മുരാരി സ്തുതി

|| മുരാരി സ്തുതി ||

ഇന്ദീവരാഖില- സമാനവിശാലനേത്രോ
ഹേമാദ്രിശീർഷമുകുടഃ കലിതൈകദേവഃ.

ആലേപിതാമല- മനോഭവചന്ദനാംഗോ
ഭൂതിം കരോതു മമ ഭൂമിഭവോ മുരാരിഃ.

സത്യപ്രിയഃ സുരവരഃ കവിതാപ്രവീണഃ
ശക്രാദിവന്ദിതസുരഃ കമനീയകാന്തിഃ.

പുണ്യാകൃതിഃ സുവസുദേവസുതഃ കലിഘ്നോ
ഭൂതിം കരോതു മമ ഭൂമിഭവോ മുരാരിഃ.

നാനാപ്രകാരകൃത- ഭൂഷണകണ്ഠദേശോ
ലക്ഷ്മീപതിർജന- മനോഹരദാനശീലഃ.

യജ്ഞസ്വരൂപപരമാക്ഷര- വിഗ്രഹാഖ്യോ
ഭൂതിം കരോതു മമ ഭൂമിഭവോ മുരാരിഃ.

ഭീഷ്മസ്തുതോ ഭവഭയാപഹകാര്യകർതാ
പ്രഹ്ലാദഭക്തവരദഃ സുലഭോഽപ്രമേയഃ.

സദ്വിപ്രഭൂമനുജ- വന്ദ്യരമാകലത്രോ
ഭൂതിം കരോതു മമ ഭൂമിഭവോ മുരാരിഃ.

നാരായണോ മധുരിപുർജനചിത്തസംസ്ഥഃ
സർവാത്മഗോചരബുധോ ജഗദേകനാഥഃ.

തൃപ്തിപ്രദസ്തരുണ- മൂർതിരുദാരചിത്തോ
ഭൂതിം കരോതു മമ ഭൂമിഭവോ മുരാരിഃ.

Found a Mistake or Error? Report it Now