Kalki Krita Shiva Stotram PDF English

Kalki Krita Shiva Stotram English Lyrics

|| Kalki Krita Shiva Stotram ||

gaurīnāthaṁ viśvanāthaṁ śaraṇyaṁ
bhūtāvāsaṁ vāsukīkaṇṭhabhūṣam |
tryakṣaṁ pañcāsyādidēvaṁ purāṇaṁ
vandē sāndrānandasandōhadakṣam || 1 ||

yōgādhīśaṁ kāmanāśaṁ karālaṁ
gaṅgāsaṅgaklinnamūrdhānamīśam |
jaṭājūṭāṭōparikṣiptabhāvaṁ
mahākālaṁ candraphālaṁ namāmi || 2 ||

śmaśānasthaṁ bhūtavētālasaṅgaṁ
nānāśastraiḥ khaḍgaśūlādibhiśca |
vyagrātyugrā bāhavō lōkanāśē
yasya krōdhōdbhūtalōkē:’stamēti || 3 ||

yō bhūtādiḥ pañcabhūtaiḥ sisr̥kṣu-
stanmātrātmā kālakarmasvabhāvaiḥ |
prahr̥tyēdaṁ prāpya jīvatvamīśō
brahmānandē ramatē taṁ namāmi || 4 ||

sthitau viṣṇuḥ sarvajiṣṇuḥ surātmā
lōkānsādhūn dharmasētūnbibharṣi |
brahmādyaṁśē yō:’bhimānī guṇātmā
śabdādyaṅgaistaṁ parēśaṁ namāmi || 5 ||

yasyājñayā vāyavō vāti lōkē
jvalatyagniḥ savitā yāti tapyan |
śītāṁśuḥ khē tārakā saṅgrahaśca
pravartantē taṁ parēśaṁ prapadyē || 6 ||

yasya śvāsātsarvadhātrī dharitrī
dēvō varṣatyambukālaḥ pramātā |
mērōrmadhyē bhūvanānāṁ ca bhartā
tamīśānaṁ viśvarūpaṁ namāmi || 7 ||

iti śrīkalkipurāṇē kalkikr̥ta śivastōtram |