సంకష్టనాశన విష్ణు స్తోత్రం PDF తెలుగు

|| సంకష్టనాశన విష్ణు స్తోత్రం ||

నారద ఉవాచ |
పునర్దైత్యాన్ సమాయాతాన్ దృష్ట్వా దేవాః సవాసవాః |
భయాత్ప్రకంపితాః సర్వే విష్ణుం స్తోతుం ప్రచక్రముః || ౧ ||

దేవా ఊచుః |
నమో మత్స్యకూర్మాదినానాస్వరూపైః
సదా భక్తకార్యోద్యతాయార్తిహంత్రే |
విధాత్రాది సర్గస్థితిధ్వంసకర్త్రే
గదాశంఖపద్మారిహస్తాయ తేఽస్తు || ౨ ||

రమావల్లభాయాఽసురాణాం నిహంత్రే
భుజంగారియానాయ పీతాంబరాయ |
మఖాదిక్రియాపాకకర్త్రే వికర్త్రే
శరణ్యాయ తస్మై నతాః స్మో నతాః స్మః || ౩ ||

నమో దైత్యసంతాపితామర్త్యదుఃఖా-
-చలధ్వంసదంభోలయే విష్ణవే తే |
భుజంగేశతల్పేశయానాఽర్కచంద్ర-
-ద్వినేత్రాయ తస్మై నతాః స్మో నతాః స్మః || ౪ ||

నారద ఉవాచ |
సంకష్టనాశనం నామ స్తోత్రమేతత్పఠేన్నరః |
స కదాచిన్న సంకష్టైః పీడ్యతే కృపయా హరేః || ౫ ||

ఇతి పద్మపురాణే పృథునారదసంవాదే సంకష్టనాశన విష్ణు స్తోత్రమ్ |