హరిప్రియా స్తోత్రం PDF తెలుగు

హరిప్రియా స్తోత్రం తెలుగు Lyrics

|| హరిప్రియా స్తోత్రం ||

త్రిలోకజననీం దేవీం సురార్చితపదద్వయాం|

మాతరం సర్వజంతూనాం భజే నిత్యం హరిప్రియాం|

ప్రత్యక్షసిద్ధిదాం రమ్యామాద్యాం చంద్రసహోదరీం|

దయాశీలాం మహామాయాం భజే నిత్యం హరిప్రియాం|

ఇందిరామింద్రపూజ్యాం చ శరచ్చంద్రసమాననాం|

మంత్రరూపాం మహేశానీం భజే నిత్యం హరిప్రియాం|

క్షీరాబ్ధితనయాం పుణ్యాం స్వప్రకాశస్వరూపిణీం|

ఇందీవరాసనాం శుద్ధాం భజే నిత్యం హరిప్రియాం|

సర్వతీర్థస్థితాం ధాత్రీం భవబంధవిమోచనీం|

నిత్యానందాం మహావిద్యాం భజే నిత్యం హరిప్రియాం|

స్వర్ణవర్ణసువస్త్రాం చ రత్నగ్రైవేయభూషణాం|

ధ్యానయోగాదిగమ్యాం చ భజే నిత్యం హరిప్రియాం|

సామగానప్రియాం శ్రేష్ఠాం సూర్యచంద్రసులోచనాం|

నారాయణీం శ్రియం పద్మాం భజే నిత్యం హరిప్రియాం|

వైకుంఠే రాజమానాం చ సర్వశాస్త్రవిచక్షణాం|

నిర్గుణాం నిర్మలాం నిత్యాం భజే నిత్యం హరిప్రియాం|

ధనదాం భక్తచిత్తస్థ- సర్వకామ్యప్రదాయినీం|

బిందునాదకలాతీతాం భజే నిత్యం హరిప్రియాం|

శాంతరూపాం విశాలాక్షీం సర్వదేవనమస్కృతాం|

సర్వావస్థావినిర్ముక్తాం భజే నిత్యం హరిప్రియాం|

స్తోత్రమేతత్ ప్రభాతే యః పఠేద్ భక్త్యా యుతో నరః|

స ధనం కీర్తిమాప్నోతి విష్ణుభక్తిం చ విందతి|