Matrika Varna Stotram PDF English

Matrika Varna Stotram English Lyrics

|| Matrika Varna Stotram ||

gaṇēśa graha nakṣatra yōginī rāśi rūpiṇīm |
dēvīṁ mantramayīṁ naumi mātr̥kāpīṭha rūpiṇīm || 1 ||

praṇamāmi mahādēvīṁ mātr̥kāṁ paramēśvarīm |
kālahallōhalōllōla kalanāśamakāriṇīm || 2 ||

yadakṣaraikamātrē:’pi saṁsiddhē spardhatē naraḥ |
ravitārkṣyēndu kandarpa śaṅkarānala viṣṇubhiḥ || 3 ||

yadakṣara śaśijyōtsnāmaṇḍitaṁ bhuvanatrayam |
vandē sarvēśvarīṁ dēvīṁ mahāśrīsiddhamātr̥kām || 4 ||

yadakṣara mahāsūtra prōtamētajjagatrayam |
brahmāṇḍādi kaṭāhāntaṁ tāṁ vandē siddhamātr̥kām || 5 ||

yadēkādaśamādhāraṁ bījaṁ kōṇatrayōdbhavam |
brahmāṇḍādi kaṭāhāntaṁ jagadadyāpi dr̥śyatē || 6 ||

akacādiṭatōnnaddhapayaśākṣara vargiṇīm |
jyēṣṭhāṅga bāhupādāgra madhyasvānta nivāsinīm || 7 ||

tāmīkārākṣarōddhārāṁ sārātsārāṁ parātparām |
praṇamāmi mahādēvīṁ paramānanda rūpiṇīm || 8 ||

adyāpi yasyā jānanti na manāgapi dēvatāḥ |
kēyaṁ kasmāt kva kēnēti sarūpārūpa bhāvanām || 9 ||

vandē tāmahamakṣayyāmakārākṣara rūpiṇīm |
dēvīṁ kulakalōllāsa prōllasantīṁ parāṁ śivām || 10 ||

vargānukramayōgēna yasyāṁ mātrāṣṭakaṁ sthitam |
vandē tāmaṣṭavargōttha mahāsiddhyaṣṭakēśvarīm || 11 ||

kāmapūrṇajakārākhya śrīpīṭhāntarnivāsinīm |
caturājñā kōśabhūtāṁ naumi śrītripurāmaham || 12 ||

iti dvādaśabhiḥ ślōkaiḥ stavanaṁ sarvasiddhikr̥t |
dēvyāstvakhaṇḍarūpāyāḥ stavanaṁ tava tadyataḥ || 13 ||

bhūmau skhalita pādānāṁ bhūmirēvāvalambanam |
tvayi jātāparādhānāṁ tvamēva śaraṇaṁ śivē || 14 ||

iti mātr̥kāvarṇa stōtram |