ಶ್ರೀ ರಾಮಾನುಜ ಸ್ತೋತ್ರಂ PDF ಕನ್ನಡ

ಶ್ರೀ ರಾಮಾನುಜ ಸ್ತೋತ್ರಂ ಕನ್ನಡ Lyrics

|| ಶ್ರೀ ರಾಮಾನುಜ ಸ್ತೋತ್ರಂ ||

ಹೇ ರಾಮಾನುಜ ಹೇ ಯತಿಕ್ಷಿತಿಪತೇ ಹೇ ಭಾಷ್ಯಕಾರ ಪ್ರಭೋ
ಹೇ ಲೀಲಾನರವಿಗ್ರಹಾನಘ ವಿಭೋ ಹೇ ಕಾಂತಿಮತ್ಯಾತ್ಮಜ .
ಹೇ ಶ್ರೀಮನ್ ಪ್ರಣತಾರ್ತಿನಾಶನ ಕೃಪಾಮಾತ್ರಪ್ರಸನ್ನಾರ್ಯ ಭೋ
ಹೇ ವೇದಾಂತಯುಗಪ್ರವರ್ತಕ ಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ಹಾರೀತಕುಲಾರವಿಂದತರಣೇ ಹೇ ಪುಣ್ಯಸಂಕೀರ್ತನ
ಬ್ರಹ್ಮಧ್ಯಾನಪರ ತ್ರಿದಂಡಧರ ಹೇ ಭೂತಿದ್ವಯಾಧೀಶ್ವರ .
ಹೇ ರಂಗೇಶನಿಯೋಜಕ ತ್ವರಿತ ಹೇ ಗೀಶ್ಶೋಕಸಂಹಾರಕ
ಸ್ವಾಮಿನ್ ಹೇ ವರದಾಂಬುದಾಯಕ ಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ಶ್ರೀಭೂತಪುರೀಶ ಲಕ್ಷ್ಮಣಮುನೇ ಹೇ ಯಾದವಾಪಾದಿತಾ-
ಪಾರ್ಥಾರ್ಥದ್ರುಮಕೃಂತನೋಗ್ರಪರಶೋ ಹೇ ಭಕ್ತಮಂದಾರಕ .
ಹೇ ಬ್ರಹ್ಮಾಸುರಮೋಚನಕ್ಷಮ ಕೃಪಾಕೂಪಾರ ಹೇ ಸಜ್ಜನ-
ಪ್ರೇಷ್ಠಾಮೋಘಯತೀಂದ್ರದೇಶಿಕ ಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ಪೂಣಾರ್ಯ ಕೃಪಾಪ್ತಸದ್ದ್ವಯಮನೋ ಮಾಲಾಧರಾನುಗ್ರಹಾತ್
ಜ್ಞಾತದ್ರಾವಿಡವೇದತತ್ತ್ವ ಸುಮತೇ ಮನ್ನಾಥಪೃಥ್ವೀಧರ .
ಕಾಂಚೀಪೂರ್ಣವರೇಣ್ಯಶಿಷ್ಯ ಭಗವನ್ ಹೇ ಕೇಶವಸ್ಯಾತ್ಮಜ
ಶ್ರೀಪದ್ಮೇಶಪದಾಬ್ಜಷಟ್ಪದಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ಗೋಪೀಜನಮುಕ್ತಿದಾನಕರ ಹೇ ಶಾಸ್ತ್ರಾರ್ಥತತ್ತ್ವಜ್ಞ ಹೇ
ಗೋಷ್ಠೀಪೂರ್ಣಕೃಪಾಗೃಹೀತವಿಲಸನ್ಮಂತ್ರಾಧಿಪಾಹಸ್ಕರ .
ಹೇಽನಂತೇಷ್ಟಫಲಪ್ರದಾಯಕ ಗುರೋ ಹೇ ವಿಠ್ಠಲೇಶಾರ್ಚಿತ
ಹೇ ಬೋಧಾಯನ ಸೂತ್ರಸನ್ಮತ ಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ಗೋಪಾಲಕ ಹೇ ಕೃಪಾಜಲನಿಧೇ ಹೇ ಸಿಂಧುಕನ್ಯಾಪತೇ
ಹೇ ಕಂಸಾಂತಕ ಹೇ ಗಜೇಂದ್ರಕರುಣಾಪಾರೀಣ ಹೇ ಮಾಧವ .
ಹೇ ರಾಮಾನುಜ ಹೇ ಜಗತ್ರಯಗುರೋ ಹೇ ಪುಂಡರೀಕಾಕ್ಷ ಮಾಂ
ಹೇ ಗೋಪೀಜನನಾಥ ಪಾಲಯ ಪರಂ ಜಾನಾಮಿ ನ ತ್ವಾಂ ವಿನಾ ..

ಹೇ ರಾಮ ಪುರುಷೋತ್ತಮ ನರಹರೇ ನಾರಾಯಣ ಕೇಶವ
ಗೋವಿಂದ ಗರುಡಧ್ವಜ ಗುಣನಿಧೇ ದಾಮೋದರ ಮಾಧವ .
ಹೇ ಕೃಷ್ಣ ಕಮಲಾಪತೇ ಯದುಪತೇ ಸೀತಾಪತೇ ಶ್ರೀಪತೇ
ಹೇ ವೈಕುಂಠಪತೇ ಚರಾಚರಪತೇ ಲಕ್ಷ್ಮೀಪತೇ ಪಾಹಿ ಮಾಂ ..

ಇತಿ ಶ್ರೀರಾಮಾನುಜಸ್ತೋತ್ರಂ ಸಂಪೂರ್ಣಂ ..