దకారాది శ్రీ దుర్గా సహస్రనామ స్తోత్రం PDF తెలుగు

దకారాది శ్రీ దుర్గా సహస్రనామ స్తోత్రం తెలుగు Lyrics

|| దకారాది శ్రీ దుర్గా సహస్రనామ స్తోత్రం ||

శ్రీ దేవ్యువాచ |
మమ నామ సహస్రం చ శివపూర్వవినిర్మితమ్ |
తత్పఠ్యతాం విధానేన తథా సర్వం భవిష్యతి || ౧ ||

ఇత్యుక్త్వా పార్వతీ దేవి శ్రావయామాస తచ్చ తాన్ |
తదేవ నామసాహస్రం దకారాది వరాననే || ౨ ||

రోగదారిద్ర్యదౌర్భాగ్యశోకదుఃఖవినాశకమ్ |
సర్వాసాం పూజితం నామ శ్రీదుర్గా దేవతా మతా || ౩ ||

నిజబీజం భవేద్బీజం మంత్రం కీలకముచ్యతే |
సర్వాశాపూరణే దేవీ వినియోగః ప్రకీర్తితః || ౪ ||

ఓం అస్య దకారాది శ్రీదుర్గాసహస్రనామ స్తోత్రస్య శ్రీశివ ఋషిః అనుష్టుప్ఛందః శ్రీదుర్గా దేవతా, దుం బీజం, దుం కీలకం, రోగ దారిద్ర్య దౌర్భాగ్య శోక దుఃఖ వినాశనార్థే సర్వాశాపూరణార్థే నామపారాయణే వినియోగః |

ధ్యానం –
విద్యుద్దామసమప్రభాం మృగపతి స్కంధస్థితాం భీషణాం
కన్యాభిః కరవాలఖేటవిలద్దస్తాభిరాసేవితామ్ |
హసైశ్చక్రగదాసిఖేట విశిఖాంశ్చాపం గుణం తర్జనీం
బిభ్రాణామనలాత్మికాం శశిధరాం దుర్గాం త్రినేత్రాం భజే ||

స్తోత్రం –
దుం దుర్గా దుర్గతిహరా దుర్గాచలనివాసినీ |
దుర్గమార్గానుసంచారా దుర్గమార్గనివాసినీ || ౧ ||

దుర్గమార్గప్రవిష్టా చ దుర్గమార్గప్రవేశినీ |
దుర్గమార్గకృతావాసా దుర్గమార్గజయప్రియా || ౨ ||

దుర్గమార్గగృహీతార్చా దుర్గమార్గస్థితాత్మికా |
దుర్గమార్గస్తుతిపరా దుర్గమార్గస్మృతిః పరా || ౩ ||

దుర్గమార్గసదాస్థాలీ దుర్గమార్గరతిప్రియా |
దుర్గమార్గస్థలస్థానా దుర్గమార్గవిలాసినీ || ౪ ||

దుర్గమార్గత్యక్తవస్త్రా దుర్గమార్గప్రవర్తినీ |
దుర్గాసురనిహంత్రీ చ దుర్గదుష్టనిషూదినీ || ౫ ||

దుర్గాసురహరా దూతీ దుర్గాసురవినాశినీ |
దుర్గాసురవధోన్మత్తా దుర్గాసురవధోత్సుకా || ౬ ||

దుర్గాసురవధోత్సాహా దుర్గాసురవధోద్యతా |
దుర్గాసురవధప్రేప్సుర్దుర్గాసురమఖాంతకృత్ || ౭ ||

దుర్గాసురధ్వంసతోషా దుర్గదానవదారిణీ |
దుర్గవిద్రావణకరీ దుర్గవిద్రావణీ సదా || ౮ ||

దుర్గవిక్షోభణకరీ దుర్గశీర్షనికృంతినీ |
దుర్గవిధ్వంసనకరీ దుర్గదైత్యనికృంతినీ || ౯ ||

దుర్గదైత్యప్రాణహరా దుర్గదైత్యాంతకారిణీ |
దుర్గదైత్యహరత్రాతా దుర్గదైత్యాసృగున్మదా || ౧౦ ||

దుర్గదైత్యాశనకరీ దుర్గచర్మాంబరావృతా |
దుర్గయుద్ధోత్సవకరీ దుర్గయుద్ధవిశారదా || ౧౧ ||

దుర్గయుద్ధాసవరతా దుర్గయుద్ధవిమర్దినీ |
దుర్గయుద్ధహాస్యరతా దుర్గయుద్ధాట్టహాసినీ || ౧౨ ||

దుర్గయుద్ధమహామత్తా దుర్గయుద్ధానుసారిణీ |
దుర్గయుద్ధోత్సవోత్సాహా దుర్గదేశనిషేవిణీ || ౧౩ ||

దుర్గదేశవాసరతా దుర్గదేశవిలాసినీ |
దుర్గదేశార్చనరతా దుర్గదేశజనప్రియా || ౧౪ ||

దుర్గమస్థానసంస్థానా దుర్గమధ్యానుసాధనా |
దుర్గమా దుర్గమధ్యానా దుర్గమాత్మస్వరూపిణీ || ౧౫ ||

దుర్గమాగమసంధానా దుర్గమాగమసంస్తుతా |
దుర్గమాగమదుర్జ్ఞేయా దుర్గమశ్రుతిసమ్మతా || ౧౬ ||

దుర్గమశ్రుతిమాన్యా చ దుర్గమశ్రుతిపూజితా |
దుర్గమశ్రుతిసుప్రీతా దుర్గమశ్రుతిహర్షదా || ౧౭ ||

దుర్గమశ్రుతిసంస్థానా దుర్గమశ్రుతిమానితా |
దుర్గమాచారసంతుష్టా దుర్గమాచారతోషితా || ౧౮ ||

దుర్గమాచారనిర్వృత్తా దుర్గమాచారపూజితా |
దుర్గమాచారకలితా దుర్గమస్థానదాయినీ || ౧౯ ||

దుర్గమప్రేమనిరతా దుర్గమద్రవిణప్రదా |
దుర్గమాంబుజమధ్యస్థా దుర్గమాంబుజవాసినీ || ౨౦ ||

దుర్గనాడీమార్గగతిర్దుర్గనాడీప్రచారిణీ |
దుర్గనాడీపద్మరతా దుర్గనాడ్యంబుజస్థితా || ౨౧ ||

దుర్గనాడీగతాయాతా దుర్గనాడీకృతాస్పదా |
దుర్గనాడీరతరతా దుర్గనాడీశసంస్తుతా || ౨౨ ||

దుర్గనాడీశ్వరరతా దుర్గనాడీశచుంబితా |
దుర్గనాడీశక్రోడస్థా దుర్గనాడ్యుత్థితోత్సుకా || ౨౩ ||

దుర్గనాడ్యారోహణా చ దుర్గనాడీనిషేవితా |
దరిస్థానా దరిస్థానవాసినీ దనుజాంతకృత్ || ౨౪ ||

దరీకృతతపస్యా చ దరీకృతహరార్చనా |
దరీజాపితదిష్టా చ దరీకృతరతిక్రియా || ౨౫ ||

దరీకృతహరార్హా చ దరీక్రీడితపుత్రికా |
దరీసందర్శనరతా దరీరోపితవృశ్చికా || ౨౬ ||

దరీగుప్తికౌతుకాఢ్యా దరీభ్రమణతత్పరా |
దనుజాంతకరీ దీనా దనుసంతానదారిణీ || ౨౭ ||

దనుజధ్వంసినీ దూనా దనుజేంద్రవినాశినీ | [దీనా]
దానవధ్వంసినీ దేవీ దానవానాం భయంకరీ || ౨౮ ||

దానవీ దానవారాధ్యా దానవేంద్రవరప్రదా |
దానవేంద్రనిహంత్రీ చ దానవద్వేషిణీ సతీ || ౨౯ ||

దానవారిప్రేమరతా దానవారిప్రపూజితా |
దానవారికృతార్చా చ దానవారివిభూతిదా || ౩౦ ||

దానవారిమహానందా దానవారిరతిప్రియా |
దానవారిదానరతా దానవారికృతాస్పదా || ౩౧ ||

దానవారిస్తుతిరతా దానవారిస్మృతిప్రియా |
దానవార్యాహారరతా దానవారిప్రబోధినీ || ౩౨ ||

దానవారిధృతప్రేమా దుఃఖశోకవిమోచినీ |
దుఃఖహంత్రీ దుఃఖదాత్రీ దుఃఖనిర్మూలకారిణీ || ౩౩ ||

దుఃఖనిర్మూలనకరీ దుఃఖదార్యరినాశినీ |
దుఃఖహరా దుఃఖనాశా దుఃఖగ్రామా దురాసదా || ౩౪ ||

దుఃఖహీనా దుఃఖధారా ద్రవిణాచారదాయినీ |
ద్రవిణోత్సర్గసంతుష్టా ద్రవిణత్యాగతోషికా || ౩౫ ||

ద్రవిణస్పర్శసంతుష్టా ద్రవిణస్పర్శమానదా |
ద్రవిణస్పర్శహర్షాఢ్యా ద్రవిణస్పర్శతుష్టిదా || ౩౬ ||

ద్రవిణస్పర్శనకరీ ద్రవిణస్పర్శనాతురా |
ద్రవిణస్పర్శనోత్సాహా ద్రవిణస్పర్శసాధితా || ౩౭ ||

ద్రవిణస్పర్శనమతా ద్రవిణస్పర్శపుత్రికా |
ద్రవిణస్పర్శరక్షిణీ ద్రవిణస్తోమదాయినీ || ౩౮ ||

ద్రవిణాకర్షణకరీ ద్రవిణౌఘవిసర్జనీ |
ద్రవిణాచలదానాఢ్యా ద్రవిణాచలవాసినీ || ౩౯ ||

దీనమాతా దీనబంధుర్దీనవిఘ్నవినాశినీ |
దీనసేవ్యా దీనసిద్ధా దీనసాధ్యా దిగంబరీ || ౪౦ ||

దీనగేహకృతానందా దీనగేహవిలాసినీ |
దీనభావప్రేమరతా దీనభావవినోదినీ || ౪౧ ||

దీనమానవచేతఃస్థా దీనమానవహర్షదా |
దీనదైన్యనిఘాతేచ్ఛుర్దీనద్రవిణదాయినీ || ౪౨ ||

దీనసాధనసంతుష్టా దీనదర్శనదాయినీ |
దీనపుత్రాదిదాత్రీ చ దీనసంపద్విధాయినీ || ౪౩ ||

దత్తాత్రేయధ్యానరతా దత్తాత్రేయప్రపూజితా |
దత్తాత్రేయర్షిసంసిద్ధా దత్తాత్రేయవిభావితా || ౪౪ ||

దత్తాత్రేయకృతార్హా చ దత్తాత్రేయప్రసాధితా |
దత్తాత్రేయహర్షదాత్రీ దత్తాత్రేయసుఖప్రదా || ౪౫ ||

దత్తాత్రేయస్తుతా చైవ దత్తాత్రేయనుతా సదా |
దత్తాత్రేయప్రేమరతా దత్తాత్రేయానుమానితా || ౪౬ ||

దత్తాత్రేయసముద్గీతా దత్తాత్రేయకుటుంబినీ |
దత్తాత్రేయప్రాణతుల్యా దత్తాత్రేయశరీరిణీ || ౪౭ ||

దత్తాత్రేయకృతానందా దత్తాత్రేయాంశసంభవా |
దత్తాత్రేయవిభూతిస్థా దత్తాత్రేయానుసారిణీ || ౪౮ ||

దత్తాత్రేయగీతిరతా దత్తాత్రేయధనప్రదా |
దత్తాత్రేయదుఃఖహరా దత్తాత్రేయవరప్రదా || ౪౯ ||

దత్తాత్రేయజ్ఞానదాత్రీ దత్తాత్రేయభయాపహా |
దేవకన్యా దేవమాన్యా దేవదుఃఖవినాశినీ || ౫౦ ||

దేవసిద్ధా దేవపూజ్యా దేవేజ్యా దేవవందితా |
దేవమాన్యా దేవధన్యా దేవవిఘ్నవినాశినీ || ౫౧ ||

దేవరమ్యా దేవరతా దేవకౌతుకతత్పరా |
దేవక్రీడా దేవవ్రీడా దేవవైరివినాశినీ || ౫౨ ||

దేవకామా దేవరామా దేవద్విష్టవినాశినీ |
దేవదేవప్రియా దేవీ దేవదానవవందితా || ౫౩ ||

దేవదేవరతానందా దేవదేవవరోత్సుకా |
దేవదేవప్రేమరతా దేవదేవప్రియంవదా || ౫౪ ||

దేవదేవప్రాణతుల్యా దేవదేవనితంబినీ |
దేవదేవహృతమనా దేవదేవసుఖావహా || ౫౫ ||

దేవదేవక్రోడరతా దేవదేవసుఖప్రదా |
దేవదేవమహానందా దేవదేవప్రచుంబితా || ౫౬ ||

దేవదేవోపభుక్తా చ దేవదేవానుసేవితా |
దేవదేవగతప్రాణా దేవదేవగతాత్మికా || ౫౭ ||

దేవదేవహర్షదాత్రీ దేవదేవసుఖప్రదా |
దేవదేవమహానందా దేవదేవవిలాసినీ || ౫౮ ||

దేవదేవధర్మపత్నీ దేవదేవమనోగతా |
దేవదేవవధూర్దేవీ దేవదేవార్చనప్రియా || ౫౯ ||

దేవదేవాంకనిలయా దేవదేవాంగశాయినీ |
దేవదేవాంగసుఖినీ దేవదేవాంగవాసినీ || ౬౦ ||

దేవదేవాంగభూషా చ దేవదేవాంగభూషణా |
దేవదేవప్రియకరీ దేవదేవాప్రియాంతకృత్ || ౬౧ ||

దేవదేవప్రియప్రాణా దేవదేవప్రియాత్మికా |
దేవదేవార్చకప్రాణా దేవదేవార్చకప్రియా || ౬౨ ||

దేవదేవార్చకోత్సాహా దేవదేవార్చకాశ్రయా |
దేవదేవార్చకావిఘ్నా దేవదేవప్రసూరపి || ౬౩ ||

దేవదేవస్య జననీ దేవదేవవిధాయినీ |
దేవదేవస్య రమణీ దేవదేవహృదాశ్రయా || ౬౪ ||

దేవదేవేష్టదేవీ చ దేవతాపసపాతినీ |
దేవతాభావసంతుష్టా దేవతాభావతోషితా || ౬౫ ||

దేవతాభావవరదా దేవతాభావసిద్ధిదా |
దేవతాభావసంసిద్ధా దేవతాభావసంభవా || ౬౬ ||

దేవతాభావసుఖినీ దేవతాభావవందితా |
దేవతాభావసుప్రీతా దేవతాభావహర్షదా || ౬౭ ||

దేవతావిఘ్నహంత్రీ చ దేవతాద్విష్టనాశినీ |
దేవతాపూజితపదా దేవతాప్రేమతోషితా || ౬౮ ||

దేవతాగారనిలయా దేవతాసౌఖ్యదాయినీ |
దేవతానిజభావా చ దేవతాహృతమానసా || ౬౯ ||

దేవతాకృతపాదార్చా దేవతాహృతభక్తికా |
దేవతాగర్వమధ్యస్థా దేవతాదేవతాతనుః || ౭౦ ||

దుం దుర్గాయై నమో నామ్నీ దుంఫణ్మంత్రస్వరూపిణీ |
దూం నమో మంత్రరూపా చ దూం నమో మూర్తికాత్మికా || ౭౧ ||

దూరదర్శిప్రియా దుష్టా దుష్టభూతనిషేవితా |
దూరదర్శిప్రేమరతా దూరదర్శిప్రియంవదా || ౭౨ ||

దూరదర్శిసిద్ధిదాత్రీ దూరదర్శిప్రతోషితా |
దూరదర్శికంఠసంస్థా దూరదర్శిప్రహర్షితా || ౭౩ ||

దూరదర్శిగృహీతార్చా దూరదర్శిప్రతర్పితా |
దూరదర్శిప్రాణతుల్యా దూరదర్శిసుఖప్రదా || ౭౪ ||

దూరదర్శిభ్రాంతిహరా దూరదర్శిహృదాస్పదా |
దూరదర్శ్యరివిద్భావా దీర్ఘదర్శిప్రమోదినీ || ౭౫ ||

దీర్ఘదర్శిప్రాణతుల్యా దూరదర్శివరప్రదా |
దీర్ఘదర్శిహర్షదాత్రీ దీర్ఘదర్శిప్రహర్షితా || ౭౬ ||

దీర్ఘదర్శిమహానందా దీర్ఘదర్శిగృహాలయా |
దీర్ఘదర్శిగృహీతార్చా దీర్ఘదర్శిహృతార్హణా || ౭౭ ||

దయా దానవతీ దాత్రీ దయాలుర్దీనవత్సలా |
దయార్ద్రా చ దయాశీలా దయాఢ్యా చ దయాత్మికా || ౭౮ ||

దయా దానవతీ దాత్రీ దయాలుర్దీనవత్సలా |
దయార్ద్రా చ దయాశీలా దయాఢ్యా చ దయాత్మికా || ౭౯ ||

దయాంబుధిర్దయాసారా దయాసాగరపారగా |
దయాసింధుర్దయాభారా దయావత్కరుణాకరీ || ౮౦ ||

దయావద్వత్సలా దేవీ దయా దానరతా సదా |
దయావద్భక్తిసుఖినీ దయావత్పరితోషితా || ౮౧ ||

దయావత్స్నేహనిరతా దయావత్ప్రతిపాదికా |
దయావత్ప్రాణకర్త్రీ చ దయావన్ముక్తిదాయినీ || ౮౨ ||

దయావద్భావసంతుష్టా దయావత్పరితోషితా |
దయావత్తారణపరా దయావత్సిద్ధిదాయినీ || ౮౩ ||

దయావత్పుత్రవద్భావా దయావత్పుత్రరూపిణీ |
దయావద్దేహనిలయా దయాబంధుర్దయాశ్రయా || ౮౪ ||

దయాలువాత్సల్యకరీ దయాలుసిద్ధిదాయినీ |
దయాలుశరణాసక్తా దయాలుదేహమందిరా || ౮౫ ||

దయాలుభక్తిభావస్థా దయాలుప్రాణరూపిణీ |
దయాలుసుఖదా దంభా దయాలుప్రేమవర్షిణీ || ౮౬ ||

దయాలువశగా దీర్ఘా దీర్ఘాంగీ దీర్ఘలోచనా |
దీర్ఘనేత్రా దీర్ఘచక్షుర్దీర్ఘబాహులతాత్మికా || ౮౭ ||

దీర్ఘకేశీ దీర్ఘముఖీ దీర్ఘఘోణా చ దారుణా |
దారుణాసురహంత్రీ చ దారుణాసురదారిణీ || ౮౮ ||

దారుణాహవకర్త్రీ చ దారుణాహవహర్షితా |
దారుణాహవహోమాఢ్యా దారుణాచలనాశినీ || ౮౯ ||

దారుణాచారనిరతా దారుణోత్సవహర్షితా |
దారుణోద్యతరూపా చ దారుణారినివారిణీ || ౯౦ ||

దారుణేక్షణసంయుక్తా దోశ్చతుష్కవిరాజితా |
దశదోష్కా దశభుజా దశబాహువిరాజితా || ౯౧ ||

దశాస్త్రధారిణీ దేవీ దశదిక్ఖ్యాతవిక్రమా |
దశరథార్చితపదా దాశరథిప్రియా సదా || ౯౨ ||

దాశరథిప్రేమతుష్టా దాశరథిరతిప్రియా |
దాశరథిప్రియకరీ దాశరథిప్రియంవదా || ౯౩ ||

దాశరథీష్టసందాత్రీ దాశరథీష్టదేవతా |
దాశరథిద్వేషినాశా దాశరథ్యానుకూల్యదా || ౯౪ ||

దాశరథిప్రియతమా దాశరథిప్రపూజితా |
దశాననారిసంపూజ్యా దశాననారిదేవతా || ౯౫ ||

దశాననారిప్రమదా దశాననారిజన్మభూః |
దశాననారిరతిదా దశాననారిసేవితా || ౯౬ ||

దశాననారిసుఖదా దశాననారివైరిహృత్ |
దశాననారీష్టదేవీ దశగ్రీవారివందితా || ౯౭ ||

దశగ్రీవారిజననీ దశగ్రీవారిభావినీ |
దశగ్రీవారిసహితా దశగ్రీవసభాజితా || ౯౮ ||

దశగ్రీవారిరమణీ దశగ్రీవవధూరపి |
దశగ్రీవనాశకర్త్రీ దశగ్రీవవరప్రదా || ౯౯ ||

దశగ్రీవపురస్థా చ దశగ్రీవవధోత్సుకా |
దశగ్రీవప్రీతిదాత్రీ దశగ్రీవవినాశినీ || ౧౦౦ ||

దశగ్రీవాహవకరీ దశగ్రీవానపాయినీ |
దశగ్రీవప్రియా వంద్యా దశగ్రీవహృతా తథా || ౧౦౧ ||

దశగ్రీవాహితకరీ దశగ్రీవేశ్వరప్రియా |
దశగ్రీవేశ్వరప్రాణా దశగ్రీవవరప్రదా || ౧౦౨ ||

దశగ్రీవేశ్వరరతా దశవర్షీయకన్యకా |
దశవర్షీయబాలా చ దశవర్షీయవాసినీ || ౧౦౩ ||

దశపాపహరా దమ్యా దశహస్తవిభూషితా |
దశశస్త్రలసద్దోష్కా దశదిక్పాలవందితా || ౧౦౪ ||

దశావతారరూపా చ దశావతారరూపిణీ |
దశవిద్యాఽభిన్నదేవీ దశప్రాణస్వరూపిణీ || ౧౦౫ ||

దశవిద్యాస్వరూపా చ దశవిద్యామయీ తథా |
దృక్స్వరూపా దృక్ప్రదాత్రీ దృగ్రపా దృక్ప్రకాశినీ || ౧౦౬ ||

దిగంతరా దిగంతస్థా దిగంబరవిలాసినీ |
దిగంబరసమాజస్థా దిగంబరప్రపూజితా || ౧౦౭ ||

దిగంబరసహచరీ దిగంబరకృతాస్పదా |
దిగంబరహృతచిత్తా దిగంబరకథాప్రియా || ౧౦౮ ||

దిగంబరగుణరతా దిగంబరస్వరూపిణీ |
దిగంబరశిరోధార్యా దిగంబరహృతాశ్రయా || ౧౦౯ ||

దిగంబరప్రేమరతా దిగంబరరతాతురా |
దిగంబరీస్వరూపా చ దిగంబరీగణార్చితా || ౧౧౦ ||

దిగంబరీగణప్రాణా దిగంబరీగణప్రియా |
దిగంబరీగణారాధ్యా దిగంబరగణేశ్వరీ || ౧౧౧ ||

దిగంబరగణస్పర్శమదిరాపానవిహ్వలా |
దిగంబరీకోటివృతా దిగంబరీగణావృతా || ౧౧౨ ||

దురంతా దుష్కృతిహరా దుర్ధ్యేయా దురతిక్రమా |
దురంతదానవద్వేష్ట్రీ దురంతదనుజాంతకృత్ || ౧౧౩ ||

దురంతపాపహంత్రీ చ దస్రనిస్తారకారిణీ |
దస్రమానససంస్థానా దస్రజ్ఞానవివర్ధినీ || ౧౧౪ ||

దస్రసంభోగజననీ దస్రసంభోగదాయినీ |
దస్రసంభోగభవనా దస్రవిద్యావిధాయినీ || ౧౧౫ ||

దస్రోద్వేగహరా దస్రజననీ దస్రసుందరీ |
దస్రభక్తివిధానజ్ఞా దస్రద్విష్టవినాశినీ || ౧౧౬ ||

దస్రాపకారదమనీ దస్రసిద్ధివిధాయినీ |
దస్రతారారాధితా చ దస్రమాతృప్రపూజితా || ౧౧౭ ||

దస్రదైన్యహరా చైవ దస్రతాతనిషేవితా |
దస్రపితృశతజ్యోతిర్దస్రకౌశలదాయినీ || ౧౧౮ ||

దశశీర్షారిసహితా దశశీర్షారికామినీ |
దశశీర్షపురీ దేవీ దశశీర్షసభాజితా || ౧౧౯ ||

దశశీర్షారిసుప్రీతా దశశీర్షవధూప్రియా |
దశశీర్షశిరశ్ఛేత్రీ దశశీర్షనితంబినీ || ౧౨౦ ||

దశశీర్షహరప్రాణా దశశీర్షహరాత్మికా |
దశశీర్షహరారాధ్యా దశశీర్షారివందితా || ౧౨౧ ||

దశశీర్షారిసుఖదా దశశీర్షకపాలినీ |
దశశీర్షజ్ఞానదాత్రీ దశశీర్షారిదేహినీ || ౧౨౨ ||

దశశీర్షవధోపాత్తశ్రీరామచంద్రరూపతా |
దశశీర్షరాష్ట్రదేవీ దశశీర్షారిసారిణీ || ౧౨౩ ||

దశశీర్షభ్రాతృతుష్టా దశశీర్షవధూప్రియా |
దశశీర్షవధూప్రాణా దశశీర్షవధూరతా || ౧౨౪ ||

దైత్యగురురతా సాధ్వీ దైత్యగురుప్రపూజితా |
దైత్యగురూపదేష్ట్రీ చ దైత్యగురునిషేవితా || ౧౨౫ ||

దైత్యగురుమతప్రాణా దైత్యగురుతాపనాశినీ |
దురంతదుఃఖశమనీ దురంతదమనీ తమీ || ౧౨౬ ||

దురంతశోకశమనీ దురంతరోగనాశినీ |
దురంతవైరిదమనీ దురంతదైత్యనాశినీ || ౧౨౭ ||

దురంతకలుషఘ్నీ చ దుష్కృతిస్తోమనాశినీ |
దురాశయా దురాధారా దుర్జయా దుష్టకామినీ || ౧౨౮ ||

దర్శనీయా చ దృశ్యా చాఽదృశ్యా చ దృష్టిగోచరా |
దూతీయాగప్రియా దూతీ దూతీయాగకరప్రియా || ౧౨౯ ||

దూతీయాగకరానందా దూతీయాగసుఖప్రదా |
దూతీయాగకరాయాతా దూతీయాగప్రమోదినీ || ౧౩౦ ||

దుర్వాసఃపూజితా చైవ దుర్వాసోమునిభావితా |
దుర్వాసోఽర్చితపాదా చ దుర్వాసోమౌనభావితా || ౧౩౧ ||

దుర్వాసోమునివంద్యా చ దుర్వాసోమునిదేవతా |
దుర్వాసోమునిమాతా చ దుర్వాసోమునిసిద్ధిదా || ౧౩౨ ||

దుర్వాసోమునిభావస్థా దుర్వాసోమునిసేవితా |
దుర్వాసోమునిచిత్తస్థా దుర్వాసోమునిమండితా || ౧౩౩ ||

దుర్వాసోమునిసంచారా దుర్వాసోహృదయంగమా |
దుర్వాసోహృదయారాధ్యా దుర్వాసోహృత్సరోజగా || ౧౩౪ ||

దుర్వాసస్తాపసారాధ్యా దుర్వాసస్తాపసాశ్రయా |
దుర్వాసస్తాపసరతా దుర్వాసస్తాపసేశ్వరీ || ౧౩౫ ||

దుర్వాసోమునికన్యా చ దుర్వాసోఽద్భుతసిద్ధిదా |
దరరాత్రీ దరహరా దరయుక్తా దరాపహా || ౧౩౬ ||

దరఘ్నీ దరహంత్రీ చ దరయుక్తా దరాశ్రయా |
దరస్మేరా దరాపాంగీ దయాదాత్రీ దయాశ్రయా |
దస్రపూజ్యా దస్రమాతా దస్రదేవీ దరోన్మదా || ౧౩౭ ||

దస్రసిద్ధా దస్రసంస్థా దస్రతాపవిమోచినీ |
దస్రక్షోభహరా నిత్యా దస్రలోకగతాత్మికా || ౧౩౮ ||

దైత్యగుర్వంగనావంద్యా దైత్యగుర్వంగనాప్రియా |
దైత్యగుర్వంగనాసిద్ధా దైత్యగుర్వంగనోత్సుకా || ౧౩౯ ||

దైత్యగురుప్రియతమా దేవగురునిషేవితా |
దేవగురుప్రసూరూపా దేవగురుకృతార్హణా || ౧౪౦ ||

దేవగురుప్రేమయుతా దేవగుర్వనుమానితా |
దేవగురుప్రభావజ్ఞా దేవగురుసుఖప్రదా || ౧౪౧ ||

దేవగురుజ్ఞానదాత్రీ దేవగురుప్రమోదినీ |
దైత్యస్త్రీగణసంపూజ్యా దైత్యస్త్రీగణపూజితా || ౧౪౨ ||

దైత్యస్త్రీగణరూపా చ దైత్యస్త్రీచిత్తహారిణీ |
దైత్యస్త్రీగణపూజ్యా చ దైత్యస్త్రీగణవందితా || ౧౪౩ ||

దైత్యస్త్రీగణచిత్తస్థా దేవస్త్రీగణభూషితా |
దేవస్త్రీగణసంసిద్ధా దేవస్త్రీగణతోషితా || ౧౪౪ ||

దేవస్త్రీగణహస్తస్థచారుచామరవీజితా |
దేవస్త్రీగణహస్తస్థచారుగంధవిలేపితా || ౧౪౫ ||

దేవాంగనాధృతాదర్శదృష్ట్యర్థముఖచంద్రమాః |
దేవాంగనోత్సృష్టనాగవల్లీదలకృతోత్సుకా || ౧౪౬ ||

దేవస్త్రీగణహస్తస్థదీపమాలావిలోకనా |
దేవస్త్రీగణహస్తస్థధూపఘ్రాణవినోదినీ || ౧౪౭ ||

దేవనారీకరగతవాసకాసవపాయినీ |
దేవనారీకంకతికాకృతకేశనిమార్జనా || ౧౪౮ ||

దేవనారీసేవ్యగాత్రా దేవనారీకృతోత్సుకా |
దేవనారీవిరచితపుష్పమాలావిరాజితా || ౧౪౯ ||

దేవనారీవిచిత్రాంగీ దేవస్త్రీదత్తభోజనా |
దేవస్త్రీగణగీతా చ దేవస్త్రీగీతసోత్సుకా || ౧౫౦ ||

దేవస్త్రీనృత్యసుఖినీ దేవస్త్రీనృత్యదర్శినీ |
దేవస్త్రీయోజితలసద్రత్నపాదపదాంబుజా || ౧౫౧ ||

దేవస్త్రీగణవిస్తీర్ణచారుతల్పనిషేదుషీ |
దేవనారీచారుకరాకలితాంఘ్ర్యాదిదేహికా || ౧౫౨ ||

దేవనారీకరవ్యగ్రతాలవృందమరుత్సుకా |
దేవనారీవేణువీణానాదసోత్కంఠమానసా || ౧౫౩ ||

దేవకోటిస్తుతినుతా దేవకోటికృతార్హణా |
దేవకోటిగీతగుణా దేవకోటికృతస్తుతిః || ౧౫౪ ||

దంతదష్ట్యోద్వేగఫలా దేవకోలాహలాకులా |
ద్వేషరాగపరిత్యక్తా ద్వేషరాగవివర్జితా || ౧౫౫ ||

దామపూజ్యా దామభూషా దామోదరవిలాసినీ |
దామోదరప్రేమరతా దామోదరభగిన్యపి || ౧౫౬ ||

దామోదరప్రసూర్దామోదరపత్నీపతివ్రతా |
దామోదరాఽభిన్నదేహా దామోదరరతిప్రియా || ౧౫౭ ||

దామోదరాభిన్నతనుర్దామోదరకృతాస్పదా |
దామోదరకృతప్రాణా దామోదరగతాత్మికా || ౧౫౮ ||

దామోదరకౌతుకాఢ్యా దామోదరకలాకలా |
దామోదరాలింగితాంగీ దామోదరకుతూహలా || ౧౫౯ ||

దామోదరకృతాహ్లాదా దామోదరసుచుంబితా |
దామోదరసుతాకృష్టా దామోదరసుఖప్రదా || ౧౬౦ ||

దామోదరసహాఢ్యా చ దామోదరసహాయినీ |
దామోదరగుణజ్ఞా చ దామోదరవరప్రదా || ౧౬౧ ||

దామోదరానుకూలా చ దామోదరనితంబినీ |
దామోదరబలక్రీడాకుశలా దర్శనప్రియా || ౧౬౨ ||

దామోదరజలక్రీడాత్యక్తస్వజనసౌహృదా |
దామోదరలసద్రాసకేలికౌతుకినీ తథా || ౧౬౩ ||

దామోదరభ్రాతృకా చ దామోదరపరాయణా |
దామోదరధరా దామోదరవైరివినాశినీ || ౧౬౪ ||

దామోదరోపజాయా చ దామోదరనిమంత్రితా |
దామోదరపరాభూతా దామోదరపరాజితా || ౧౬౫ ||

దామోదరసమాక్రాంతా దామోదరహతాశుభా |
దామోదరోత్సవరతా దామోదరోత్సవావహా || ౧౬౬ ||

దామోదరస్తన్యదాత్రీ దామోదరగవేషితా |
దమయంతీసిద్ధిదాత్రీ దమయంతీప్రసాధితా || ౧౬౭ ||

దమయంతీష్టదేవీ చ దమయంతీస్వరూపిణీ |
దమయంతీకృతార్చా చ దమనర్షివిభావితా || ౧౬౮ ||

దమనర్షిప్రాణతుల్యా దమనర్షిస్వరూపిణీ |
దమనర్షిస్వరూపా చ దంభపూరితవిగ్రహా || ౧౬౯ ||

దంభహంత్రీ దంభధాత్రీ దంభలోకవిమోహినీ |
దంభశీలా దంభహరా దంభవత్పరిమర్దినీ || ౧౭౦ ||

దంభరూపా దంభకరీ దంభసంతానదారిణీ |
దత్తమోక్షా దత్తధనా దత్తారోగ్యా చ దాంభికా || ౧౭౧ ||

దత్తపుత్రా దత్తదారా దత్తహారా చ దారికా |
దత్తభోగా దత్తశోకా దత్తహస్త్యాదివాహనా || ౧౭౨ ||

దత్తమతిర్దత్తభార్యా దత్తశాస్త్రావబోధికా |
దత్తపానా దత్తదానా దత్తదారిద్ర్యనాశినీ || ౧౭౩ ||

దత్తసౌధావనీవాసా దత్తస్వర్గా చ దాసదా |
దాస్యతుష్టా దాస్యహరా దాసదాసీశతప్రదా || ౧౭౪ ||

దారరూపా దారవాసా దారవాసిహృదాస్పదా |
దారవాసిజనారాధ్యా దారవాసిజనప్రియా || ౧౭౫ ||

దారవాసివినిర్ణీతా దారవాసిసమర్చితా |
దారవాస్యాహృతప్రాణా దారవాస్యరినాశినీ || ౧౭౬ ||

దారవాసివిఘ్నహరా దారవాసివిముక్తిదా |
దారాగ్నిరూపిణీ దారా దారకార్యరినాశినీ || ౧౭౭ ||

దంపతీ దంపతీష్టా చ దంపతీప్రాణరూపికా |
దంపతీస్నేహనిరతా దాంపత్యసాధనప్రియా || ౧౭౮ ||

దాంపత్యసుఖసేనా చ దాంపత్యసుఖదాయినీ |
దంపత్యాచారనిరతా దంపత్యామోదమోదితా || ౧౭౯ ||

దంపత్యామోదసుఖినీ దాంపత్యాహ్లాదకారిణీ |
దంపతీష్టపాదపద్మా దాంపత్యప్రేమరూపిణీ || ౧౮౦ ||

దాంపత్యభోగభవనా దాడిమీఫలభోజినీ |
దాడిమీఫలసంతుష్టా దాడిమీఫలమానసా || ౧౮౧ ||

దాడిమీవృక్షసంస్థానా దాడిమీవృక్షవాసినీ |
దాడిమీవృక్షరూపా చ దాడిమీవనవాసినీ || ౧౮౨ ||

దాడిమీఫలసామ్యోరుపయోధరసమన్వితా |
దక్షిణా దక్షిణారూపా దక్షిణారూపధారిణీ || ౧౮౩ ||

దక్షకన్యా దక్షపుత్రీ దక్షమాతా చ దక్షసూః |
దక్షగోత్రా దక్షసుతా దక్షయజ్ఞవినాశినీ || ౧౮౪ ||

దక్షయజ్ఞనాశకర్త్రీ దక్షయజ్ఞాంతకారిణీ |
దక్షప్రసూతిర్దక్షేజ్యా దక్షవంశైకపావనీ || ౧౮౫ ||

దక్షాత్మజా దక్షసూనుర్దక్షజా దక్షజాతికా |
దక్షజన్మా దక్షజనుర్దక్షదేహసముద్భవా || ౧౮౬ ||

దక్షజనిర్దక్షయాగధ్వంసినీ దక్షకన్యకా |
దక్షిణాచారనిరతా దక్షిణాచారతుష్టిదా || ౧౮౭ ||

దక్షిణాచారసంసిద్ధా దక్షిణాచారభావితా |
దక్షిణాచారసుఖినీ దక్షిణాచారసాధితా || ౧౮౮ ||

దక్షిణాచారమోక్షాప్తిర్దక్షిణాచారవందితా |
దక్షిణాచారశరణా దక్షిణాచారహర్షితా || ౧౮౯ ||

ద్వారపాలప్రియా ద్వారవాసినీ ద్వారసంస్థితా |
ద్వారరూపా ద్వారసంస్థా ద్వారదేశనివాసినీ || ౧౯౦ ||

ద్వారకరీ ద్వారధాత్రీ దోషమాత్రవివర్జితా |
దోషాకరా దోషహరా దోషరాశివినాశినీ || ౧౯౧ ||

దోషాకరవిభూషాఢ్యా దోషాకరకపాలినీ |
దోషాకరసహస్రాభా దోషాకరసమాననా || ౧౯౨ ||

దోషాకరముఖీ దివ్యా దోషాకరకరాగ్రజా |
దోషాకరసమజ్యోతిర్దోషాకరసుశీతలా || ౧౯౩ ||

దోషాకరశ్రేణీ దోషాసదృశాపాంగవీక్షణా |
దోషాకరేష్టదేవీ చ దోషాకరనిషేవితా || ౧౯౪ ||

దోషాకరప్రాణరూపా దోషాకరమరీచికా |
దోషాకరోల్లసద్భాలా దోషాకరసుహర్షిణీ || ౧౯౫ ||

దోషాకరశిరోభూషా దోషాకరవధూప్రియా |
దోషాకరవధూప్రాణా దోషాకరవధూమతా || ౧౯౬ ||

దోషాకరవధూప్రీతా దోషాకరవధూరపి |
దోషాపూజ్యా తథా దోషాపూజితా దోషహారిణీ || ౧౯౭ ||

దోషాజాపమహానందా దోషాజాపపరాయణా |
దోషాపురశ్చారరతా దోషాపూజకపుత్రిణీ || ౧౯౮ ||

దోషాపూజకవాత్సల్యకారిణీ జగదంబికా |
దోషాపూజకవైరిఘ్నీ దోషాపూజకవిఘ్నహృత్ || ౧౯౯ ||

దోషాపూజకసంతుష్టా దోషాపూజకముక్తిదా |
దమప్రసూనసంపూజ్యా దమపుష్పప్రియా సదా || ౨౦౦ ||

దుర్యోధనప్రపూజ్యా చ దుఃశాసనసమర్చితా |
దండపాణిప్రియా దండపాణిమాతా దయానిధిః || ౨౦౧ ||

దండపాణిసమారాధ్యా దండపాణిప్రపూజితా |
దండపాణిగృహాసక్తా దండపాణిప్రియంవదా || ౨౦౨ ||

దండపాణిప్రియతమా దండపాణిమనోహరా |
దండపాణిహృతప్రాణా దండపాణిసుసిద్ధిదా || ౨౦౩ ||

దండపాణిపరామృష్టా దండపాణిప్రహర్షితా |
దండపాణివిఘ్నహరా దండపాణిశిరోధృతా || ౨౦౪ ||

దండపాణిప్రాప్తచర్చా దండపాణ్యున్ముఖీ సదా |
దండపాణిప్రాప్తపదా దండపాణివరోన్ముఖీ || ౨౦౫ ||

దండహస్తా దండపాణిర్దండబాహుర్దరాంతకృత్ |
దండదోష్కా దండకరా దండచిత్తకృతాస్పదా || ౨౦౬ ||

దండవిద్యా దండమాతా దండఖండకనాశినీ |
దండప్రియా దండపూజ్యా దండసంతోషదాయినీ || ౨౦౭ ||

దస్యుపూజ్యా దస్యురతా దస్యుద్రవిణదాయినీ |
దస్యువర్గకృతార్హా చ దస్యువర్గవినాశినీ || ౨౦౮ ||

దస్యునిర్ణాశినీ దస్యుకులనిర్ణాశినీ తథా |
దస్యుప్రియకరీ దస్యునృత్యదర్శనతత్పరా || ౨౦౯ ||

దుష్టదండకరీ దుష్టవర్గవిద్రావిణీ తథా |
దుష్టగర్వనిగ్రహార్హా దూషకప్రాణనాశినీ || ౨౧౦ ||

దూషకోత్తాపజననీ దూషకారిష్టకారిణీ |
దూషకద్వేషణకరీ దాహికా దహనాత్మికా || ౨౧౧ ||

దారుకారినిహంత్రీ చ దారుకేశ్వరపూజితా |
దారుకేశ్వరమాతా చ దారుకేశ్వరవందితా || ౨౧౨ ||

దర్భహస్తా దర్భయుతా దర్భకర్మవివర్జితా |
దర్భమయీ దర్భతనుర్దర్భసర్వస్వరూపిణీ || ౨౧౩ ||

దర్భకర్మాచారరతా దర్భహస్తకృతార్హణా |
దర్భానుకూలా దంభర్యా దర్వీపాత్రానుదామినీ || ౨౧౪ ||

దమఘోషప్రపూజ్యా చ దమఘోషవరప్రదా |
దమఘోషసమారాధ్యా దావాగ్నిరూపిణీ తథా || ౨౧౫ ||

దావాగ్నిరూపా దావాగ్నినిర్ణాశితమహాబలా |
దంతదంష్ట్రాసురకలా దంతచర్చితహస్తికా || ౨౧౬ ||

దంతదంష్ట్రస్యందనా చ దంతనిర్ణాశితాసురా |
దధిపూజ్యా దధిప్రీతా దధీచివరదాయినీ || ౨౧౭ ||

దధీచీష్టదేవతా చ దధీచిమోక్షదాయినీ |
దధీచిదైన్యహంత్రీ చ దధీచిదరదారిణీ || ౨౧౮ ||

దధీచిభక్తిసుఖినీ దధీచిమునిసేవితా |
దధీచిజ్ఞానదాత్రీ చ దధీచిగుణదాయినీ || ౨౧౯ ||

దధీచికులసంభూషా దధీచిభుక్తిముక్తిదా |
దధీచికులదేవీ చ దధీచికులదేవతా || ౨౨౦ ||

దధీచికులగమ్యా చ దధీచికులపూజితా |
దధీచిసుఖదాత్రీ చ దధీచిదైన్యహారిణీ || ౨౨౧ ||

దధీచిదుఃఖహంత్రీ చ దధీచికులసుందరీ |
దధీచికులసంభూతా దధీచికులపాలినీ || ౨౨౨ ||

దధీచిదానగమ్యా చ దధీచిదానమానినీ |
దధీచిదానసంతుష్టా దధీచిదానదేవతా || ౨౨౩ ||

దధీచిజయసంప్రీతా దధీచిజపమానసా |
దధీచిజపపూజాఢ్యా దధీచిజపమాలికా || ౨౨౪ ||

దధీచిజపసంతుష్టా దధీచిజపతోషిణీ |
దధీచితపసారాధ్యా దధీచిశుభదాయినీ || ౨౨౫ ||

దూర్వా దూర్వాదలశ్యామా దూర్వాదలసమద్యుతిః |
నామ్నాం సహస్రం దుర్గాయా దాదీనామితి కీర్తితమ్ || ౨౨౬ ||

యః పఠేత్ సాధకాధీశః సర్వసిద్ధిర్లభేత్తు సః |
ప్రాతర్మధ్యాహ్నకాలే చ సంధ్యాయాం నియతః శుచిః || ౨౨౭ ||

తథాఽర్ధరాత్రసమయే స మహేశ ఇవాపరః |
శక్తియుక్తో మహారాత్రౌ మహావీరః ప్రపూజయేత్ || ౨౨౮ ||

మహాదేవీం మకారాద్యైః పంచభిర్ద్రవ్యసత్తమైః |
యః సంపఠేత్ స్తుతిమిమాం స చ సిద్ధిస్వరూపధృక్ || ౨౨౯ ||

దేవాలయే శ్మశానే చ గంగాతీరే నిజే గృహే |
వారాంగనాగృహే చైవ శ్రీగురోః సన్నిధావపి || ౨౩౦ ||

పర్వతే ప్రాంతరే ఘోరే స్తోత్రమేతత్ సదా పఠేత్ |
దుర్గానామసహస్రం హి దుర్గాం పశ్యతి చక్షుషా || ౨౩౧ ||

శతావర్తనమేతస్య పురశ్చరణముచ్యతే |
స్తుతిసారో నిగదితః కిం భూయః శ్రోతుమిచ్ఛసి || ౨౩౨ ||

ఇతి కులార్ణవతంత్రే దకారాది శ్రీ దుర్గా సహస్రనామ స్తోత్రమ్ |