ಶ್ರೀ ಲಕ್ಷ್ಮೀ ಸ್ತೋತ್ರಂ (ಲೋಪಾಮುದ್ರಾ ಕೃತಂ) PDF ಕನ್ನಡ

ಶ್ರೀ ಲಕ್ಷ್ಮೀ ಸ್ತೋತ್ರಂ (ಲೋಪಾಮುದ್ರಾ ಕೃತಂ) ಕನ್ನಡ Lyrics

|| ಶ್ರೀ ಲಕ್ಷ್ಮೀ ಸ್ತೋತ್ರಂ (ಲೋಪಾಮುದ್ರಾ ಕೃತಂ) ||

ಮಾತರ್ನಮಾಮಿ ಕಮಲೇ ಪದ್ಮಾಽಽಯತಸುಲೋಚನೇ |
ಶ್ರೀವಿಷ್ಣುಹೃತ್ಕಮಲಸ್ಥೇ ವಿಶ್ವಮಾತರ್ನಮೋಽಸ್ತು ತೇ || ೧ ||

ಕ್ಷೀರಸಾಗರಸತ್ಪುತ್ರಿ ಪದ್ಮಗರ್ಭಾಭಸುಂದರಿ |
ಲಕ್ಷ್ಮಿ ಪ್ರಸೀದ ಸತತಂ ವಿಶ್ವಮಾತರ್ನಮೋಽಸ್ತು ತೇ || ೨ ||

ಮಹೇಂದ್ರಸದನೇ ತ್ವಂ ಶ್ರೀಃ ರುಕ್ಮಿಣೀ ಕೃಷ್ಣಭಾಮಿನೀ |
ಚಂದ್ರೇ ಜ್ಯೋತ್ಸ್ನಾ ಪ್ರಭಾ ಸೂರ್ಯೇ ವಿಶ್ವಮಾತರ್ನಮೋಽಸ್ತು ತೇ || ೩ ||

ಸ್ಮಿತಾನನೇ ಜಗದ್ಧಾತ್ರಿ ಶರಣ್ಯೇ ಸುಖವರ್ಧಿನಿ |
ಜಾತವೇದಸಿ ದಹನೇ ವಿಶ್ವಮಾತರ್ನಮೋಽಸ್ತು ತೇ || ೪ ||

ಬ್ರಹ್ಮಾಣಿ ತ್ವಂ ಸರ್ಜನಾಽಸಿ ವಿಷ್ಣೌ ತ್ವಂ ಪೋಷಿಕಾ ಸದಾ |
ಶಿವೇ ಸಂಹಾರಿಕಾ ಶಕ್ತಿರ್ವಿಶ್ವಮಾತರ್ನಮೋಽಸ್ತು ತೇ || ೫ ||

ತ್ವಯಾ ಶೂರೋ ಗುಣೀ ವಿಜ್ಞೋ ಧನ್ಯೋ ಮಾನ್ಯಃ ಕುಲೀನಕಃ |
ಕಲಾಶೀಲಕಲಾಪಾಢ್ಯೋ ವಿಶ್ವಮಾತರ್ನಮೋಽಸ್ತು ತೇ || ೬ ||

ತ್ವಯಾ ಗಜಸ್ತುರಂಗಶ್ಚ ಸ್ತ್ರೈಣಸ್ತೃಣಂ ಸರಃ ಸದಃ |
ದೇವೋ ಗೃಹಂ ಕಣಃ ಶ್ರೇಷ್ಠಾ ವಿಶ್ವಮಾತರ್ನಮೋಽಸ್ತು ತೇ || ೭ ||

ತ್ವಯಾ ಪಕ್ಷೀ ಪಶುಃ ಶಯ್ಯಾ ರತ್ನಂ ಪೃಥ್ವೀ ನರೋ ವಧೂಃ |
ಶ್ರೇಷ್ಠಾಃ ಶುದ್ಧಾ ಮಹಾಲಕ್ಷ್ಮಿ ವಿಶ್ವಮಾತರ್ನಮೋಽಸ್ತು ತೇ || ೮ ||

ಲಕ್ಷ್ಮಿ ಶ್ರೀ ಕಮಲೇ ಪದ್ಮೇ ರಮೇ ಪದ್ಮೋದ್ಭವೇ ಸತಿ |
ಅಬ್ಧಿಜೇ ವಿಷ್ಣುಪತ್ನಿ ತ್ವಂ ಪ್ರಸೀದ ಸತತಂ ಪ್ರಿಯೇ || ೯ ||

ಇತಿ ಶ್ರೀಲಕ್ಷ್ಮೀನಾರಾಯಣಸಂಹಿತಾಯಾಂ ಲೋಪಾಮುದ್ರಾ ಕೃತ ಶ್ರೀ ಲಕ್ಷ್ಮೀ ಸ್ತೋತ್ರಮ್ |