साईबाबाची आरती PDF मराठी

साईबाबाची आरती मराठी Lyrics

॥ साईबाबाची आरती ॥

आरती साईबाबा ।
सौख्यदातारा जीवा ।
चरणरजतळी ।
द्यावा दासा विसावा ।
भाक्ता विसावा ॥

जाळुनिया अनंग ।
स्वस्वरूपी राहे दंग ।
मुमुक्षु जनं दावी ।
निज डोळा श्रीरंग ॥

आरती साईबाबा…

जया मनी जैसा भाव ।
तया तैसा अनुभव ।
दाविसी दयाधना ।
ऐसी तुजी ही माव ॥

आरती साईबाबा…

तूमचे नाम ध्याता ।
हरे संसृतिव्यथा ।
अगाध तव करणी ।
मार्ग दावीसी अनाथा ॥

आरती साईबाबा…

कलियुगी अवतार ।
सगुणब्रह्म साचार ।
अवतीर्ण झालासे ।
स्वामी दत्त दिगंबर ॥

आरती साईबाबा…

आठा दिवसा गुरुवारी ।
भक्त करिती वारी ।
प्रभुपद पहावया ।
भवभय निवारी ॥

आरती साईबाबा…

माझा निजद्रव्य-ठेवा ।
तव चरणरजसेवा ।
मागणे हेचि आता ।
तुम्हा देवधिदेवा ॥

आरती साईबाबा…

इच्छित दीन चातक ।
निर्मल तोय निजसुख ।
पाजावे माधवा या ।
सांभाळ आपुली भाक ॥

आरती साईबाबा…