चंद्रमौलि दशक स्तोत्र PDF हिन्दी
Download PDF of Chandramouli Dashaka Stotram Hindi
Misc ✦ Stotram (स्तोत्र संग्रह) ✦ हिन्दी
|| चंद्रमौलि दशक स्तोत्र ||
सदा मुदा मदीयके मनःसरोरुहान्तरे
विहारिणेऽघसञ्चयं विदारिणे चिदात्मने।
निरस्ततोय- तोयमुङ्निकाय- कायशोभिने
नमः शिवाय साम्बशङ्कराय चन्द्रमौलये।
नमो नमोऽष्टमूर्तये नमो नमानकीर्तये
नमो नमो महात्मने नमः शुभप्रदायिने।
नमो दयार्द्रचेतसे नमोऽस्तु कृत्तिवाससे
नमः शिवाय साम्बशङ्कराय चन्द्रमौलये।
पितामहाद्यवेद्यक- स्वभावकेवलाय ते
समस्तदेववासवादि- पूजिताङ्घ्रिशोभिने।
भवाय शक्ररत्नसद्गल- प्रभाय शूलिने
नमः शिवाय साम्बशङ्कराय चन्द्रमौलये।
शिवोऽहमस्मि भावये शिवं शिवेन रक्षितः
शिवस्य पूर्णवर्चसः समर्चये पदद्वयम् ।
शिवात्परं न विद्यते शिवे जगत् प्रवर्तये
नमः शिवाय साम्बशङ्कराय चन्द्रमौलये।
मरन्दतुन्दिलारविन्द- सुन्दरस्मिताननो-
न्मिलन्मिलिन्दववृन्द- नीलनीलकुन्तलां शिवाम्।
कलाकलापसारिणीं शिवां च वीक्ष्य तोषिणे
नमः शिवाय साम्बशङ्कराय चन्द्रमौलये।
शिवाननारविन्द- सन्मिलिन्दभावभाङ्मनो-
विनोदिने दिनेशकोटि- कोटिदीप्ततेजसे ।
स्वसेवलोकसादराव- लोकनैकवर्तिने
नमः शिवाय साम्बशङ्कराय चन्द्रमौलये।
जटातटीलुठद्वियद्धुनी- धलद्धलध्वन-
द्घनौघगर्जितोत्थबुद्धि- सम्भ्रमच्छिखण्डिने।
विखण्डितारिमण्डल- प्रचण्डदोस्त्रिशूलिने
नमः शिवाय साम्बशङ्कराय चन्द्रमौलये।
प्रहृष्टहृष्टतुष्टपुष्ट- दिष्टविष्टपाय सं-
नमद्विशिष्टभक्त- विष्टराप्तयेऽष्टमूर्तये।
विदायिने धनाधिनाथसाधु- सख्यदायिने
नमः शिवाय साम्बशङ्कराय चन्द्रमौलये।
अखर्वगर्वदोर्विजृम्भ- दम्भकुम्भदानव-
च्छिदासदाध्वन- त्पिनाकहारिणे विहारिणे।
सुहृत्सुहृत्सुहृत्सुहृत्सु- हृत्स्मयापहारिणे
नमः शिवाय साम्बशङ्कराय चन्द्रमौलये।
अखण्डदण्डबाहुदण्ड- दण्डितोग्रडिण्डिम-
प्रधिं धिमिन्धिमिन्धिमिन्ध्वनि- क्रमोत्थताण्डवम्।
अखण्डवैभवाहि- नाथमण्डितं चिदम्बरं
नमः शिवाय साम्बशङ्कराय चन्द्रमौलये।
चंद्रमौलि दशक स्तोत्र
READ
चंद्रमौलि दशक स्तोत्र
on HinduNidhi Android App
DOWNLOAD ONCE, READ ANYTIME
Your PDF download will start in 15 seconds
CLOSE THIS