ಕೇವಲಾಷ್ಟಕಂ

|| ಕೇವಲಾಷ್ಟಕಂ ||

ಮಧುರಂ ಮಧುರೇಭ್ಯೋಽಪಿ ಮಂಗಳೇಭ್ಯೋಽಪಿ ಮಂಗಳಮ್ |
ಪಾವನಂ ಪಾವನೇಭ್ಯೋಽಪಿ ಹರೇರ್ನಾಮೈವ ಕೇವಲಮ್ || ೧ ||

ಆಬ್ರಹ್ಮಸ್ತಂಬಪರ್ಯಂತಂ ಸರ್ವಂ ಮಾಯಾಮಯಂ ಜಗತ್ |
ಸತ್ಯಂ ಸತ್ಯಂ ಪುನಃ ಸತ್ಯಂ ಹರೇರ್ನಾಮೈವ ಕೇವಲಮ್ || ೨ ||

ಸ ಗುರುಃ ಸ ಪಿತಾ ಚಾಪಿ ಸಾ ಮಾತಾ ಬಾಂಧವೋಽಪಿ ಸಃ |
ಶಿಕ್ಷಯೇಚ್ಚೇತ್ಸದಾ ಸ್ಮರ್ತುಂ ಹರೇರ್ನಾಮೈವ ಕೇವಲಮ್ || ೩ ||

ನಿಶ್ಶ್ವಾಸೇ ನ ಹಿ ವಿಶ್ವಾಸಃ ಕದಾ ರುದ್ಧೋ ಭವಿಷ್ಯತಿ |
ಕೀರ್ತನೀಯಮತೋ ಬಾಲ್ಯಾದ್ಧರೇರ್ನಾಮೈವ ಕೇವಲಮ್ || ೪ ||

ಹರಿಃ ಸದಾ ವಸೇತ್ತತ್ರ ಯತ್ರ ಭಾಗವತಾ ಜನಾಃ |
ಗಾಯಂತಿ ಭಕ್ತಿಭಾವೇನ ಹರೇರ್ನಾಮೈವ ಕೇವಲಮ್ || ೫ ||

ಅಹೋ ದುಃಖಂ ಮಹಾದುಃಖಂ ದುಃಖಾತ್ ದುಃಖತರಂ ಯತಃ |
ಕಾಚಾರ್ಥಂ ವಿಸ್ಮೃತಂ ರತ್ನಂ ಹರೇರ್ನಾಮೈವ ಕೇವಲಮ್ || ೬ ||

ದೀಯತಾಂ ದೀಯತಾಂ ಕರ್ಣೇ ನೀಯತಾಂ ನೀಯತಾಂ ವಚಃ |
ಗೀಯತಾಂ ಗೀಯತಾಂ ನಿತ್ಯಂ ಹರೇರ್ನಾಮೈವ ಕೇವಲಮ್ || ೭ ||

ತೃಣೀಕೃತ್ಯ ಜಗತ್ಸರ್ವಂ ರಾಜತೇ ಸಕಲೋಪರಿ |
ಚಿದಾನಂದಮಯಂ ಶುದ್ಧಂ ಹರೇರ್ನಾಮೈವ ಕೇವಲಮ್ || ೮ ||

ಇತಿ ಕೇವಲಾಷ್ಟಕ ಸ್ತೋತ್ರಮ್ |

ಇನ್ನಷ್ಟು ಶ್ರೀ

Found a Mistake or Error? Report it Now