শ্রী দত্তাত্রেয়াষ্টকম্ PDF বাংলা

শ্রী দত্তাত্রেয়াষ্টকম্ বাংলা Lyrics

|| শ্রী দত্তাত্রেয়াষ্টকম্ ||

শ্রীদত্তাত্রেয়ায় নমঃ ।

আদৌ ব্রহ্মমুনীশ্বরং হরিহরং সত্ত্বং-রজস্তামসং
ব্রহ্মাণ্ডং চ ত্রিলোকপাবনকরং ত্রৈমূর্তিরক্ষাকরম্ ।
ভক্তানামভয়ার্থরূপসহিতং সোঽহং স্বয়ং ভাবয়ন্
সোঽহং দত্তদিগম্বরং বসতু মে চিত্তে মহৎসুন্দরম্ ॥

বিশ্বং বিষ্ণুময়ং স্বয়ং শিবময়ং ব্রহ্মামুনীন্দ্রোময়ং
ব্রহ্মেন্দ্রাদিসুরাগণার্চিতময়ং সত্যং সমুদ্রোময়ম্ ।
সপ্তং লোকময়ং স্বয়ং জনময়ং মধ্যাদিবৃক্ষোময়ং
সোঽহং দত্তদিগম্বরং বসতু মে চিত্তে মহৎসুন্দরম্ ॥

আদিত্যাদিগ্রহা স্বধাঋষিগণং বেদোক্তমার্গে স্বয়ং
বেদং শাস্ত্র-পুরাণপুণ্যকথিতং জ্যোতিস্বরূপং শিবম্ ।
এবং শাস্ত্রস্বরূপয়া ত্রয়গুণৈস্ত্রৈলোক্যরক্ষাকরং
সোঽহং দত্তদিগম্বরং বসতু মে চিত্তে মহৎসুন্দরম্ ॥

উৎপত্তি-স্থিতি-নাশকারণকরং কৈবল্যমোক্ষপ্রদং
কৈলাসাদিনিবাসিনং শশিধরং রুদ্রাক্ষমালাগলম্ ।
হস্তে চাপ-ধনুঃশরাশ্চ মুসলং খট্বাঙ্গচর্মাধরং
সোঽহং দত্তদিগম্বরং বসতু মে চিত্তে মহৎসুন্দরম্ ॥

শুদ্ধং চিত্তময়ং সুবর্ণময়দং বুদ্ধিং প্রকাশোময়ং
ভোগ্যং ভোগময়ং নিরাহতময়ং মুক্তিপ্রসন্নোময়ম্ ।
দত্তং দত্তময়ং দিগম্বরময়ং ব্রহ্মাণ্ডসাক্ষাৎকরং
সোঽহং দত্তদিগম্বরং বসতু মে চিত্তে মহৎসুন্দরম্ ॥

সোঽহংরূপময়ং পরাৎপরময়ং নিঃসঙ্গনির্লিপ্তকং
নিত্যং শুদ্ধনিরঞ্জনং নিজগুরুং নিত্যোৎসবং মঙ্গলম্ ।
সত্যং জ্ঞানমনন্তব্রহ্মহৃদয়ং ব্যাপ্তং পরোদৈবতং
সোঽহং দত্তদিগম্বরং বসতু মে চিত্তে মহৎসুন্দরম্ ॥

কাষায়ং করদণ্ডধারপুরুষং রুদ্রাক্ষমালাগলং
ভস্মোদ্ধূলিতলোচনং কমলজং কোল্হাপুরীভিক্ষণম্ ।
কাশীস্নানজপাদিকং যতিগুরুং তন্মাহুরীবাসিতং
সোঽহং দত্তদিগম্বরং বসতু মে চিত্তে মহৎসুন্দরম্ ॥

কৃষ্ণাতীরনিবাসিনং নিজপদং ভক্তার্থসিদ্ধিপ্রদং
মুক্তিং দত্তদিগম্বরং যতিগুরুং নাস্তীতি লোকাঞ্জনম্ ।
সত্যং সত্যমসত্যলোকমহিমা প্রাপ্তব্যভাগ্যোদয়ং
সোঽহং দত্তদিগম্বরং বসতু মে চিত্তে মহৎসুন্দরম্ ॥

ইতি শ্রীমচ্ছঙ্করাচার্যবিরচিতং শ্রীদত্তাষ্টকং সম্পূর্ণম্ ।