|| ରାହୁ କଵଚମ୍ ||
ଧ୍ୟାନମ୍
ପ୍ରଣମାମି ସଦା ରାହୁଂ ଶୂର୍ପାକାରଂ କିରୀଟିନମ୍ ।
ସୈଂହିକେୟଂ କରାଲାସ୍ୟଂ ଲୋକାନାମଭୟପ୍ରଦମ୍ ॥ 1॥
। ଅଥ ରାହୁ କଵଚମ୍ ।
ନୀଲାଂବରଃ ଶିରଃ ପାତୁ ଲଲାଟଂ ଲୋକଵଂଦିତଃ ।
ଚକ୍ଷୁଷୀ ପାତୁ ମେ ରାହୁଃ ଶ୍ରୋତ୍ରେ ତ୍ଵର୍ଧଶରିରଵାନ୍ ॥ 2॥
ନାସିକାଂ ମେ ଧୂମ୍ରଵର୍ଣଃ ଶୂଲପାଣିର୍ମୁଖଂ ମମ ।
ଜିହ୍ଵାଂ ମେ ସିଂହିକାସୂନୁଃ କଂଠଂ ମେ କଠିନାଂଘ୍ରିକଃ ॥ 3॥
ଭୁଜଂଗେଶୋ ଭୁଜୌ ପାତୁ ନୀଲମାଲ୍ୟାଂବରଃ କରୌ ।
ପାତୁ ଵକ୍ଷଃସ୍ଥଲଂ ମଂତ୍ରୀ ପାତୁ କୁକ୍ଷିଂ ଵିଧୁଂତୁଦଃ ॥ 4॥
କଟିଂ ମେ ଵିକଟଃ ପାତୁ ଊରୂ ମେ ସୁରପୂଜିତଃ ।
ସ୍ଵର୍ଭାନୁର୍ଜାନୁନୀ ପାତୁ ଜଂଘେ ମେ ପାତୁ ଜାଡ୍ୟହା ॥ 5॥
ଗୁଲ୍ଫୌ ଗ୍ରହପତିଃ ପାତୁ ପାଦୌ ମେ ଭୀଷଣାକୃତିଃ ।
ସର୍ଵାଣ୍ୟଂଗାନି ମେ ପାତୁ ନୀଲଚଂଦନଭୂଷଣଃ ॥ 6॥
ଫଲଶ୍ରୁତିଃ
ରାହୋରିଦଂ କଵଚମୃଦ୍ଧିଦଵସ୍ତୁଦଂ ୟୋ
ଭକ୍ତ୍ୟା ପଠତ୍ୟନୁଦିନଂ ନିୟତଃ ଶୁଚିଃ ସନ୍ ।
ପ୍ରାପ୍ନୋତି କୀର୍ତିମତୁଲାଂ ଶ୍ରିୟମୃଦ୍ଧି-
ମାୟୁରାରୋଗ୍ୟମାତ୍ମଵିଜୟଂ ଚ ହି ତତ୍ପ୍ରସାଦାତ୍ ॥ 7॥
Found a Mistake or Error? Report it Now
