पञ्चमाष्टकस्थालर्ककृतस्तोत्रम् PDF संस्कृत

पञ्चमाष्टकस्थालर्ककृतस्तोत्रम् संस्कृत Lyrics

|| पञ्चमाष्टकस्थालर्ककृतस्तोत्रम् ||

वन्दे देवं हेत्वात्मानं सच्चिद्रूपं सर्वात्मानम् ।
विश्वाधारं मुन्याकारं स्वेच्छाचारं वाघृद्दूरम् ॥ १॥

विश्वओपाध्या यो ब्रह्मेशोऽविद्योपाध्यात्मानीशः ।
तत्त्वज्ञानान्मायानाशे तर्ह्रेकस्त्वं नेशोऽनीशः ॥ २॥

रज्ज्वज्ञानात्सर्पस्तत्र भ्रान्त्या भातीशैवं ह्यत्र ।
जीवभ्रान्तिस्त्वेषा मिथ्या सा मेऽद्यारं नष्टाऽऽप्रोक्त्या ॥ ३॥

धन्योऽस्म्यद्य त्वद्दृक्पूतो जातोऽस्म्यद्य ब्रह्मीभूतः ।
त्वं ब्रह्मैवासीशारूपो मायायोगान्नानारूपः ॥ ४॥

दत्तात्रेयः प्रज्ञामेयो वेदैर्गेयो योगिध्येयः ।
त्वं विश्वात्मा कस्त्वामीशः स्तोतुं ध्यातुं ज्ञातुं वेशः ॥ ५॥

वृद्धः क्वापि प्रौढः क्वापि बालः क्वापि ब्रह्मः क्वापि ।
अङ्गी भोगी रागी क्वापि त्यागी योगी सङ्गी क्वापि ॥ ६॥

स त्वं वृद्धः सिद्धः शुद्धः श्रद्धाबद्धोप्यन्याविद्धः ।
श्रीशो मायाधीशो धीशो विज्ञानेशो निर्वाणेशः ॥ ७॥

धर्माधर्मातीतो गीतो वेदैर्भेदैर्हीनोनूनः ।
त्वां तं सन्तं भक्त्या मुक्त्या ईशं त्रीशं वन्दे वन्दे ॥ ८॥

इति श्रीवासुदेवानन्दसरस्वतीविरचितं
पञ्चमाष्टकस्थालर्ककृतस्तोत्रं सम्पूर्णम् ।