|| ಮಹಾಗಣಪತಿ ವೇದಪಾದ ಸ್ತೋತ್ರ ||
ಶ್ರೀಕಂಠತನಯ ಶ್ರೀಶ ಶ್ರೀಕರ ಶ್ರೀದಲಾರ್ಚಿತ.
ಶ್ರೀವಿನಾಯಕ ಸರ್ವೇಶ ಶ್ರಿಯಂ ವಾಸಯ ಮೇ ಕುಲೇ.
ಗಜಾನನ ಗಣಾಧೀಶ ದ್ವಿಜರಾಜವಿಭೂಷಿತ.
ಭಜೇ ತ್ವಾಂ ಸಚ್ಚಿದಾನಂದ ಬ್ರಹ್ಮಣಾಂ ಬ್ರಹ್ಮಣಾಸ್ಪತೇ.
ಣಷಾಷ್ಠವಾಚ್ಯನಾಶಾಯ ರೋಗಾಟವಿಕುಠಾರಿಣೇ.
ಘೃಣಾಪಾಲಿತಲೋಕಾಯ ವನಾನಾಂ ಪತಯೇ ನಮಃ.
ಧಿಯಂ ಪ್ರಯಚ್ಛತೇ ತುಭ್ಯಮೀಪ್ಸಿತಾರ್ಥಪ್ರದಾಯಿನೇ.
ದೀಪ್ತಭೂಷಣಭೂಷಾಯ ದಿಶಾಂ ಚ ಪತಯೇ ನಮಃ.
ಪಂಚಬ್ರಹ್ಮಸ್ವರೂಪಾಯ ಪಂಚಪಾತಕಹಾರಿಣೇ.
ಪಂಚತತ್ತ್ವಾತ್ಮನೇ ತುಭ್ಯಂ ಪಶೂನಾಂ ಪತಯೇ ನಮಃ.
ತಟಿತ್ಕೋಟಿಪ್ರತೀಕಾಶ- ತನವೇ ವಿಶ್ವಸಾಕ್ಷಿಣೇ.
ತಪಸ್ವಿಧ್ಯಾಯಿನೇ ತುಭ್ಯಂ ಸೇನಾನಿಭ್ಯಶ್ಚ ವೋ ನಮಃ.
ಯೇ ಭಜಂತ್ಯಕ್ಷರಂ ತ್ವಾಂ ತೇ ಪ್ರಾಪ್ನುವಂತ್ಯಕ್ಷರಾತ್ಮತಾಂ.
ನೈಕರೂಪಾಯ ಮಹತೇ ಮುಷ್ಣತಾಂ ಪತಯೇ ನಮಃ.
ನಗಜಾವರಪುತ್ರಾಯ ಸುರರಾಜಾರ್ಚಿತಾಯ ಚ.
ಸುಗುಣಾಯ ನಮಸ್ತುಭ್ಯಂ ಸುಮೃಡೀಕಾಯ ಮೀಢುಷೇ.
ಮಹಾಪಾತಕ- ಸಂಘಾತತಮಹಾರಣ- ಭಯಾಪಹ.
ತ್ವದೀಯಕೃಪಯಾ ದೇವ ಸರ್ವಾನವ ಯಜಾಮಹೇ.
ನವಾರ್ಣರತ್ನನಿಗಮ- ಪಾದಸಂಪುಟಿತಾಂ ಸ್ತುತಿಂ.
ಭಕ್ತ್ಯಾ ಪಠಂತಿ ಯೇ ತೇಷಾಂ ತುಷ್ಟೋ ಭವ ಗಣಾಧಿಪ.
Found a Mistake or Error? Report it Now
