निशुंभसूदनी स्तोत्र PDF हिन्दी

निशुंभसूदनी स्तोत्र हिन्दी Lyrics

|| निशुंभसूदनी स्तोत्र ||

सर्वदेवाश्रयां सिद्धामिष्टसिद्धिप्रदां सुराम्|

निशुम्भसूदनीं वन्दे चोलराजकुलेश्वरीम्|

रत्नहारकिरीटादिभूषणां कमलेक्षणाम्|

निशुम्भसूदनीं वन्दे चोलराजकुलेश्वरीम्|

चेतस्त्रिकोणनिलयां श्रीचक्राङ्कितरूपिणीम्|

निशुम्भसूदनीं वन्दे चोलराजकुलेश्वरीम्|

योगानन्दां यशोदात्रीं योगिनीगणसंस्तुताम्|

निशुम्भसूदनीं वन्दे चोलराजकुलेश्वरीम्|

जगदम्बां जनानन्ददायिनीं विजयप्रदाम्|

निशुम्भसूदनीं वन्दे चोलराजकुलेश्वरीम्|

सिद्धादिभिः समुत्सेव्यां सिद्धिदां स्थिरयोगिनीम्|

निशुम्भसूदनीं वन्दे चोलराजकुलेश्वरीम्|

मोक्षप्रदात्रीं मन्त्राङ्गीं महापातकनाशिनीम्|

निशुम्भसूदनीं वन्दे चोलराजकुलेश्वरीम्|

मत्तमातङ्गसंस्थां च चण्डमुण्डप्रमर्द्दिनीम्|

निशुम्भसूदनीं वन्दे चोलराजकुलेश्वरीम्|

वेदमन्त्रैः सुसंपूज्यां विद्याज्ञानप्रदां वराम्|

निशुम्भसूदनीं वन्दे चोलराजकुलेश्वरीम्|

महादेवीं महाविद्यां महामायां महेश्वरीम्|

निशुम्भसूदनीं वन्दे चोलराजकुलेश्वरीम्|