|| পবমান সূক্তম্ ||
ওম্ ॥ হির॑ণ্যবর্ণাঃ॒ শুচ॑যঃ পাব॒কা
যাসু॑ জা॒তঃ ক॒শ্যপো॒ যাস্বিংদ্রঃ॑ ।
অ॒গ্নিং-যাঁ গর্ভ॑ও দধি॒রে বিরূ॑পা॒স্তা
ন॒ আপ॒শ্শগ্গ্ স্যো॒না ভ॑বংতু ॥
যাসা॒গ্ম্॒ রাজা॒ বরু॑ণো॒ যাতি॒ মধ্যে॑
সত্যানৃ॒তে অ॑ব॒পশ্যং॒ জনা॑নাম্ ।
ম॒ধু॒শ্চুত॒শ্শুচ॑যো॒ যাঃ পা॑ব॒কাস্তা
ন॒ আপ॒শ্শগ্গ্ স্যো॒না ভ॑বংতু ॥
যাসাং᳚ দে॒বা দি॒বি কৃ॒ণ্বংতি॑ ভ॒ক্ষং
যা অং॒তরি॑ক্ষে বহু॒ধা ভবং॑তি ।
যাঃ পৃ॑থি॒বীং পয॑সোং॒দংতি শু॒ক্রাস্তা
ন॒ আপ॒শ্শগ্গ্ স্যো॒না ভ॑বংতু ॥
শি॒বেন॑ মা॒ চক্ষু॑ষা পশ্যতাপশ্শি॒বযা॑
ত॒নুবোপ॑ স্পৃশত॒ ত্বচ॑ও মে ।
সর্বাগ্॑ও অ॒গ্নীগ্ম্ র॑প্সু॒ষদো॑ হুবে বো॒ মযি॒
বর্চো॒ বল॒মোজো॒ নিধ॑ত্ত ॥
পব॑মান॒স্সুব॒র্জনঃ॑ । প॒বিত্রে॑ণ॒ বিচ॑র্ষণিঃ ।
যঃ পোতা॒ স পু॑নাতু মা । পু॒নংতু॑ মা দেবজ॒নাঃ ।
পু॒নংতু॒ মন॑বো ধি॒যা । পু॒নংতু॒ বিশ্ব॑ আ॒যবঃ॑ ।
জাত॑বেদঃ প॒বিত্র॑বত্ । প॒বিত্রে॑ণ পুনাহি মা ।
শু॒ক্রেণ॑ দেব॒দীদ্য॑ত্ । অগ্নে॒ ক্রত্বা॒ ক্রতূ॒গ্ম্॒ রনু॑ ।
যত্তে॑ প॒বিত্র॑ম॒র্চিষি॑ । অগ্নে॒ বিত॑তমংত॒রা ।
ব্রহ্ম॒ তেন॑ পুনীমহে । উ॒ভাভ্যাং᳚ দেবসবিতঃ ।
প॒বিত্রে॑ণ স॒বেন॑ চ । ই॒দং ব্রহ্ম॑ পুনীমহে ।
বৈ॒শ্ব॒দে॒বী পু॑ন॒তী দে॒ব্যাগা᳚ত্ ।
যস্যৈ॑ ব॒হ্বীস্ত॒নুবো॑ বী॒তপৃ॑ষ্ঠাঃ ।
তযা॒ মদং॑তঃ সধ॒মাদ্যে॑ষু ।
ব॒যগ্গ্ স্যা॑ম॒ পত॑যো রযী॒ণাম্ ।
বৈ॒শ্বা॒ন॒রো র॒শ্মিভি॑র্মা পুনাতু ।
বাতঃ॑ প্রা॒ণেনে॑ষি॒রো ম॑যো॒ ভূঃ ।
দ্যাবা॑পৃথি॒বী পয॑সা॒ পযো॑ভিঃ ।
ঋ॒তাব॑রী য॒জ্ঞিযে॑ মা পুনীতাম্ ॥
বৃ॒হদ্ভিঃ॑ সবিত॒স্তৃভিঃ॑ । বর্ষি॑ষ্ঠৈর্দেব॒মন্ম॑ভিঃ । অগ্নে॒ দক্ষৈঃ᳚ পুনাহি মা । যেন॑ দে॒বা অপু॑নত । যেনাপো॑ দি॒ব্যংকশঃ॑ । তেন॑ দি॒ব্যেন॒ ব্রহ্ম॑ণা । ই॒দং ব্রহ্ম॑ পুনীমহে । যঃ পা॑বমা॒নীর॒দ্ধ্যেতি॑ । ঋষি॑ভি॒স্সংভৃ॑ত॒গ্ম্॒ রসম্᳚ । সর্ব॒গ্ম্॒ স পূ॒তম॑শ্নাতি । স্ব॒দি॒তং মা॑ত॒রিশ্ব॑না । পা॒ব॒মা॒নীর্যো অ॒ধ্যেতি॑ । ঋষি॑ভি॒স্সংভৃ॑ত॒গ্ম্॒ রসম্᳚ । তস্মৈ॒ সর॑স্বতী দুহে । ক্ষী॒রগ্ম্ স॒র্পির্মধূ॑দ॒কম্ ॥
পা॒ব॒মা॒নীস্স্ব॒স্ত্যয॑নীঃ । সু॒দুঘা॒হি পয॑স্বতীঃ । ঋষি॑ভি॒স্সংভৃ॑তো॒ রসঃ॑ । ব্রা॒হ্ম॒ণেষ্ব॒মৃতগ্॑ও হি॒তম্ । পা॒ব॒মা॒নীর্দি॑শংতু নঃ । ই॒মং-লোঁ॒কমথো॑ অ॒মুম্ । কামা॒ন্থ্সম॑র্ধযংতু নঃ । দে॒বীর্দে॒বৈঃ স॒মাভৃ॑তাঃ । পা॒ব॒মা॒নীস্স্ব॒স্ত্যয॑নীঃ । সু॒দুঘা॒হি ঘৃ॑ত॒শ্চুতঃ॑ । ঋষি॑ভিঃ॒ সংভৃ॑তো॒ রসঃ॑ । ব্রা॒হ্ম॒ণেষ্ব॒মৃতগ্॑ও হি॒তম্ । যেন॑ দে॒বাঃ প॒বিত্রে॑ণ । আ॒ত্মান॑ও পু॒নতে॒ সদা᳚ । তেন॑ স॒হস্র॑ধারেণ । পা॒ব॒মা॒ন্যঃ পু॑নংতু মা । প্রা॒জা॒প॒ত্যং প॒বিত্রম্᳚ । শ॒তোদ্যা॑মগ্ম্ হির॒ণ্মযম্᳚ । তেন॑ ব্রহ্ম॒ বিদো॑ ব॒যম্ । পূ॒তং ব্রহ্ম॑ পুনীমহে । ইংদ্র॑স্সুনী॒তী স॒হমা॑ পুনাতু । সোম॑স্স্ব॒স্ত্যা ব॑রুণস্স॒মীচ্যা᳚ । য॒মো রাজা᳚ প্রমৃ॒ণাভিঃ॑ পুনাতু মা । জা॒তবে॑দা মো॒র্জযং॑ত্যা পুনাতু । ভূর্ভুব॒স্সুবঃ॑ ॥
ওং তচ্ছং॒-যোঁরাবৃ॑ণীমহে । গা॒তুং-যঁ॒জ্ঞায॑ । গা॒তুং-যঁ॒জ্ঞপ॑তযে ।
দৈবী᳚স্স্ব॒স্তির॑স্তু নঃ । স্ব॒স্তির্মানু॑ষেভ্যঃ । ঊ॒র্ধ্বং জি॑গাতু ভেষ॒জম্ । শন্নো॑ অস্তু দ্বি॒পদে᳚ । শং চতু॑ষ্পদে ॥
ওং শাংতিঃ॒ শাংতিঃ॒ শাংতিঃ॑ ॥
Found a Mistake or Error? Report it Now
