లలితాంబా స్తుతి PDF తెలుగు

లలితాంబా స్తుతి తెలుగు Lyrics

|| లలితాంబా స్తుతి ||

కా త్వం శుభకరే సుఖదుఃఖహస్తే
త్వాఘూర్ణితం భవజలం ప్రబలోర్మిభంగైః.

శాంతిం విధాతుమిహ కిం బహుధా విభగ్నాం
మతః ప్రయత్నపరమాసి సదైవ విశ్వే.

సంపాదయత్యవిరతం త్వవిరామవృత్తా
యా వై స్థితా కృతఫలం త్వకృతస్య నేత్రీ.

సా మే భవత్వనుదినం వరదా భవానీ
జానామ్యహం ధ్రువమిదం ధృతకర్మపాశా.

కో వా ధర్మః కిమకృతం క్వ కపాలలేఖః
కిం వాదృష్టం ఫలమిహాస్తి హి యాం వినా భోః.

ఇచ్ఛాపాశైర్నియమితా నియమాః స్వతంత్రైః
యస్యా నేత్రీ భవతి సా శరణం మమాద్యా.

సంతానయంతి జలధిం జనిమృత్యుజాలం
సంభావయంత్యవికృతం వికృతం విభగ్నం.

యస్యా విభూతయ ఇహామితశక్తిపాలాః
నాశ్రిత్య తాం వద కుతః శరణం వ్రజామః.

మిత్రే రిపౌ త్వవిషమం తవ పద్మనేత్రం
స్వస్థే దుఃస్థే త్వవితథం తవ హస్తపాతః.
మృత్యుచ్ఛాయా తవ దయా త్వమృతంచ మాతః
మా మాం ముంచంతు పరమే శుభదృష్టయస్తే.
క్వాంబా సర్వా క్వ గణనం మమ హీనబుద్ధేః
ధత్తుం దోర్భ్యామివ మతిర్జగదేకధాత్రీం.

శ్రీసంచింత్యం సుచరణమభయపతిష్ఠం
సేవాసారైరభినుతం శరణం ప్రపద్యే.

యా మాయా జన్మ వినయత్యతిదుఃఖమార్గై-
రాసంసిద్ధేః స్వకలితైర్ల్లలితైర్విలాసైః.

యా మే బుద్ధిం సువిదధే సతతం ధరణ్యాం
సాంబా సర్వా మమ గతిః సఫలే ఫలే వా.