அஷ்டமூர்த்யஷ்டகம்

|| அஷ்டமூர்த்யஷ்டகம் ||

துஷ்டாவாஷ்டதநும் ஹ்ருஷ்ட꞉ ப்ரபு²ல்லநயநாசல꞉ ।
மௌளாவஞ்ஜலிமாதா⁴ய வத³ந் ஜய ஜயேதி ச ॥ 1 ॥

பா⁴ர்க³வ உவாச ।
த்வம் பா⁴பி⁴ராபி⁴ரபி⁴பூ⁴ய தம꞉ ஸமஸ்த-
-மஸ்தம் நயஸ்யபி⁴மதாநி நிஶாசராணாம் ।
தே³தீ³ப்யஸே தி³வமணே க³க³நே ஹிதாய
லோகத்ரயஸ்ய ஜக³தீ³ஶ்வர தந்நமஸ்தே ॥ 2 ॥

லோகே(அ)திவேலமதிவேலமஹாமஹோபி⁴-
-ர்நிர்பா⁴ஸி கௌ ச க³க³நே(அ)கி²லலோகநேத்ர ।
வித்³ராவிதாகி²லதமா꞉ ஸுதமோ ஹிமாம்ஶோ
பீயூஷபூர பரிபூரித தந்நமஸ்தே ॥ 3 ॥

த்வம் பாவநே பதி² ஸதா³க³திரப்யுபாஸ்ய꞉
கஸ்த்வாம் விநா பு⁴வந ஜீவந ஜீவதீஹ ।
ஸ்தப்³த⁴ப்ரப⁴ஞ்ஜநவிவர்தி⁴தஸர்வஜந்தோ
ஸந்தோஷிதாஹிகுல ஸர்வக³ வை நமஸ்தே ॥ 4 ॥

விஶ்வைகபாவக ந தாவகபாவகைக-
-ஶக்தேர்ருதே ம்ருதவதாம்ருததி³வ்யகார்யம் ।
ப்ராணித்யதோ³ ஜக³த³ஹோ ஜக³த³ந்தராத்மம்-
-ஸ்த்வம் பாவக꞉ ப்ரதிபத³ம் ஶமதோ³ நமஸ்தே ॥ 5 ॥

பாநீயரூப பரமேஶ ஜக³த்பவித்ர
சித்ராதிசித்ரஸுசரித்ரகரோ(அ)ஸி நூநம் ।
விஶ்வம் பவித்ரமமலம் கில விஶ்வநாத²
பாநீயகா³ஹநத ஏதத³தோ நதோ(அ)ஸ்மி ॥ 6 ॥

ஆகாஶரூப ப³ஹிரந்தருதாவகாஶ-
-தா³நாத்³விகஸ்வரமிஹேஶ்வர விஶ்வமேதத் ।
த்வத்த꞉ ஸதா³ ஸத³ய ஸம்ஶ்வஸிதி ஸ்வபா⁴வா-
-த்ஸங்கோசமேதி ப⁴வதோ(அ)ஸ்மி நதஸ்ததஸ்த்வாம் ॥ 7 ॥

விஶ்வம்ப⁴ராத்மக பி³ப⁴ர்ஷி விபோ⁴த்ர விஶ்வம்
கோ விஶ்வநாத² ப⁴வதோ(அ)ந்யதமஸ்தமோ(அ)ரி꞉ ।
ஸ த்வம் விநாஶய தமோ மம சாஹிபூ⁴ஷ
ஸ்தவ்யாத்பர꞉ பரபரம் ப்ரணதஸ்ததஸ்த்வாம் ॥ 8 ॥

ஆத்மஸ்வரூப தவரூப பரம்பராபி⁴-
-ராபி⁴ஸ்ததம் ஹர சராசரரூபமேதத் ।
ஸர்வாந்தராத்மநிலய ப்ரதிரூபரூப
நித்யம் நதோ(அ)ஸ்மி பரமாத்மஜநோ(அ)ஷ்டமூர்தே ॥ 9 ॥

இத்யஷ்டமூர்திபி⁴ரிமாபி⁴ரப³ந்த⁴ப³ந்தோ⁴
யுக்த꞉ கரோஷி க²லு விஶ்வஜநீநமூர்தே ।
ஏதத்ததம் ஸுவிததம் ப்ரணதப்ரணீத
ஸர்வார்த²ஸார்த²பரமார்த² ததோ நதோ(அ)ஸ்மி ॥ 10 ॥

அஷ்டமூர்த்யஷ்டகேநேத்த²ம் பரிஷ்டுத்யேதி பா⁴ர்க³வ꞉ ।
ப⁴ர்க³ம் பூ⁴மிமிலந்மௌளி꞉ ப்ரணநாம புந꞉ புந꞉ ॥ 11 ॥

இதி ஶிவமஹாபுராணே ருத்³ரஸம்ஹிதாயாம் யுத்³த⁴க²ண்டே³ பஞ்சாஶத்தமோ(அ)த்⁴யாயே ஶுக்ராசார்யக்ருத அஷ்டமூர்த்யஷ்டகம் ।

Found a Mistake or Error? Report it Now