బిల్వాష్టక PDF తెలుగు

బిల్వాష్టక తెలుగు Lyrics

|| బిల్వాష్టక ||

త్రిదలం త్రిగుణాకారం త్రినేత్రం చ త్రియాయుధం .
త్రిజన్మపాపసంహారం ఏకబిల్వం శివార్పణం ..

త్రిశాఖైః బిల్వపత్రైశ్చ హ్యచ్ఛిద్రైః కోమలైః శుభైః .
శివపూజాం కరిష్యామి హ్యేకబిల్వం శివార్పణం ..

అఖండ బిల్వ పత్రేణ పూజితే నందికేశ్వరే .
శుద్ధ్యంతి సర్వపాపేభ్యో హ్యేకబిల్వం శివార్పణం ..

శాలిగ్రామ శిలామేకాం విప్రాణాం జాతు చార్పయేత్ .
సోమయజ్ఞ మహాపుణ్యం ఏకబిల్వం శివార్పణం ..

దంతికోటి సహస్రాణి వాజపేయ శతాని చ .
కోటికన్యా మహాదానం ఏకబిల్వం శివార్పణం ..

లక్ష్మ్యాస్తనుత ఉత్పన్నం మహాదేవస్య చ ప్రియం .
బిల్వవృక్షం ప్రయచ్ఛామి హ్యేకబిల్వం శివార్పణం ..

దర్శనం బిల్వవృక్షస్య స్పర్శనం పాపనాశనం .
అఘోరపాపసంహారం ఏకబిల్వం శివార్పణం ..

కాశీక్షేత్రనివాసం చ కాలభైరవదర్శనం .
ప్రయాగమాధవం దృష్ట్వా హ్యేకబిల్వం శివార్పణం ..

మూలతో బ్రహ్మరూపాయ మధ్యతో విష్ణురూపిణే .
అగ్రతః శివరూపాయ హ్యేకబిల్వం శివార్పణం ..

బిల్వాష్టకమిదం పుణ్యం యః పఠేత్ శివసన్నిధౌ .
సర్వపాప వినిర్ముక్తః శివలోకమవాప్నుయాత్ ..

.. ఇతి బిల్వాష్టకం ..