అష్ట మహిషీ కృష్ణ స్తోత్రం PDF తెలుగు

అష్ట మహిషీ కృష్ణ స్తోత్రం తెలుగు Lyrics

|| అష్ట మహిషీ కృష్ణ స్తోత్రం ||

హృద్గుహాశ్రితపక్షీంద్ర- వల్గువాక్యైః కృతస్తుతే.

తద్గరుత్కంధరారూఢ రుక్మిణీశ నమోఽస్తు తే.

అత్యున్నతాఖిలైః స్తుత్య శ్రుత్యంతాత్యంతకీర్తిత.

సత్యయోజితసత్యాత్మన్ సత్యభామాపతే నమః.

జాంబవత్యాః కంబుకంఠాలంబ- జృంభికరాంబుజ.

శంభుత్ర్యంబకసంభావ్య సాంబతాత నమోఽస్తు తే.

నీలాయ విలసద్భూషా- జలయోజ్జ్వాలమాలినే.

లోలాలకోద్యత్ఫాలాయ కాలిందీపతయే నమః.

జైత్రచిత్రచరిత్రాయ శాత్రవానీకమృత్యవే.

మిత్రప్రకాశాయ నమో మిత్రవిందాప్రియాయ తే.

బాలనేత్రోత్సవానంత- లీలాలావణ్యమూర్తయే.

నీలాకాంతాయ తే భక్తవాలాయాస్తు నమో నమః.

భద్రాయ స్వజనావిద్యానిద్రా- విద్రవణాయ వై.

రుద్రాణీభద్రమూలాయ భద్రాకాంతాయ తే నమః.

రక్షితాఖిలవిశ్వాయ శిక్షితాఖిలరక్షసే.

లక్షణాపతయే నిత్యం భిక్షుశ్లక్ష్ణాయ తే నమః.