श्रीनीलकण्ठ नमश्शिवायाष्टकम् PDF संस्कृत
Download PDF of Nilakanthanamashshivayashtakam Sanskrit
Misc ✦ Ashtakam (अष्टकम संग्रह) ✦ संस्कृत
श्रीनीलकण्ठ नमश्शिवायाष्टकम् संस्कृत Lyrics
|| श्रीनीलकण्ठ नमश्शिवायाष्टकम् ||
नमो नमः कारणकारणाय
जगन्मयायाहितपाशकाय ।
त्वत्पादपद्माश्रितरक्षकाय
श्रीनीलकण्ठाय नमः शिवाय ॥ १॥
ध्यायन्ति ये त्वां यतयः स्तुवन्ति
हृदम्बुजे दीपसमप्रकाशम् ।
नासाग्रविन्यस्तविलोचनाय
श्रीनीलकण्ठाय नमः शिवाय ॥ २॥
सर्गस्थितिध्वंसनकारणाय
यमादियोगाष्टकसिद्धिदाय ।
तपस्विनां शीघ्रफलप्रदाय ।
श्रीनीलकण्ठाय नमः शिवाय ॥ ३॥
वेदादिरूपाय त्रिलोचनाय
वेदान्तवेद्याय दिगम्बराय ।
विभूतिशुभ्राय जटाधराय
श्रीनीलकण्ठाय नमः शिवाय ॥ ४॥
उग्राय संसारभयापहाय
ज्ञानप्रदायशुसुखप्रदाय ।
कालान्तकाय प्रलयानिलाय
श्रीनीलकण्ठाय नमः शिवाय ॥ ५॥
विधातृरूपाय जगद्धिताय
रमेशरूपाय सदाशिवाय ।
अनन्तरूपाय चतुर्भुजाय
श्रीनीलकण्ठाय नमः शिवाय ॥ ६॥
विश्वैकवन्द्याय कलाधराय
समस्तलोकैकसमाश्रयाय ।
कुठारपाशाङ्कुशपालिने च
श्रीनीलकण्ठाय नमः शिवाय ॥ ७॥
शर्वाय सर्वप्रियकारणाय
पिनाकिने बाणधराय तुभ्यम् ।
गौरीप्रियायाखिलपालकाय
श्रीनीलकण्ठाय नमः शिवाय ॥ ८॥
इति स्तुत्वा महादेवं प्रणम्य च पुनः पुनः ।
विदध्यू ऋषयस्तत्र सुराः पद्मभुवादयः ॥ ९॥
इति श्रीनीलकण्ठ नमः शिवायाष्टकं सम्पूर्णम् ।
Join HinduNidhi WhatsApp Channel
Stay updated with the latest Hindu Text, updates, and exclusive content. Join our WhatsApp channel now!
Join Nowश्रीनीलकण्ठ नमश्शिवायाष्टकम्
READ
श्रीनीलकण्ठ नमश्शिवायाष्टकम्
on HinduNidhi Android App
DOWNLOAD ONCE, READ ANYTIME
Your PDF download will start in 15 seconds
CLOSE THIS
