श्रीदुन्दुरामाचार्याष्टकम् PDF संस्कृत

श्रीदुन्दुरामाचार्याष्टकम् संस्कृत Lyrics

|| श्रीदुन्दुरामाचार्याष्टकम् ||

श्रीसीतारामभक्तानां भक्तिभावप्रदं नृणाम् ।
दुन्दुराममहं वन्दे द्वाराचार्यं जगद्गुरुम् ॥ १॥

सीतारामप्रपन्नं च श्रीमद्दामोदराभिधम् ।
दुन्दुराममहं वन्दे द्वाराचार्यं जगद्गुरुम् ॥ २॥

सदाचारं प्रदायाथ दुराचारापसारकम् ।
दुन्दुराममहं वन्दे द्वाराचार्यं जगद्गुरुम् ॥ ३॥

वादिनां च विजेतारं स्वानुयायिजयावहम् ।
दुन्दुराममहं वन्दे द्वाराचार्यं जगद्गुरुम् ॥ ४॥

रामानन्दस्य धर्मस्य रक्षाकर्मीण दीक्षितम् ।
दुन्दुराममहं वन्दे द्वाराचार्यं जगद्गुरुम् ॥ ५॥

आनन्दभाष्यतत्वज्ञमीशानीशविवेकिनम् ।
दुन्दुराममहं वन्दे द्वाराचार्यं जगद्गुरुम् ॥ ६॥

सम्प्रदायरहस्याणां त्रयाणामवबोधकम् ।
दुन्दुराममहं वन्दे द्वाराचार्यं जगद्गुरुम् ॥ ७॥

सम्पादकञ्च पञ्चानां संस्काराणां महामुनिम् ।
दुन्दुराममहं वन्दे द्वाराचार्यं जगद्गुरुम् ॥ ८॥

इति श्रीदुन्दुरामाचार्याष्टकं सम्पूर्णम् ।