं परम् ॥ २॥ पराभवविवर्जितं जय जयेति देवैर्नुतं नमामि जगतां गुरुं जननमृत्युदूरं हरम् । जनार्दनसहोदरीनयनपद्मभानूपमं पुराणपुरुषार्चितं शरणलोकसंरक्षकम् ॥ ३॥ दुराचरणभीषणं दुरितवर्गसंहारिणं महागिरिवराश्रयं मुनिवरेण्यसंसेवितम् । हिरण्यनिधिदायकं करुणयैव संरक्षकं…

|| महादेवाष्टकम् || श्रीगणेशाय नमः ॥ शिवं शान्तं शुद्धं प्रकटमकलङ्कं श्रुतिनुतं महेशानं शम्भुं सकलसुरसंसेव्यचरणम् । गिरीशं गौरीशं भवभयहरं निष्कलमजं महादेवं वन्दे प्रणतजनतापोपशमनम् ॥ १॥ सदा सेव्यं भक्तैर्हृदि वसन्तं गिरिशय- मुमाकान्तं क्षान्तं करधृतपिनाकं भ्रमहरम् । त्रिनेत्रं पञ्चास्यं दशभुजमनन्तं शशिधरं महादेवं वन्दे प्रणतजनतापोपशमनम् ॥ २॥ चिताभस्मालिप्तं भुजगमुकुटं विश्वसुखदं धनाध्यक्षस्याङ्गं त्रिपुरवधकर्तारमनघम् । करोटीखट्वाङ्गे ह्यरसि च दधानं मृतिहरं महादेवं…

|| श्रीमध्यार्जुनेशाष्टकम् || मध्यार्जुनेशं भजेहं साम्बमध्यार्जुनेशं महालिङ्गमाद्यं मध्यार्जुनेशं भजेहम् ॥ ध्रुवपदम् ॥ ज्योतिर्महालिङ्गरूपं कॢप्तभूपं भुजङ्गेन कृत्तारिवृन्दम् । भक्तार्ति संहार्यपाङ्गं ब्रह्मविष्ण्वादिवृन्दैर्मुदापूजिताङ्घ्रिम् ॥ १॥ रुद्राक्षमालां धरन्तं ब्रह्महत्यादि पापानि सन्नाशयन्तम् । रक्षन्तमापत्सु भक्तान् भ्रान्तचित्तस्थदोषान् समुन्मूलयन्तम् ॥ २॥ पुण्याश्वमेधप्रचारैः भूतपातादिचोरैः भवाम्भोधितारैः । कुर्वन्ति भक्ताः प्रसन्नं पुत्रपौत्राद्यभीष्टान् सदा पूरयन्तम् ॥ ३॥ भस्मादिभूषाविशेषं पुष्पविल्वादिपत्रैर्जुषाणं सुतोषम् । सर्वार्थदायिप्रदोषं विप्रवर्यौघ सम्प्रोक्तसामादिघोषम् ॥ ४॥…

|| श्रीपञ्चनदीशाष्टकम् || महादेव भवाकार नीलकण्ठ त्रिलोचन । शिवशङ्कर सर्वात्मन् पाहि पञ्चनदीपते ॥ १॥ त्रिपुरान्तक सर्वेश चन्द्रशेखर धूर्जटे । वामदेव क्रतुध्वंसिन् रक्ष पञ्चनदीपते ॥ २॥ देवदेव जगन्नाथ पार्वतीरमणप्रभो । भूतेश शर्व (सर्व) कामारे पाहि पञ्चनदीपते ॥ ३॥ शम्भो पशुपते स्थाणो गङ्गाधर मृडाव्यय । नागाभरण विश्वेश पाहि पञ्चनदीपते ॥ ४॥ पिनाकपाणे श्रीकण्ठ कपालकृतशेखर (कपालधृतशेखर) । अघोर…

|| श्रीनीलकण्ठ नमश्शिवायाष्टकम् || नमो नमः कारणकारणाय जगन्मयायाहितपाशकाय । त्वत्पादपद्माश्रितरक्षकाय श्रीनीलकण्ठाय नमः शिवाय ॥ १॥ ध्यायन्ति ये त्वां यतयः स्तुवन्ति हृदम्बुजे दीपसमप्रकाशम् । नासाग्रविन्यस्तविलोचनाय श्रीनीलकण्ठाय नमः शिवाय ॥ २॥ सर्गस्थितिध्वंसनकारणाय यमादियोगाष्टकसिद्धिदाय । तपस्विनां शीघ्रफलप्रदाय । श्रीनीलकण्ठाय नमः शिवाय ॥ ३॥ वेदादिरूपाय त्रिलोचनाय वेदान्तवेद्याय दिगम्बराय । विभूतिशुभ्राय जटाधराय श्रीनीलकण्ठाय नमः शिवाय ॥ ४॥ उग्राय संसारभयापहाय ज्ञानप्रदायशुसुखप्रदाय…

|| निराश्रयाष्टकम् || हे नीलकण्ठ प्रियदेवदेव कैलासवासिन्नटराजराज । गौरीपते हे करुणावतार निराश्रयं मां जगदीश रक्ष ॥ १॥ हे लिङ्गराजेश्वर विश्वनाथ श्मशानवासिन्भवभीतिहन्त । हे रोगशोकापह मुक्तिदातः निराश्रयं मां जगदीश रक्ष ॥ २॥ हे व्याघ्रचर्मावृतयोगिराज कारुण्यपात्राखिललोकबन्धो । मुक्तेश्वर प्रेममयादिदेव निराश्रयं मां जगदीश रक्ष ॥ ३॥ हे पार्वतीवल्लभवामदेव त्रिशूलधारिन् शवभस्मलिप्त । मृत्युञ्जयग्रामपते महात्मन् निराश्रयं मां जगदीश रक्ष ॥…

|| निग्रहाष्टकम् || श्रीमदप्पय्यदीक्षितविरचितम् । मार्गे सहायं भगवन्तमेव विश्वस्य विश्वाधिक निर्गतोऽस्मि । शास्त्रं प्रमाणं यदि सा विपत्स्या- त्तस्यैव मन्दो मयि यां चिकीर्षेत् ॥ १॥ कान्तारे प्रान्तरे वा मदकुशलकृतौ सान्तरं सान्तरङ्गं मह्यं द्रुह्यन्तमन्तं गमयतु भगवानन्तकस्यान्तकारी । क्षिप्रं विप्राधमस्य क्षिपतु तदुदरस्येव मायाविवर्ता नार्तान्बन्धूनबन्धूनिव मम शिशिराभ्यन्तरान्सन्तनोतु ॥ २॥ सहस्रं वर्तन्तां पथिपथि परे साहसकृतं प्रवर्तन्तां बाधं मयि विविधमप्यारचयितुम् ।…

|| श्रीत्यागराजाष्टकम् || चन्द्रार्धचूडाय सदाशिवाय साम्बाय लक्ष्मीपतिसेविताय । भक्तानुरक्षा(क्ता)य महेश्वराय त्यागाधिराजाय नमः शिवाय ॥ १॥ सुमेरुचापाय सुशोभनाय ब्रह्मेन्द्रनारायणवन्दिताय । वाचामतीताय मनोन्मनाय त्यागाधिराजाय नमः शिवाय ॥ २॥ देवादिदेवाय जगत्त्रयाय जन्मादिहीनाय निरञ्जनाय । राजाधिराजाय सुरेश्वराय त्यागाधिराजाय नमः शिवाय ॥ ३॥ वेदान्तवेद्याय विभूषणाय विराजमानाय सुरस्मिताय । शुद्धान्तसूक्ष्माय सुरार्चिताय त्यागाधिराजाय नमः शिवाय ॥ ४॥ रत्नादिभूषाय जटाधराय कल्पान्तहीनाय कलाधराय ।…

|| जम्बुनाथाष्टकम् || । श्री श्रीधरवेङ्कटेशार्येण विरचितम् । कश्चन जगतां हेतुः कपर्दकन्दलितकुमुदजीवातुः । जयति ज्ञानमहीन्दुर्जन्ममृतिक्लांतिहरदयाबिन्दुः ॥ १॥ श्रितभृतिभद्धपताकः कलितोत्पलवननवमदोद्रेकः । अखिलाण्डमातुरेकः सुखयत्वस्मांस्तपःपरीपाकः ॥ २॥ कश्चन कारुण्यझरः कमलाकुचकलशकषणनिशितशरः । श्रीमान् दमितत्रिपुरः श्रितजंभूपरिसरश्चकास्तु पुरः ॥ ३॥ शमितस्मरदवविसरश्शक्राद्याशास्यसेवनावसरः । करिवनघनभाग्यभरो गिरतु मलं मम मनस्सरश्शफरः ॥ ४॥ गृहिणीकृतवैकुण्ठं गेहितजंभूमहीरुडुपकण्ठम् । दिव्यं किमप्यकुण्ठं तेजः स्तादस्मदवनसोत्कण्ठम् ॥ ५॥ कृतशमनदर्पहरणं कृतकेतरफणितिचारिरथचरणम् ।…

|| चन्द्रचूडालाष्टकम् || श्रीगणेशाय नमः ॥ यमनियमाद्यङ्गयुतैर्योगैर्यत्पादपङ्कजं द्रष्टुम् । प्रयतन्ते मुनिवर्यास्तमहं प्रणमामि चन्द्रचूडालम् ॥ १॥ यमगर्वभञ्जनचणं नमतां सर्वेष्टदानधौरेयम् । शमदमसाधनसम्पल्लभ्यं ग्रणमामि, चन्द्रचूडालम् ॥ २॥ यं द्रोणबिल्वमुख्यैः पूजयतां द्वारि मत्तमातङ्गाः । कण्ठे लसन्ति विद्यास्तमहं प्रणमामि चन्द्रचूडालम् ॥ ३॥ नलिनभवपद्मनेत्रप्रमुखामरसेव्यमानपदपद्मम् । नतजनविद्यादानप्रवणं प्रणमामि चन्द्रचूडालम् ॥ ४॥ नुतिभिर्देववराणां मुखरीकृतमन्दिरद्वारम् । स्तुतमदिमवाक्ततिभिः सततं प्रणमामि चन्द्रचूडालम् ॥ ५॥ जन्तोस्तव पादपूजनकरणात्करपद्मगाः…

|| चतुष्षष्ट्यष्टकम् || सूर्योवाच देवेदेव जगताम्पते विभो भर्ग भीम भव चन्द्रभूषण । भूतनाथ भवभीतिहारक त्वां नतोऽस्मि नतवाञ्छितप्रद ॥ १॥ चन्द्रचूड मृड दूर्जटे हर त्र्यक्ष दक्षशततन्तुशातन । शान्त शाश्वत शिवापते शिव त्वां नतोऽस्मि नतवाञ्छितप्रद ॥ २॥ नीललोहित समीहितार्थद द्व्येकलोचन विरूपलोचन । व्योमकेश पशुपाशनाशन त्वां नतोऽस्मि नतवाञ्छितप्रद ॥ ३॥ वामदेव शितिकण्ठ शूलभृच्चन्द्रशेखर फणीन्द्रभूषण । कामकृत्पशुपते महेश्वर त्वां…

|| गोष्ठेश्वराष्टकम् || सत्यज्ञानमनन्तमद्वयसुखाकारं गुहान्तःस्थित- श्रीचिद्व्योम्नि चिदर्करूपममलं यद् ब्रह्म तत्त्वं परम् । निर्बीजस्थलमध्यभागविलसद्गोष्ठोत्थवल्मीक- सम्भूतं सत् पुरतो विभात्यहह तद्गोष्ठेशलिङ्गात्मना ॥ १॥ सर्वज्ञत्वनिदानभूतकरुणामूर्तिस्वरूपामला चिच्छक्तिर्जडशक्तिकैतववशात् काञ्चीनदीत्वं गता । वल्मीकाश्रयगोष्ठनायकपरब्रह्मैक्यकर्त्री मुहुः नृणां स्नानकृतां विभाति सततं श्रीपिप्पिलारण्यगा ॥ २॥ श्रीमद्राजतशैलश‍ृङ्गविलसच्छ्रीमद्गुहायां मही- वार्वह्न्याशुगखात्मिकी विजयते या पञ्चलिङ्गाकृतिः । सैवाशक्तजनेषु भूरिकृपया श्रीपिप्पिलारण्यगे वल्मीके किल गोष्ठनायकमहालिङ्गात्मना भासते ॥ ३॥ यत्राद्याप्यणिमादिसिद्धिनिपुणाः सिद्धेश्वराणां गणाः तत्तद्दिव्यगुहासु सन्ति…

|| श्रीगिरीशाष्टकम् || क्षीराम्भोराशितूणं धृतपरशुधनुःशूलदीव्यत्कृपाणं गौरीकान्ताभिरामं निटिलहुतवहज्वालनिर्दग्धकामम् । तारक्ष्माभृद्विहारं सकलभुवनभृन्नागराट्कण्ठहारं वीरं रौद्राधिदैवं शरणशिवकरं श्रीगिरीशं भजेऽहम् ॥ १॥ सत्यानन्दस्वरूपं कनकमणिगणप्रस्फुरन्मेरुचापं कृत्याकृत्यादिदूरं चिदमृतसरसीवीचिकान्तर्विहारम् । श्रुत्यन्तस्तूयमानं नतजनसदनासन्नचञ्चन्निधानं प्रत्यद्रि क्रीडमानं प्रणवमयरथं श्रीगिरीशं भजेऽहम् ॥ २॥ कैलासग्रावतुल्योज्ज्वलवृषभकुलाध्यक्षसन्नद्धकेतुं लोलद्दुग्धप्रवाहार्गलमकुटतटीवेष्टिताहीन्द्रसेतुम् । पञ्चाशद्वर्णधातुं हरिकमलभवोत्पत्तिनिष्पत्तिहेतुं पञ्चास्यं श्रुत्युपास्यं निरवधियशसं श्रीगिरीशं भजेऽहम् ॥ ३॥ भीमं सोमं शिवं शङ्करमभवमजं विश्वलोकैकबीजं रुद्रं मुद्रीकृताघं पशुपतिगमनं वीरभद्रं विनिद्रम् । शर्वं…

|| काश्यष्टकम् || श्रीगणेशाय नमः । पापौघविध्वंसकरीं प्रसिद्धां श्रीजाह्नवीभूषितदिव्यरूपाम् । निर्वाणदात्रीं निखिलैकपूज्यां शिवप्रियां चैव नमामि काशीम् ॥ १॥ देवासुरैर्वन्दितपादपद्मां गायन्ति मुनयः सुयशश्च दिव्याम् । प्रसिद्धवेदेषु प्रभावमस्याः शिवप्रियां चैव नमामि काशीम् ॥ २॥ मुमुर्षूणां चैव शिवप्रदायिनीं वैकुण्ठश्रेणिं गुणमन्दिरां च । शिवालयां शोकविनाशिनीं च शिवप्रियां चैव नमामि काशीम् ॥ ३॥ विनाशशून्यां शिवरूपिणीं च मोहान्धकारस्य विनाशिनीं च ।…

|| श्रीकालहस्तीश्वराष्टकम् १ || श्रीलसद्विलासलोलशेषतल्पसायकं शैलकन्यकास्यचन्दचन्द्रिकाचकोरकम् । भालनेत्रवह्निदग्धपञ्चबाणरूपकं कालहस्तिनायकं सुखप्रदायकं भजे ॥ १॥ कालकूटभीकराग्निकण्ठमध्यधारणं कालकर्मखाम्बुकाशखण्डनोग्रहारिणम् । कालमृत्युगर्ववल्लिकासमूलदारणं कालहस्तिनायकं सुखप्रदायकं भजे ॥ २॥ स्थूलसूक्ष्मनित्यसत्यशोभितं शुभोदितं बालचन्द्रशेखरं कृपासुधारसाकरम् । लालितव्रतार्थिलोकबालकर्णमूलकं कालहस्तिनायकं सुखप्रदायकं भजे ॥ ३॥ बालिकावियोगियोगिभावपद्मवासितं धालधल्यकोटिशीतधामसुप्रकाशितम् । कीलसन्निभाग्रशातशूलवृद्धगाशितं कालहस्तिनायकं सुखप्रदायकं भजे ॥ ४॥ भ्रूलतानिरीक्षणप्रभूतलोकजालकं लोलताद्रिजालसत्कपोल(कन्धरं) शिवम् । खेलसत्प्रकल्पितेन्द्रजालतन्त्रकीलकं कालहस्तिनायकं सुखप्रदायकं भजे ॥ ५॥ व्यालमक्षिकाग्ररत्नमातृकाविभूषणं कालसिन्धुकासुरारिपङ्क (रूप)भूषणम्…

|| श्रीअघोराष्टकम् || कालाभ्रोत्पलकालगात्रमनलज्वालोर्ध्वकेशोज्ज्वलं दंष्ट्राद्यस्फुटदोष्ठबिम्बमनलज्वालोग्रनेत्रत्रयम् । रक्ताकोरकरक्तमाल्यरचितं(रुचिरं)रक्तानुलेपप्रियं वन्देऽभीष्टफलाप्तयेऽङ्घ्रिकमलेऽघोरास्त्रमन्त्रेश्वरम् ॥ १॥ जङ्घालम्बितकिङ्किणीमणिगणप्रालम्बिमालाञ्चितं (दक्षान्त्रं)डमरुं पिशाचमनिशं शूलं च मूलं करैः । घण्टाखेटकपालशूलकयुतं वामस्थिते बिभ्रतं वन्देऽभीष्टफलाप्तयेऽङ्घ्रिकमलेऽघोरास्त्रमन्त्रेश्वरम् ॥ २॥ नागेन्द्रावृतमूर्ध्निज(र्धज) स्थित(श्रुति)गलश्रीहस्तपादाम्बुजं श्रीमद्दोःकटिकुक्षिपार्श्वमभितो नागोपवीतावृतम् । लूतावृश्चिकराजराजितमहाहाराङ्कितोरस्स्थलं वन्देऽभीष्टफलाप्तयेऽङ्घ्रिकमलेऽघोरास्त्रमन्त्रेश्वरम् ॥ ३॥ धृत्वा पाशुपतास्त्रनाम कृपया यत्कुण्डलि(यत्कृन्तति)प्राणिनां पाशान्ये क्षुरिकास्त्रपाशदलितग्रन्थिं शिवास्त्राह्वयं (?) । विघ्नाकाङ्क्षिपदं प्रसादनिरतं सर्वापदां तारकं वन्देऽभीष्टफलाप्तयेऽङ्घ्रिकमलेऽघोरास्त्रमन्त्रेश्वरम् ॥ ४॥ घोराघोरतराननं स्फुटदृशं सम्प्रस्फुरच्छूलकं प्राज्यां(ज्यं)नृत्तसुरूपकं चटचटज्वालाग्नितेजःकचम् ।…

|| पुरीश्वराष्टकम् || पतितपावनसुखमहाजनद्रविणसम्भवकारण निखिलपालकभुवनमोहनशमनशासकशासन । सकलसज्जनसवनसज्जितसगुणनिर्गुणकाशन हर हरप्रियहरिपुरीश्वर मम मनोगतदारुणम् ॥ १॥ वलयलोचनसुरतिकोमलमधुरदर्शनहासन नवकलेवरविबुधशेखरजलदसुन्दरवर्षण । मदनमोहनहृदयचन्दनौदयभास्करशोभन हर हरप्रियहरिपुरीश्वर मम मनोगतदारुणम् ॥ २॥ शरणरक्षणसुमतिनायकसुगतिदायककीर्तन प्रभुपदार्चितनिगमवन्दितवचनवाङ्मयनर्तन । शुभशुभाननदशनगौरवहसनसौरभपार्वण हर हरप्रियहरिपुरीश्वर मम मनोगतदारुणम् ॥ ३॥ अगरुचन्दनलसितदारवमुनिमनोहरमोहन कुसुमसज्जितभुजविलम्बितवलयहारसुशोभन । प्रथितशावरपुरितमन्दिरगहनसङ्कटतारण हर हरप्रियहरिपुरीश्वर मम मनोगतदारुणम् ॥ ४॥ रथविराजितसुखदसुन्दरकनकवर्धितवामन परमपावनमयमहेश्वरतरलभक्तिरसायन । श्रुतिकलाकरविधुरगोपनगलितमाध्विकशोषण हर हरप्रियहरिपुरीश्वर मम मनोगतदारुणम् ॥ ५॥ मुकुटमण्डितकनककुण्डलनयनमण्डललोभन नगरनागररसिकशेखरविरलरासविकाशन…

|| श्रीपादुकाष्टकम् || गोकुलेशपादपद्ममण्डनैकमण्डिते सुरेशशेषसर्वदेशवासिवृन्दवन्दिते । अनन्यभक्तवाञ्छिताखिलार्थसिद्धिसाधिके नमो नमोऽस्तु वां सदैव गोकुलेशपादुके ॥ १॥ महार्हरत्ननिर्मिते सुहेमपीतसंस्थिते स्वसेवकैकसेविते सुपुष्पवासवासिते । स्वरूपबुद्धिहीनजीवसत्स्वरूपबोधिके नमो नमोऽस्तु वां सदैव गोकुलेशपादुके ॥ २॥ स्वसेवनैकचेतसामनन्यभक्तिदायिके कृपासुघैकसिक्तभक्तकाममोहनाशिके । महान्धकारलीनजीवहृत्प्रकाशचन्द्रिके नमो नमोऽस्तु वां सदैव गोकुलेशपादुके ॥ ३॥ निजाश्रयस्थिताखिलापदां सदा विदारके ह्यनेकतापतप्तजीवगाङ्गवारिवीचिके । समागतस्य सन्निधौ दुरन्तमोहभञ्जिके नमो नमोऽस्तु वां सदैव गोकुलेशपादुके ॥ ४॥ सदुःखदाववह्निदग्धमुग्धजीवसौख्यदे चण्डकालव्यालग्रस्तत्रस्तविश्वमोक्षिचेके…

|| पाण्डुरङ्गाष्टकम् || महायोगपीठे तटे भीमरथ्या वरं पुण्डरीकाय दातुं मुनीन्द्रैः । समागत्य तिष्ठन्तमानंदकंदं परब्रह्मलिङ्गं भजे पाण्डुरङ्गम् ॥ १॥ तटिद्वाससं नीलमेघावभासं रमामंदिरं सुंदरं चित्प्रकाशम् । वरं त्विष्टकायां समन्यस्तपादं परब्रह्मलिङ्गं भजे पाण्डुरङ्गम् ॥ २॥ प्रमाणं भवाब्धेरिदं मामकानां नितम्बः कराभ्यां धृतो येन तस्मात् । विधातुर्वसत्यै धृतो नाभिकोशः परब्रह्मलिङ्गं भजे पाण्डुरङ्गम् ॥ ३॥ स्फुरत्कौस्तुभालङ्कृतं कण्ठदेशे श्रिया जुष्टकेयूरकं श्रीनिवासम् ।…

|| परिवृढाष्टकम् || कलिन्दोद्भूतायास्तटमनुचरन्ती पशुपजां रहस्येकां दृष्ट्वा नवसुभगवक्षोजयुगलाम् । दृढं नीवीग्रन्धि श्लथयति मृगाक्ष्या हटतरं रतिप्रादुर्भावो भवतु सततं श्रीपरिवृढे ॥ १॥ समायाते स्वस्मिन्सुरनिलयसाम्यं गतवति व्रजे वैशिष्ट्यं यो निजपदगताब्जाङ्कुशयवैः । अकार्षीत्तस्मिन्मे यदुकुलसमुद्भासितमणौ रतिप्रादुर्भावो भवतु सततं श्रीपरिवढे ॥ २॥ हिहीहीहीकारान् प्रतिपशु वने कुर्वति सदा नमद्भह्मेशेन्द्रप्रभृतिषु च मौनं धृतवति । मृगाक्षीभिः स्वेक्षानवकुवलयैरर्चितपदे रतिप्रादुर्भावो भवतु सततं श्रीपरिवृढे ॥ ३॥ सकृत्स्मृत्वा…

|| पतितपावनाष्टकम् || सचिन्त इव लक्ष्यसे सपदि मे चरित्रं स्मरन् परं कलितसाहसः पतितपावनत्वव्रतात् । न मामगणयः पुरा न हि विचारकालोऽधुना व्रतं विसृज वाथवा वरद पावयैनं जनम् ॥ १॥ न राघव न वायसो न खलु कृष्ण चैद्योऽस्म्यहम् न खल्वहमजामिलो नरकनाश नारायण । प्रधानमपराधिनां परिवृढं च मां पापिनं क्षमाजलनिधे विदन् सपदि सावधानो भव ॥ २॥ यद्युद्यदघलेखनाकलनजाग्रदग्राङ्गुलि- मिलत्प्रखरलेखनीमुखविघातवीतोद्यमः…

|| श्रीनीलकण्ठ चिन्तनाष्टकम् || (उपजाति वृत्तम्) ब्राह्मे मुहूर्ते शयनं विहाय निजस्वरूपं हृदि चिन्तयित्वा । स्नातं विशुद्धं प्रचुराभिरद्भिः श्रीनीलकण्ठ हृदि चिन्तयामि ॥ १॥ श्वेतं च सूक्ष्मं परिधाय वासः सितं द्वितीयं वसनं वसित्वा । चतुष्क-पीठाद् द्रुतमुत्तरन्तं श्रीनीलकण्ठं हृदि चिन्तयामि ॥ २॥ आशूपविश्या-मलनैजपीठे विधाय सन्नैष्ठिक-कर्म नित्यम् । नारायणं मालिकया स्मरन्तं श्रीनीलकण्ठं हृदि चिन्तयामि ॥ ३॥ सुगन्धिना केसर-चन्दनेन सन्मल्लिका-चम्पकपुष्पहारैः…

|| नाममाहात्म्याष्टकम् || कथं बन्धनाशो भवेदाशु देव त्वदीयाङ्घ्रिमूले गतोहं वराकः । सुरोवानरो वायदा जन्मपात्रं ततः किं ततः किं ततः किं नु दुःखम् ॥ १॥ तनोः क्लेशभाजो विचित्रस्य हेतुः कुमोहाम्बरं हि श्रुतेः शास्त्रवाक्यात् । सदैवावृतोहं पठेनैव तेन ततः किं ततः किं ततः किं नु दुःखम् ॥ २॥ हरेर्नाममुक्तिं करं निःसहायं सहोपासनं नोगृहस्थादिधर्मैः । यदा नाम मुक्त्वा…

|| श्रीनवनीतप्रियाष्टकम् || अलकावृतलसदलिके विरचितकस्तूरिकातिलके । चपलयशोदाबाले शोभितभाले मतिर्मेऽस्तु ॥ १॥ मुखरितनूपुरचरणे कटिबद्धक्षुद्रघण्टिकावरणे । द्वीपिकरजकृतभूषणभूषितहृदये मतिर्मेऽस्तु ॥ २॥ करधृतनवनवनीते हितकृतजननीविभीषिकाभिते । रतिमुद्वहताच्चेतो गोपीभिर्वश्यतां नीते ॥ ३॥ बालदशामतिमुग्धे चोरितदुग्धे व्रजाङ्गनाभवनात् । तदुपालम्भवचोभयविभ्रमनयने मतिर्मेऽस्तु ॥ ४॥ व्रजकर्दमलिप्ताङ्गे स्वरूपसुषमाजितानङ्गे । कृतनन्दाङ्गणरिङ्गण विविधविहारे मतिर्मेऽस्तु ॥ ५॥ करवरधृतलघुलकुटे विचित्रमायूरचन्द्रिकामुकुटे । नासागतमुक्तामणिजटितविभूषे मतिर्मेऽस्तु ॥ ६॥ अभिनन्दनकृतनृत्ये विरचितनिजगोपिकाकृत्ये । आनन्दितनिजभृत्ये प्रहसनमुदिते मतिर्मेऽस्तु…

|| श्री नन्द नन्दनाष्टकम् || सुचारुवक्त्रमण्डलं सुकर्णरत्नकुण्डलम् । सुचर्चिताङ्गचन्दनं नमामि नन्दनन्दनम् ॥ १॥ सुदीर्घनेत्रपङ्कजं शिखीशिखण्डमूर्धजम् । अनन्तकोटिमोहनं नमामि नन्दनन्दनम् ॥ २॥ सुनासिकाग्रमौक्तिकं स्वच्छदन्तपङ्क्तिकम् । नवाम्बुदाङ्गचिक्कणं नमामि नन्दनन्दनम् ॥ ३॥ करेणवेणुरञ्जितं गतिः करीन्द्रगञ्जितम् । दुकूलपीतशोभनं नमामि नन्दनन्दनम् ॥ ४॥ त्रिभङ्गदेहसुन्दरं नखद्युतिः सुधाकरम् । अमूल्यरत्नभूषणं नमामि नन्दनन्दनम् ॥ ५॥ सुगन्ध अङ्गसौरभं उरो विराजि कौस्तुभम् । स्फुरत् श्रीवत्सलाञ्छनं…

|| श्रीनन्दकुमाराष्टकम् || सुन्दरगोपालं उरवनमालं नयनविशालं दुःखहरं वृन्दावनचन्द्रमानन्दकन्दं परमानन्दं धरणिधरम् । वल्लभघनश्यामं पूर्णकामं अत्यभिरामं प्रीतिकरं भज नन्दकुमारं सर्वसुखसारं तत्त्वविचारं ब्रह्मपरम् ॥ १॥ सुन्दरवारिजवदनं निर्जितमदनं आनन्दसदनं मुकुटधरं गुञ्जाकृतिहारं विपिनविहारं परमोदारं चीरहरम् । वल्लभपटपीतं कृतउपवीतं करनवनीतं विबुधवरं भज नन्दकुमारं सर्वसुखसारं तत्त्वविचारं ब्रह्मपरम् ॥ २॥ शोभितमुखधुलं यमुनाकूलं निपटअतूलं सुखदतरं मुखमण्डितरेणुं चारितधेनुं वादितवेणुं मधुरसुरम् । वल्लभमतिविमलं शुभपदकमलं नखरुचि अमलं…

|| गौराङ्गाष्टकम् || मलयसुवासितभूषितगात्रं मूर्तिमनोहरविश्वपवित्रम् । पदनखराजितलज्जितचन्द्रे शुद्धकनक रय गौर नमस्ते ॥ १॥ स्वगात्रपुलकलोचनपूर्णं जीवदयामयतापविदीर्णम् । साङ्ख्यजलपतिनामसहस्रे शुद्धकनक रय गौर नमस्ते ॥ २॥ हुङ्कृततर्जनगर्जनरङ्गे लोचनकलियुगपाप स शङ्के । पदरजताडितदुष्टसमस्ते शुद्धकनक जय गौर नमस्ते ॥ ३॥ सिंहगमन जिति ताण्डवलील दीनदयामयतारणशील । अजभवश्रीहरिपदनखचन्द्रे शुद्धकनक जय गौर नमस्ते ॥ ४॥ गौराङ्गवृतमालतिमाले मेरुविलम्बितगङ्गाधारे । मन्दमधुरहासभासमुखचन्द्रे शुद्धकनक जय गौर नमस्ते…

|| गोवर्धनधराष्टकम् || गोपनारी मुखांभोजभास्करं वेणुवाद्यकम् । राधिकारसभोक्तारं गोवर्धनधरं भजे ॥ १॥ आभीरनगरीप्राणप्रियं सत्यपराक्रमम् । स्वभृत्यभयभेत्तारं गोवर्धनधरं भजे ॥ २॥ व्रजस्त्री विप्रयोगाग्नि निवारिकमहर्निशम् । महामरकतश्यामं गोवर्धनधरं भजे ॥ ३॥ नवकञ्जनिभाक्षं च गोपीजनमनोहरम् । वनमालाधरं शश्वद्गोवर्धनधरं भजे ॥ ४॥ भक्तवाञ्छाकल्पवृक्षं नवनीतपयोमुखम् । यशोदामातृसानन्दं गोवर्धनधरं भजे ॥ ५॥ अनन्यकृतहृद्भावपूरकं पीतवसनम् । रासमन्डलमध्यस्थं गोवर्धनधरं भजे ॥ ६॥ ध्वजवज्रादिसच्चिह्न…

|| श्रीगोपीजनवल्लभाष्टकम् || ॥ अथ श्रीगोपीजनवल्लभाष्टकम् ॥ सरोजनेत्राय कृपायुताय मन्दारमालापरिभूषिताय । उदारहासाय ससन्मुखाय नमोऽस्तु गोपीजनवल्लभाय ॥ १॥ आनन्दनन्दादिकदायकाय बकीबकप्राणविनाशकाय । मृगेन्द्रहस्ताग्रजभूषणाय नमोऽस्तु गोपीजनवल्लभाय ॥ २॥ गोपाललीलाकृतकौतुकाय गोपालकाजीवनजीवनाय । भक्तैकगम्याय नवप्रियाय नमोऽस्तु गोपीजनवल्लभाय ॥ ३॥ मन्थानभाण्डाखिलभञ्जनाय हैयङ्गवीनाशनरञ्जनाय । गोस्वादुदुग्धामृतपोषिताय नमोऽस्तु गोपीजनवल्लभाय ॥ ४॥ कलिन्दजाकूलकुतूहलाय किशोररूपाय मनोहराय । पिशङ्गवस्त्राय नरोत्तमाय नमोऽस्तु गोपीजनवल्लभाय ॥ ५॥ धराधराभाय धराधराय श‍ृङ्गारहारावलिशोभिताय…

|| श्रीगोपाललालाष्टकम् || श्रीमदाचार्यचरणौ साष्टाङ्गं प्रणिपन्पतौ । विरच्यतेऽष्टकमिदं श्रीमद्गोपालपुष्टिदम् ॥ १॥ यस्यानुकम्पावशतः सुदुर्लभं मानुष्यमाप्तं परमस्य पुंसः । सर्वार्थदं दीनदयालुमेकं गोपाललालं शरणं प्रपद्ये ॥ २॥ योऽदात्स्वसेवोपयिकं शरीरं साङ्गं समर्थं शुभमर्थदं च । सेवाऽनभिज्ञः परमस्य तस्य गोपाललालं शरणं प्रपद्ये ॥ ३॥ निजाङ्गसन्दर्शनयोगयोग्यता योऽदाद्दृशं मे परमो दयालुः । तदङ्गसौन्दर्य्यरसावभिज्ञो गोपाललालं शरणं प्रपद्ये ॥ ४॥ श्रीमत्कथासंश्रवणोपयोगि- श्रोत्रं ददौ यः…

|| श्रीगोकुलेशशयनाष्टकम् || प्रातः स्मरामि गुरुगोकुलनाथसंज्ञं संसारसागरसमुत्तरणैकसेतुम् । श्रीकृष्णचन्द्रचरणाम्बुजसर्वकाल संशुद्धसेवनविधौ कमलावतारम् ॥ १॥ प्रस्वाप्य नन्दतनयं प्रणयेन पश्चा दानन्दपूर्णनिजमन्दिरमभ्युपेतम् । स्थूलोपधानसहितासनसन्निषण्णं श्रीगोकुलेशमनिशं निशि चिन्तयामि ॥ २॥ अभ्यग्रभक्तकरदत्तसिताभ्रयुक्तं ताम्बूलपूर्णवदनं सदनं रसाब्धेः । आवेष्टितं परित आत्मजनैरशेषैः श्रीगोकुलेशमनिशं निशि चिन्तयामि ॥ ३॥ जाते तथा प्रभुकथाकथने तदानी मुत्थापिते परिचयेण पृथूपधाने । गन्तुं गृहाय सुहृदः स्वयमुक्तवन्तं श्रीगोकुलेशमनिशं निशि चिन्तयामि ॥ ४॥…

|| श्रीगोकुलेशद्वात्रिंशन्नामाष्टकम् || श्रीगोकुलेशो जयति नमस्ते गोकुलाधिप । नमस्ते गोकुलाराध्य नमस्ते गोकुलप्रभो ॥ १॥ नमस्ते गोकुलमणे नमस्ते गोकुलोत्सव । नमस्ते गोकुलैकाश नमस्ते गोकुलोदय ॥ २॥ नमस्ते गोकुलपते नमस्ते गोकुलात्मक । नमस्ते गोकुलस्वामिन् नमस्ते गोकुलेश्वर ॥ ३॥ नमस्ते गोकुलानन्द नमस्ते गोकुलप्रिय । नमस्ते गोकुलाह्लाद नमस्ते गोकुलव्रज ॥ ४॥ नमस्ते गोकुलोत्साह नमस्ते गोकुलावन । नमस्ते गोकुलोद्गीत नमस्ते…

|| श्रीगोकुलनन्दगोविन्ददेवाष्टकम् || कोटिकन्दर्पसन्दर्पविध्वंसन स्वीयरूपामृताप्लावितक्ष्मातल । भक्तलोकेक्षणं सक्षणं तर्षयन् गोकुलानन्द गोविन्द तुभ्यं नामः ॥ १॥ यस्य सौरभ्यसौलभ्यभाग्गोपिका भाग्यलेशाय लक्ष्म्यापि तप्तं तपः । निन्दितेन्दीवरश्रीक तस्मै मुहु- र्गोकुलानन्द गोविन्द तुभ्यं नामः ॥ २॥ वंशिकाकण्ठयोर्यः स्वरस्ते स चेत् तालरागादिमान् श्रुत्यनुभ्राजितः । का सुधा ब्रह्म किं का नु वैकुण्ठमु- द्गोकुलानन्द गोविन्द तुभ्यं नामः ॥ ३॥ यत्पदस्पर्शमाधुर्यमज्जत्कुचा धन्यतां यान्ति गोप्यो…

|| रोगहरश्रीगुरुवातपुराधिपाष्टकम् || गुरुपुरमन्दिर गोकुलसुन्दर गोपपुरन्दर गोपतनो गुणगणसागर भक्तशिवङ्कर कौस्तुभकन्धर केलितनो । गणपतिहोमजधूमसुवासितगव्यपयोर्पणतुष्टमते जय जय हे गुरुवातपुराधिप रोगमशेषमपाकुरु मे ॥ १॥ मुरहर माधव मङ्गलसम्भव मान्यसुवैभव रम्यतनो मधुरिपुसूदन मातृसुपूजन मङ्गलवादन मोदमते । मधुमयभाषण चोद्धववन्दन तातसुपूजन तृप्तमते जय जय हे गुरुवातपुराधिप रोगमशेषमपाकुरु मे ॥ २॥ प्रतिदिनमादरपूर्वदिनार्चितमाल्यविसर्जनदत्ततनो प्रतिदिनमर्पिततैलसुषेवणनाशितदुस्सहरोगरिपो । प्रतिदिनमद्भुतचन्दनचर्चित चम्पककल्पितमाल्यतते जय जय हे गुरुवातपुराधिप रोगमशेषमपाकुरु मे ॥…

|| अद्वैताष्टकं २ || गङ्गातीरे तत्पयोभिस्तुलस्यः पत्रैः पुष्पैः प्रेमहुङ्कारघोषैः । प्राकट्यार्थं गौरमाराधयद्यः श्रीलाद्वैताचार्यमेतं प्रपद्ये ॥ १॥ यद्धुङ्करैः प्रेमसिन्धोर्विकारै- राकृष्टः सन् गौरगोलोकनाथः । आविर्भुतः श्रीनवद्वीपमध्ये श्रीलाद्वैताचार्यमेतं प्रपद्ये ॥ २॥ ब्रह्मादीमां दुर्लभप्रेमपूरै- रादिनां यः प्लावयामास लोकम् । आविर्भाव्य श्रीलचैतन्यचन्द्रं श्रीलाद्वैताचार्यमेतं प्रपद्ये ॥ ३॥ श्रीचैतन्यः सर्वशक्तिप्रपूर्णो यस्यैवाजमात्रतोऽन्तर्ददेऽपि । दुर्विजेयं यस्य कारुण्यकृत्यं श्रीलाद्वैताचार्यमेतं प्रपद्ये ॥ ४॥ सृष्टिस्थित्यन्तं विधातुं प्रवृत्त…

|| अच्युताष्टकं २ || अथ अच्युताष्टकम् ॥ अभिलपननिसर्गादच्युताख्ये भजे त्वां हरसि मदघवृन्दं त्वद्भुबुक्षावशात् त्वम् । अघहृदिति तवांब प्रत्युत ख्यातिदोऽहं त्वयि मम वद का वा संगतिर्दैन्यवाचाम् ॥ १॥ चिरातीता सान्दीपनितनुभुवः कालभवन- प्रपत्तिस्तं पित्रोः पुनरगमयत् सन्निधिमिति । यशः कृष्णस्येदं कथमहह न त्वां रसनया यदि श्रीकृष्णाख्ये भजति स तादनीं मुनिसुतः ॥ २॥ हरेर्यच्चोरत्वं यदपि च तथा जारचरितं तदेतत्…

|| श्रीपवनजाष्टकम् || भवभयापहं भारतीपतिं भजकसौख्यदं भानुदीधितिम् । भुवनसुन्दरं भूतिदं हरिं भजत सज्जना मारुतात्मजम् ॥ १॥ अमितविक्रमं ह्यञ्जनासुतं भयविनाशनं त्वब्जलोचनम् । असुरघातिनं ह्यब्धिलङ्घिनं भजत सज्जना मारुतात्मजम् ॥ २॥ परभयङ्करं पाण्डुनन्दनं पतितपावनं पापहारिणम् । परमसुन्दरं पङ्कजाननं भजत सज्जना मारुतात्मजम् ॥ ३॥ कलिविनाशकं कौरवान्तकं कलुषसंहरं कामितप्रदम् । कुरुकुलोद्भवं कुम्भिणीपतिं भजत सज्जना मारुतात्मजम् ॥ ४॥ मतविवर्धनं मायिमर्दनं मणिविभञ्जनं…

|| श्रीभोगापुरेशाष्टकम् || श्रीमद्भोगापुरेशो भवतु भवगुरुर्भूतये मे दयालुः ज्ञानं भक्तिं विरक्तिं प्रदित शमदमाद्यङ्गजातं सुखाय । स्तोतुं वाऽऽराधितुं त्वां न च मम सुमतिः कल्यदीनेन्द्रियेशैः सन्मार्गाद्भ्रान्तितोऽयं पुरुगुण दयया पाहि भोगापुरेश ॥ १॥ मूढोऽहं ज्ञानहीनस्तव पदयुगले भक्तिहीनो दुरात्मा- थापि त्वामेव जाने गुरुवर वचसा स्वामिनं नापरं वा । तस्मादस्मत्कृतागः क्षमय कुरु कृपां सत्त्वसिन्धो हनूमन् दास्यं मे देहि नित्यं दशरथतनयप्रीत…

|| गायत्र्यष्टकम् || विश्वामित्रपःफलां प्रियतरां विप्रालिसंसेवितां नित्यानित्यविवेकदां स्मितमुखीं खण्डेन्दुभूषोज्ज्वलाम् । ताम्बूलारुणभासमानवदनां मार्ताण्डमध्यस्थितां गायत्रीं हरिवल्लभां त्रिनयनां ध्यायामि पञ्चाननाम् ॥ १ ॥ जातीपङ्कजकेतकीकुवलयैः संपूजिताङ्घ्रिद्वयां तत्त्वार्थात्मिकवर्णपङ्क्तिसहितां तत्त्वार्थबुद्धिप्रदाम् । प्राणायामपरायणैर्बुधजनैः संसेव्यमानां शिवां गायत्रीं हरिवल्लभां त्रिनयनां ध्यायामि पञ्चाननाम् ॥ २ ॥ मञ्जीरध्वनिभिः समस्तजगतां मञ्जुत्वसंवर्धनीं विप्रप्रेङ्खितवारिवारितमहारक्षोगणां मृण्मयीम् । जप्तुः पापहरां जपासुमनिभां हंसेन संशोभितां गायत्रीं हरिवल्लभां त्रिनयनां ध्यायामि पञ्चाननाम् ॥ ३ ॥…