|| ರಾಘವ ಸ್ತುತಿ ||
ಆಂಜನೇಯಾರ್ಚಿತಂ ಜಾನಕೀರಂಜನಂ
ಭಂಜನಾರಾತಿವೃಂದಾರಕಂಜಾಖಿಲಂ.
ಕಂಜನಾನಂತಖದ್ಯೋತಕಂಜಾರಕಂ
ಗಂಜನಾಖಂಡಲಂ ಖಂಜನಾಕ್ಷಂ ಭಜೇ.
ಕುಂಜರಾಸ್ಯಾರ್ಚಿತಂ ಕಂಜಜೇನ ಸ್ತುತಂ
ಪಿಂಜರಧ್ವಂಸಕಂಜಾರಜಾರಾಧಿತಂ.
ಕುಂಜಗಂಜಾತಕಂಜಾಂಗಜಾಂಗಪ್ರದಂ
ಮಂಜುಲಸ್ಮೇರಸಂಪನ್ನವಕ್ತ್ರಂ ಭಜೇ.
ಬಾಲದೂರ್ವಾದಲಶ್ಯಾಮಲಶ್ರೀತನುಂ
ವಿಕ್ರಮೇಣಾವಭಗ್ನತ್ರಿಶೂಲೀಧನುಂ.
ತಾರಕಬ್ರಹ್ಮನಾಮದ್ವಿವರ್ಣೀಮನುಂ
ಚಿಂತಯಾಮ್ಯೇಕತಾರಿಂತನೂಭೂದನುಂ.
ಕೋಶಲೇಶಾತ್ಮಜಾನಂದನಂ ಚಂದನಾ-
ನಂದದಿಕ್ಸ್ಯಂದನಂ ವಂದನಾನಂದಿತಂ.
ಕ್ರಂದನಾಂದೋಲಿತಾಮರ್ತ್ಯಸಾನಂದದಂ
ಮಾರುತಿಸ್ಯಂದನಂ ರಾಮಚಂದ್ರಂ ಭಜೇ.
ಭೀದರಂತಾಕರಂ ಹಂತೃದೂಷಿನ್ಖರಂ
ಚಿಂತಿತಾಂಘ್ರ್ಯಾಶನೀಕಾಲಕೂಟೀಗರಂ.
ಯಕ್ಷರೂಪೇ ಹರಾಮರ್ತ್ಯದಂಭಜ್ವರಂ
ಹತ್ರಿಯಾಮಾಚರಂ ನೌಮಿ ಸೀತಾವರಂ.
ಶತ್ರುಹೃತ್ಸೋದರಂ ಲಗ್ನಸೀತಾಧರಂ
ಪಾಣವೈರಿನ್ ಸುಪರ್ವಾಣಭೇದಿನ್ ಶರಂ.
ರಾವಣತ್ರಸ್ತಸಂಸಾರಶಂಕಾಹರಂ
ವಂದಿತೇಂದ್ರಾಮರಂ ನೌಮಿ ಸ್ವಾಮಿನ್ನರಂ.
- englishShri Ram Stuti – Namami Bhakta Vatsalam
- englishShri Ram Stuti
- hindiश्री राम स्तुति
- sanskritश्री राम स्तुति – नमामि भक्त वत्सलं
- malayalamരാഘവ സ്തുതി
- teluguరాఘవ స్తుతి
- tamilராகவ ஸ்துதி
- hindiराघव स्तुति
Found a Mistake or Error? Report it Now
