|| ಗೋಪೀನಾಯಕ ಅಷ್ಟಕ ಸ್ತೋತ್ರ || ಸರೋಜನೇತ್ರಾಯ ಕೃಪಾಯುತಾಯ ಮಂದಾರಮಾಲಾಪರಿಭೂಷಿತಾಯ. ಉದಾರಹಾಸಾಯ ಸಸನ್ಮುಖಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಆನಂದನಂದಾದಿಕದಾಯಕಾಯ ಬಕೀಬಕಪ್ರಾಣವಿನಾಶಕಾಯ. ಮೃಗೇಂದ್ರಹಸ್ತಾಗ್ರಜಭೂಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಗೋಪಾಲಲೀಲಾಕೃತಕೌತುಕಾಯ ಗೋಪಾಲಕಾಜೀವನಜೀವನಾಯ. ಭಕ್ತೈಕಗಮ್ಯಾಯ ನವಪ್ರಿಯಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಮಂಥಾನಭಾಂಡಾಖಿಲಭಂಜನಾಯ ಹೈಯಂಗವೀನಾಶನರಂಜನಾಯ. ಗೋಸ್ವಾದುದುಗ್ಧಾಮೃತಪೋಷಿತಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಕಲಿಂದಜಾಕೂಲಕುತೂಹಲಾಯ ಕಿಶೋರರೂಪಾಯ ಮನೋಹರಾಯ. ಪಿಶಂಗವಸ್ತ್ರಾಯ ನರೋತ್ತಮಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಧರಾಧರಾಭಾಯ ಧರಾಧರಾಯ ಶೃಂಗಾರಹಾರಾವಲಿಶೋಭಿತಾಯ. ಸಮಸ್ತಗರ್ಗೋಕ್ತಿಸುಲಕ್ಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಇಭೇಂದ್ರಕುಂಭಸ್ಥಲಖಂಡನಾಯ ವಿದೇಶವೃಂದಾವನಮಂಡನಾಯ. ಹಂಸಾಯ ಕಂಸಾಸುರಮರ್ದನಾಯ ನಮೋಽಸ್ತು ಗೋಪೀಜನವಲ್ಲಭಾಯ. ಶ್ರೀದೇವಕೀಸೂನುವಿಮೋಕ್ಷಣಾಯ ಕ್ಷತ್ತೋದ್ಧವಾಕ್ರೂರವರಪ್ರದಾಯ. ಗದಾರಿಶಂಖಾಬ್ಜಚತುರ್ಭುಜಾಯ ನಮೋಽಸ್ತು ಗೋಪೀಜನವಲ್ಲಭಾಯ.

|| ಗಿರಿಧರ ಅಷ್ಟಕ ಸ್ತೋತ್ರ || ತ್ರ್ಯೈಲೋಕ್ಯಲಕ್ಷ್ಮೀ- ಮದಭೃತ್ಸುರೇಶ್ವರೋ ಯದಾ ಘನೈರಂತಕರೈರ್ವವರ್ಷ ಹ. ತದಾಕರೋದ್ಯಃ ಸ್ವಬಲೇನ ರಕ್ಷಣಂ ತಂ ಗೋಪಬಾಲಂ ಗಿರಿಧಾರಿಣಂ ಭಜೇ. ಯಃ ಪಾಯಯಂತೀಮಧಿರುಹ್ಯ ಪೂತನಾಂ ಸ್ತನ್ಯಂ ಪಪೌ ಪ್ರಾಣಪರಾಯಣಃ ಶಿಶುಃ. ಜಘಾನ ವಾತಾಯಿತ- ದೈತ್ಯಪುಂಗವಂ ತಂ ಗೋಪಬಾಲಂ ಗಿರಿಧಾರಿಣಂ ಭಜೇ. ನಂದವ್ರಜಂ ಯಃ ಸ್ವರುಚೇಂದಿರಾಲಯಂ ಚಕ್ರೇ ದಿವೀಶಾಂ ದಿವಿ ಮೋಹವೃದ್ಧಯೇ. ಗೋಗೋಪಗೋಪೀಜನ- ಸರ್ವಸೌಖ್ಯಕೃತ್ತಂ ಗೋಪಬಾಲಂ ಗಿರಿಧಾರಿಣಂ ವ್ರಜೇ. ಯಂ ಕಾಮದೋಗ್ಘ್ರೀ ಗಗನಾಹೃತೈರ್ಜಲೈಃ ಸ್ವಜ್ಞಾತಿರಾಜ್ಯೇ ಮುದಿತಾಭ್ಯಷಿಂಚತ್. ಗೋವಿಂದನಾಮೋತ್ಸವ- ಕೃದ್ವ್ರಜೌಕಸಾಂ ತಂ ಗೋಪಬಾಲಂ ಗಿರಿಧಾರಿಣಂ ಭಜೇ. ಯಸ್ಯಾನನಾಬ್ಜಂ…

|| ಗೋಕುಲೇಶ ಅಷ್ಟಕ ಸ್ತೋತ್ರ || ಪ್ರಾಣಾಧಿಕಪ್ರೇಷ್ಠಭವಜ್ಜನಾನಾಂ ತ್ವದ್ವಿಪ್ರಯೋಗಾನಲತಾಪಿತಾನಾಂ. ಸಮಸ್ತಸಂತಾಪನಿವರ್ತಕಂ ಯದ್ರೂಪಂ ನಿಜಂ ದರ್ಶಯ ಗೋಕುಲೇಶ. ಭವದ್ವಿಯೋಗೋರಗದಂಶಭಾಜಾಂ ಪ್ರತ್ಯಂಗಮುದ್ಯದ್ವಿಷಮೂರ್ಚ್ಛಿತಾನಾಂ. ಸಂಜೀವನಂ ಸಂಪ್ರತಿ ತಾವಕಾನಾಂ ರೂಪಂ ನಿಜಂ ದರ್ಶಯ ಗೋಕುಲೇಶ. ಆಕಸ್ಮಿಕತ್ವದ್ವಿರಹಾಂಧಕಾರ- ಸಂಛಾದಿತಾಶೇಷನಿದರ್ಶನಾನಾಂ. ಪ್ರಕಾಶಕಂ ತ್ವಜ್ಜನಲೋಚನಾನಾಂ ರೂಪಂ ನಿಜಂ ದರ್ಶಯ ಗೋಕುಲೇಶ. ಸ್ವಮಂದಿರಾಸ್ತೀರ್ಣವಿಚಿತ್ರವರ್ಣಂ ಸುಸ್ಪರ್ಶಮೃದ್ವಾಸ್ತರಣೇ ನಿಷಣ್ಣಂ. ಪೃಥೂಪಧಾನಾಶ್ರಿತಪೃಷ್ಠಭಾಗಂ ರೂಪಂ ನಿಜಂ ದರ್ಶಯ ಗೋಕುಲೇಶ. ಸಂದರ್ಶನಾರ್ಥಾಗತಸರ್ವಲೋಕ- ವಿಲೋಚನಾಸೇಚನಕಂ ಮನೋಜ್ಞಂ. ಕೃಪಾವಲೋಕಹಿತತತ್ಪ್ರಸಾದಂ ರೂಪಂ ನಿಜಂ ದರ್ಶಯ ಗೋಕುಲೇಶ. ಯತ್ಸರ್ವದಾ ಚರ್ವಿತನಾಗವಲ್ಲೀರಸಪ್ರಿಯಂ ತದ್ರಸರಕ್ತದಂತಂ. ನಿಜೇಷು ತಚ್ಚರ್ವಿತಶೇಷದಂ ಚ ರೂಪಂ ನಿಜಂ ದರ್ಶಯ ಗೋಕುಲೇಶ….

|| ರಾಧಾಕೃಷ್ಣ ಯುಗಲಾಷ್ಟಕ ಸ್ತೋತ್ರಂ || ವೃಂದಾವನವಿಹಾರಾಢ್ಯೌ ಸಚ್ಚಿದಾನಂದವಿಗ್ರಹೌ. ಮಣಿಮಂಡಪಮಧ್ಯಸ್ಥೌ ರಾಧಾಕೃಷ್ಣೌ ನಮಾಮ್ಯಹಂ. ಪೀತನೀಲಪಟೌ ಶಾಂತೌ ಶ್ಯಾಮಗೌರಕಲೇಬರೌ. ಸದಾ ರಾಸರತೌ ಸತ್ಯೌ ರಾಧಾಕೃಷ್ಣೌ ನಮಾಮ್ಯಹಂ. ಭಾವಾವಿಷ್ಟೌ ಸದಾ ರಮ್ಯೌ ರಾಸಚಾತುರ್ಯಪಂಡಿತೌ. ಮುರಲೀಗಾನತತ್ತ್ವಜ್ಞೌ ರಾಧಾಕೃಷ್ಣೌ ನಮಾಮ್ಯಹಂ. ಯಮುನೋಪವನಾವಾಸೌ ಕದಂಬವನಮಂದಿರೌ. ಕಲ್ಪದ್ರುಮವನಾಧೀಶೌ ರಾಧಾಕೃಷ್ಣೌ ನಮಾಮ್ಯಹಂ. ಯಮುನಾಸ್ನಾನಸುಭಗೌ ಗೋವರ್ಧನವಿಲಾಸಿನೌ. ದಿವ್ಯಮಂದಾರಮಾಲಾಢ್ಯೌ ರಾಧಾಕೃಷ್ಣೌ ನಮಾಮ್ಯಹಂ. ಮಂಜೀರರಂಜಿತಪದೌ ನಾಸಾಗ್ರಗಜಮೌಕ್ತಿಕೌ. ಮಧುರಸ್ಮೇರಸುಮುಖೌ ರಾಧಾಕೃಷ್ಣೌ ನಮಾಮ್ಯಹಂ. ಅನಂತಕೋಟಿಬ್ರಹ್ಮಾಂಡೇ ಸೃಷ್ಟಿಸ್ಥಿತ್ಯಂತಕಾರಿಣೌ. ಮೋಹನೌ ಸರ್ವಲೋಕಾನಾಂ ರಾಧಾಕೃಷ್ಣೌ ನಮಾಮ್ಯಹಂ. ಪರಸ್ಪರಸಮಾವಿಷ್ಟೌ ಪರಸ್ಪರಗಣಪ್ರಿಯೌ. ರಸಸಾಗರಸಂಪನ್ನೌ ರಾಧಾಕೃಷ್ಣೌ ನಮಾಮ್ಯಹಂ.

|| ಕೃಷ್ಣ ಚೌರಾಷ್ಟಕಂ || ವ್ರಜೇ ಪ್ರಸಿದ್ಧಂ ನವನೀತಚೌರಂ ಗೋಪಾಂಗನಾನಾಂ ಚ ದುಕೂಲಚೌರಂ . ಅನೇಕಜನ್ಮಾರ್ಜಿತಪಾಪಚೌರಂ ಚೌರಾಗ್ರಗಣ್ಯಂ ಪುರುಷಂ ನಮಾಮಿ .. ಶ್ರೀರಾಧಿಕಾಯಾ ಹೃದಯಸ್ಯ ಚೌರಂ ನವಾಂಬುದಶ್ಯಾಮಲಕಾಂತಿಚೌರಂ . ಪದಾಶ್ರಿತಾನಾಂ ಚ ಸಮಸ್ತಚೌರಂ ಚೌರಾಗ್ರಗಣ್ಯಂ ಪುರುಷಂ ನಮಾಮಿ .. ಅಕಿಂಚನೀಕೃತ್ಯ ಪದಾಶ್ರಿತಂ ಯಃ ಕರೋತಿ ಭಿಕ್ಷುಂ ಪಥಿ ಗೇಹಹೀನಂ . ಕೇನಾಪ್ಯಹೋ ಭೀಷಣಚೌರ ಈದೃಗ್- ದೃಷ್ಟಃ ಶ್ರುತೋ ವಾ ನ ಜಗತ್ತ್ರಯೇಽಪಿ .. ಯದೀಯ ನಾಮಾಪಿ ಹರತ್ಯಶೇಷಂ ಗಿರಿಪ್ರಸಾರಾನ್ ಅಪಿ ಪಾಪರಾಶೀನ್ . ಆಶ್ಚರ್ಯರೂಪೋ ನನು ಚೌರ…